الموضوع: تأخير دوارة النوبيرا

الله ينور عليك يا بشمهندس سمير انا فاكر مشكله وعاء بخار البنزين لما كان بيعمل فاكيوم فى تانك البنزين بس ماكنش بيعمل ضغط فى التانك ده كان بيعمل فاكيوم بس كده فى نقطه حضرتك فكرتنى بيها ان عمليه الفاكيوم ديه كانت عمليه عكسيه على طلمبه البنزين لان المفروض ان الطلمبه بتاخد البنزين من التانك وتوديه بضغط معين على الرشاشات وعمليه الفاكيوم بتقلل الضغط ده فهل لو قل ضغط البنزين على الرشاشات له تأثير على عمليه الاحتراق

فهل لو قل ضغط البنزين على الرشاشات له تأثير على عمليه الاحتراق

طبعا ياباشا
زيادة الضغط على الرشاشات تخليها تسيل لأن بلف منظم ضغط الوقود اللى فى آخر المسطره ليه حدود فى الفتح بناء على الفاكيوم اللى بياخده من البوابه
ونقص الضغط يخللى البنزين قليل اللى داخل غرف الحريق والحريق يبقى هزيل وسحب العربيه يبقى مش قد كده

هاتأكدالاول من الخراطيم ووعاء بخار البنزين وعمليه الفاكيوم اللى فى التانك لو كله تمام هتوكل على الله واغير الرشاشات وشكرا يا بشمهندس سمير والاستاذ محمد ممدوح على الرد

أنا معايا نوبيرا 99 وفيها نفس العيب دة البوجيهات بتهبب بسرعة و العادم ريحتة بنزين و السحب ضعيف وتأخير في الدوران لازم ادور مرة ثم ادور ثاني مرة علشان تدور ولا يمكن تدور من اول مرة حتي لوقعدت ادور نص ساعة وكشفت عليها قالي حساس الأكسجين بتاع الشكمان Pre Catalizer عاوز يتغير وناس تانية قالت لي الرشاشات كاوزة تتغير بتدخل بنزين كتير مع ملاحظة ان استهلاك العربية عادي حوالي 230 كم في الصفيحة هوة أية الحكاية بالضبط فين العيب وبعدين فين وعاء بخار البنزين هوة الأسفل من خرطوم تموين التانك العلبة الصغيرة و لو هية تتفك ازاي

المشاركة الأصلية كتبت بواسطة sbkr

أنا معايا نوبيرا 99 وفيها نفس العيب دة البوجيهات بتهبب بسرعة و العادم ريحتة بنزين و السحب ضعيف وتأخير في الدوران لازم ادور مرة ثم ادور ثاني مرة علشان تدور ولا يمكن تدور من اول مرة حتي لوقعدت ادور نص ساعة وكشفت عليها قالي حساس الأكسجين بتاع الشكمان pre catalizer عاوز يتغير وناس تانية قالت لي الرشاشات كاوزة تتغير بتدخل بنزين كتير مع ملاحظة ان استهلاك العربية عادي حوالي 230 كم في الصفيحة هوة أية الحكاية بالضبط فين العيب وبعدين فين وعاء بخار البنزين هوة الأسفل من خرطوم تموين التانك العلبة الصغيرة و لو هية تتفك ازاي

فعلا هو اسفل خرطوم تموين التانك وقصاد علبه الشكمان الخلفيه هتلاقيه عليه غطا بلاستيك فكه هتلاقى 3 خراطيم داخله فيه فكهم واتأكد انهم مش مسدودين من نحيه العلبه وغالبا العيب ده فعلا رشاشات بس اتأكد الاول من العلبه ديه والخراطيم بتاعتها

الموضوع جميل وربنا يكرمكم جميعا لانكم بالفعل بتفيدونا
ولى سوال ما هو افضل نوع فى البوجيهات وهل بتفرق مع الدوراة اذا كانت شمعة واحدة والا اتنين والا ثلاثه
وكمان انا اعرف ان زيادة عدد الشمعات فاتدته فى التسارع
ولو حد يعرف اسعارهم اكون شاكر ليه لو افادنى
ولكم جزيل الشكر

فيه الدنسو اليابانى وفيه ngk والاتنين كويسين بس افضلهم الدنسو انا بركب شمعه واحده مجربتش ال2 شمعه والطقم عامل 40 جنيه