السلام عليكم انا ان شاء اللة حعمل صيانة 20 الف الاسبوع دة و منت عايز اعرف رائ حضراتكم مين احسن ابوغالى العبور ولا مودرن سيرفس اللى عند السندباد
السلام عليكم انا ان شاء اللة حعمل صيانة 20 الف الاسبوع دة و منت عايز اعرف رائ حضراتكم مين احسن ابوغالى العبور ولا مودرن سيرفس اللى عند السندباد
السلام عليكم
انا عملت الصيانة عند مودرن سيرفس اللى عند السندباد يوم الجمعة الماضيه ، و تعاملاتهم كويسه و مفيش انتظار كبير ( انا رحت قبل الصلاة بحوالى ساعتين و خلصوا فى ساعة تقريبا )
بس انا مجربتش ابو غالى
بص يا باشا أنا ساكن في النزهة الجديدة جربت مودرن في ال1000 و 5000 ومحسيتش ان في أي مشاكل معاهم لكن لما كنت باقرأ خطوات الصيانة اللي مكتوبة في الورقة المطبوعة لصيانة السيارة لاحظت ان في خطوات كتيرة معملوهاش في الصيانة مثل فك العجل والكشف على الفرامل والتنظيف وتنظيف فلتر الهواء والتكييف وكنت باستغرب من زمايلي اللي معاهم الانترا وبيقولوا ان بعد كل صيانه بيحسوا ان العربيه فرقت كتيير و(فاقت) كنت باستغرب لاني حاسس ان مفيش فرق. في صيانة ال10000 قررت اجرب أبو غالي وتابعت كل خطوة في الصيانة السيستم عالي جدا وكل حاجة في الجدول اتعملت قدام عيني والجميل انهم بيغسلولك العربية جوة وبرة زي الفل ببلاش لكن لازم تعرف التالي:
1- لازم تروح بدري يعني الساعة 8 احسن حاجة وياريت تكون حاجز بالتلفون على الرغم ان في ناس بتبقى حاجزة لكن الضغط كبير جدا وابعد عن يوم السبت
2- وانت بتقوله على الصيانه اطلب منه غسيل الموتور بالفوم ثمنه 30 جنيه لكن بيخلي الموتور زي الفل
3- المهندس اللي هناك بيعمل حركة (قرعه) قوي لو مطلبتش غسيل موتور بيروح نص ساعة وبعد كده ينادي على اسمك ويقولك لما كشفنا على العربية لقيناها محتاج قوي غسيل موتور نغسل ولا لأ فانت ريح نفسك وقوله أه من الأول
4- لو رحت الساعة 10 حتمشي الساعة 3 ولو رحت 8 حتمشي 10 ولو مستعجل ممكن متغسلش حتستلمها في ساعة
نسيت أقولك ان لأول مرة العربيه فرقت جدا بعد الصيانة في السحب والعفشة والتكييف
وبالتوفيق