-
تويوتا كرولا 92 للبيع
http://img194.imageshack.us/img194/1...1466resize.jpg
1- تويوتا كرولا 92 مواصفات خليجى
2- 175000 كم 3- الكماليات (كاسيت-تكييف- هاف باور)
4-حالة الصاج او الخوارج (تحتاج وش نضافة)
5-حالة الدواخل (فابريكة)
6-حالة الصالون (جيده)
7-الحالة العامة او التقييم العام للسيارة (جيد جدا)
8-حالة الكاوتش (جيدة جداجدا)
9-حالة البطارية (جديدة بالضمان)
10-مكان المعاينة (مصر الجديدة او يرجى الاتصال والاتفاق)
11-السعر المبد ئي كام : 47000 جنيه 12-اسم : هانى حجازى رقم التليفون : 0111403123
13-تاريخ انتهاء الرخصة: فبراير 2010
14 – ثاني يد
15 – حالة الموتور جيدة جدا
-
-
-
ربنا يكرم وتلاقى اللى ياخدها بالسعر اللى انت عاوزه بس خللى بالك
هاتنزل من دى ماتركبش الا المانى
لان العربيه دى من انضف موديلات التويوتا اللى بتجرى فى مصر
وعلى حسب علمى ان العربيه دى كلها تجميع بلادها مفيش منها تجميع مصرى وانا شفت منها بازاز ملزن بيغمق فى الشمس بس والموتور بتاعها حرير وعمليه وقوة تحملها بجد تحفه واستهلاك بنزين ماشاء الله
اتمنى انك تكون عارف بتبيع ايه وهاتركب بعدها ايه
والله لو معايا تمنها ماكنت سيبتها
وعموما ربنا يكرمك وتبيعها ويبارك للى هاياخدها ان كانت حالتها كويسه زى مابتقول
-
يارب وميرسى جدا على توضيحك
بس للاسف بالرغم كده واضح ان سوق المستعمل نايم اوانا مش عارفه فى ايه
-
بكره تفرج على الكل ودوام الحال محال
لا البيع ولا الشرا هايقفوا ولا الناس بتبطل تاكل ولا تشرب ولا تركب عربيات
هى بس الهزه اللى جت دى كان لابد منها عشان الامور كانت خرجت عن الطبيعى
ال 128 موديل سبعينات والله كانت بتوصل لاكتر من 20 الف وصاحبها يقوللك اصلها فابريكه
طب بالزمه ده عقل دى حتى لو فابريكه يبقى زمانها على وشك الانهيار
انا رأيى بصراحه ان الازمه دى جت فى وقتها وباى حال من الاحوال لحد النهارده وبالرغم من نزول الاسعار الا ان حضرتك بتبيع عربيتك بسعر يمكن اكبر من السعر اللى جبتها بيه ايام ماكانت زيرو
-
والله عندك حق
وبالنسبة لسعرها انا فعلا لما اشترتها كان سعرها اقل من كده بس هى سعرها دلوقتى فى السوق مابين 45 وال 52 مش بتكتر عن كده
والله انا عارفه انها خسارةتتباع بس الواحد عايز يركب اتوماتيك عشان بلدناوزحمتها ديه متنفعش غير كده
-
طيب خللى بالك لو هاتركب اوتوماتيك
يبقى خياراتك فى حاجه من اتنين
الالمانى وده الافضل ثم اليابانى وابعد تماما عن الكورى نوهاااااااااااااااااائى
الاوتوماتيك مريح اه لكن لما بيحصلله حاجه فى الفتيس مابترضاش تتعتع من على الارض ولا تتزق ولا ترمى ولا الكلام ده
وحتى لو العيب مش فى الفتيس يعنى لو البطاريه نامت انسى انها تدور زق لان الاوتوماتيك مابيتزقش
فاحسنلك خليك فى الالمانى عشان تتجنب اعطال الفتيس الكتيره والمتعبه وقبل كل شىء المكلفه جدا جدا
وربنا يوقثك للى فيه خير ليك
-
على فكرة انا بنت :)
تانى حاجه فعلا الاتوماتيك مشاكله كتير وانا مجرباها قبل كده بس اععتقد حاجه اولا العربية ديه هتكون بتاعت مامتى اناعربيتى مانيوال والحمدلله فاعتقدان استعمال سيدة مشواريها معدودة هتكون كويسه ولا ايه
-
طب مش تقولى من بدرى انك واحده مش واحد
عموما مادام استعمال حريمى يبقى بردو هاتى حاجه كويسه
ان مش فاهم ايه الاشاعه اللى طالعه ان الاشتعمال الحريمى كويس
دانتو بتعذبوا العربيات عندى واحده قريبتى تدور وتمشى بس ودى المصيبه لانها لا تعرف لا ميه ولا زيت ولا تعرف يعنى ايه صيانه وهو ده فى رايى الاستعمال الحريمى
العربيه من كتر الاستعمال الحريمى اللى قلتلك عليه ده بقينا نحس انها هاتتكلم فى يوم وتنطق الشهادتين
ساعات كنت اعدى من جنب العربيه ويتهيالى انها بتهمس بالراحه وتقول احد" احد
لو مامتك من النوع ده يبقى هاتيلها دبابه 18 سلندر وخصوصا لو كانت من النوع اللى بيحب يسيب علامه على العربيات اللى حواليه عشان الناس تفتكرها
اما لو من النوع الخواف وقلبها ضعيف يبقى هاتيلها حاجه ناعمه ويابانى مش لازم المانى
وبعدين هو مفيش حد غيرنا فى المنتدى ده ولا ايه
اللى ماحد هوب من الموضوع ولا قال كلمه
انتى محرجه حد يدخل هنا ولا ايه
-
ههههههههههههههههه لاالحمد لله ماما مش خوافه بس فى نفس الوقت سواقتها حلوةماشاء الله ربنا يسهل كده بكرة فى ناس جايه تشوف العربية هنشوف الدنيا ماشية ازاى
وتقريبا كده فعلا مفيش حد غيرنا بس المشاهدات كتييييييييييييييييييرة
-
والله انا كان نفسى اركب النوع ده من العربيات
لانها محترمه جدا
بس للاسف مافيش سيوله كافيه حاليا
ربنا يوفقك ويحسنلك سوقها وتلاقى اللى يقدرها
-
ربنا يوفقك يا gogy في بيعها انشاء الله
-
السلام عليكم .. خير الكلام ما قل ودل انا عندي نيه للشراء والعربيه تسوى اكثر من ذلك علشان بتاعتكم .. ولكن للاسف السعر الحالي يعتبر عالي عن السوق فلو ممكن 35 الف انا تحت الامر والنيه موجوده وارجوا ان حضراتكم ما تزعلوش من كلامي ..
-
وعليكم السلام ورحمة الله وبركاته
متشكرة لذوق حضرتك
بس بعتذر ليك جدااا السعر اللى حضرتك عرضه ده قليل جدا وبعيد كمان
-
طب السعر دة مفهوش كلام و لا اية
انا بدور على عربية زى دة مش لاقى حالة نظيفة لو العربية فعلن كويسة مفيهاش صيانة كتير ممكن يكون فى كلام و اخلص معاك
-
فى حالة جدية الشراء يمكن التفاوض بعض مشاهدة العربية
حضرتك ممكن تتصل فى اى وقت وتتفق على ميعاد واللى فيه الخير ربنايقدمه ان شاء الله
-
-
اهم حاجة لما تبيعي العربية تريحي اللي هيشتريها منك في السعر شوية ومشتغلبية وتبركيلوا فيها والواضح من كلامك ان العربية كويسة وربنا يوفقك وتبعيها لناس كويسين وياريت تبقي تعرفينا لما تبعيها
-
والله حضرتك الحمدلله مرتاحه نفسياً واناوالبيت مباركين للى اتفقنا معاه والناس كويسه والله وربنا يباركله فيها ان شاء الله ويكفيه شر الطريق واكيد اول متتم البيعه هبلغكم ان شاء الله :)والحمد لله اعتقدانهم موافقين على السعر واحنا راضين والحمد لله بالرغم انهم غلبونى معاهم بس راضيين والحمد لله
-
لسة؟
ها تمت البيعة ولا لسة
وممكن اعرف سعر البيع لانى غاوى تويوتا
بس e100 سعرها تايهة بالسوق
وملهاش حدود ولا سقف معين
زميلى بالشركة معاة واحدة
عايز 65000
بس تحفة
ربنا يبارك لة وليكى اختى الفاضلة
نسالكم الدعاء
-
الله يخليك الحمد لله البيعه تمت
-
علي فكرة ياجماعة انا اللي اشتريت العربية والعربية كويسة بس كان فيها حاجات بسيطة زي التكيف كان عاوز يتزود شحن وكمان شوية سمكرة بسيطة علي البارد وكمان اسطوانة دبرياج والسيور وصيانة عامة بس العربية كويسة جدا ودي مصاريف عادية وبصراحة جوجي تعبتني شوية بس بصراحة هيا بنت بميت راجل اما السعر فاعتقد ان دي حاجة خاصة وممكن جوجي مش عاوزة حد يعرفة
-
ربنا يباركلك فيها يارب و يبارك لاخوك ويكفيكم شر الطريق وبعدين مين اللى تعب مين انت طلعت عينى ده حتى انت ضاحك عليا d:
بس خدوا بالكم منها ديه عشرة برده :) مبروك عليكم
-
[frame="1 80"]
تاريخ عرض السياره تاريخ قديم .لو السياره ما زالت موجودة ياريت ألاقى رد منك بعد قراءتك للتعليق
[/frame]
-
-
بالتوفيق فى البيع انشاء الله
Content Relevant URLs by
vBSEO 3.6.0 PL2