الموضوع: تأخير دوارة النوبيرا

العيب ده متعارف علية فى النوبيرا من زمان انا كان عندى 2001 وظهر العيب ده بعد تقريبا 3 شهور وساعات تتظبط وساعات ترجع تانى وعلى ما اتذكر الاخوة هنا فى المنتدى قالو ان العيب ده عيب رشاشات وبيتم تغيرهم برشاشات bmw من الحرفيين.

طبعا عشان أنا بتلكك ..... فعاوز كل حاجه تبقى بإذن الله فى أفضل حاله .... ولو فى اى بوادر مشكله تتحل بدرى بدرى

لا ده مش تلكيك
دا ده الصح .....ووجهة نظرك دى ....فى لغة الهندسه
أسمها ( الصيانه الوقائيه ).......

العربيه نوبيرا 1600 ... موتور 78% ... البنزين 92 ... البطاريه جافه من شهر ... البوجيهات "مش عارف"

لو فى إحتمال غير البوجيهات ياريت أعرفه

وبما أن عربيتك بالمواصفات دى ....وعربيتك

car: Nubira 2005 m/t

أكشف على البوجيهات ......ولو مكنتش غيرتها من زمان
توكل على الله وغيرها
لأن فعلا

أول الغيث قطره

مين كمان قال انا جاى "بهزر اوعى حد يزعل"

أنا جايلك أهو .............ههههههههههههه
وهو فيه حد بيزعل من الكلام التلقائى الصح ....
وخد راحتك .....طالما فى حدود قوانين التخاطب

العيب ده متعارف علية فى النوبيرا من زمان انا كان عندى 2001 وظهر العيب ده بعد تقريبا 3 شهور وساعات تتظبط وساعات ترجع تانى

وعاوز أقول لأخونا ( حسام )
مش كل النوبيرا ولا الانوس كده
ده فعلا بدايه لخلل فى دورة الأشعال ( بوجيهات - كابلات - بوبينا )
أو بداية خلل رشاشات مثلا
بس حنختار الأسهل الأول ( البوجيهات )
بناءا على ملابسات القضيه
وأنا أتوقع أن الشك موجه بصوره قويه نحو البوجيهات
ودى أول حاجه أن أشك فيها ....قبل مانفتح ملف تانى
فالأولى أختيار الأسهل ....ثم ثم ثم
فقد يقع الطائر من على الشجره ....من أول قذيفه
الطائر (تأخير الدواره ) ....أول قذيفه ( البوجيهات )

نفسى المشكله عندى برده وكنت شاكك فى البوجيهات وغيرتها وكانت مهببه ولما ركبت البوجيهات الجديده هببت برده بسرعه من اول يومين انا دلوقتى شاكك فى الرشاشات لان العربيه موديل 99

المشاركة الأصلية كتبت بواسطة souzoran

نفسى المشكله عندى برده وكنت شاكك فى البوجيهات وغيرتها وكانت مهببه ولما ركبت البوجيهات الجديده هببت برده بسرعه من اول يومين انا دلوقتى شاكك فى الرشاشات لان العربيه موديل 99

لا أنت وضعك مختلف لأسباب كتير
1- عربيتك موديل 99 أما صاحب الموضوع موديل 2005 .....يعنى الرشاشات عنده لسه بخيرها
2- ممكن برضه تكون البوجيهات اللى أنت لسه شاريها مرطبه .....أو الجاب بتاعتها مش مظبوطه
3- وممكن يكون عندك عيب كابلات بوجيهات أو ضعف بوبينا
4- وطبعا لا ننكر أحتمال بداية خلل فى الرشاشات برضه

شكرا يا بشمهندس سمير على ردك بس انا غيرت البوجيهات مرتين وساعات كتير بشم ريحه بنزين نى وهل حساس الشكمان يعمل نفس الاعراض ديه وازاى اعرف ان البوبينا هيه السبب او سلك البوجيهات

بس انا غيرت البوجيهات مرتين

طالما مرتين ....يبقى البوجيهات بريئه من الفيلم ده الى حد كبير

وساعات كتير بشم ريحه بنزين نى

ماهو ده بسبب أخفاق فى دورة الأشعال أو دورة البنزين

وهل حساس الشكمان يعمل نفس الاعراض ديه

لا حساس الشكمان ....ملوش دخل بعملية بدأ الدواره ...اللى هى موضوعنا الحالى

وازاى اعرف ان البوبينا هيه السبب

من عند البوبينا ...حتفصل كبل كبل ....والعربيه شغاله ...وتقرب نتاية الكبل فى أتجاه التركيب تماما ....حيحصل شراره
لو لقيت الأربعه فى نفس القوه تقريبا .....يبقى البوبينا تمام

او سلك البوجيهات

ده ليه أختبار مقاومات ....وليه أختبارنا البلدى اللى معروف لدى الصنايعيه
حتعمل نفس طريقة فصل كابلات البوجيهات واحد واحد
المره دى من عند البوجيهات .....زى طريقة البوبينا ....ولكن من الجانب التانى عند البوجيهات

هاعمل الاول اختبار للبوبينه وسلك البوجيهات واتأكد منهم ولو طلعوا تمام هاغير رشاشات ان شاء الله واجرب بس عربيتى 1500 cc اجيبلها بتوع ال bmw برده ولا اكسنت