الموضوع: حاطط ايه فى عربيتك؟

انا محتويات عربيتى كالتالى :

1- الاستبن بالعدة بتاعته ( مع العربية )
2- شوية سيديهات اغانى و فلاشة
3- wipes armor all للتابلوه
4- كيس disposable gloves عشان لو هعمل حاجة فى العربية و مش هعرف اغسل ايدى
5- سبراى معطر هوا بتاع العربيات
6- مصحف
7-ازايز مية فى الشنطة ( مش عارفة ليه بس بحس انه لازم يبقى فى مية ، ان مكنش للرادياتير يبقى للمساحات )
8- علبة مناديل طبعا
9- فوطة ميكرو فيبر للتابلوه + بتاعة كدة عاملة زى الجوانتى و طالع منها حاجات بنضف بيها الازاز من برة ساعات + فوطة صفرا مبعملش بيها اى حاجة
10- شاحن للموبايل
11- كابل اوديو
12- trash can صغنتوتة
13- سماعة للموبايل دايما بسيبها فى العربية
14- شماسة طبعا
15- كيس كبير فاضى او اكتر عشان لو حبيت الم اى حاجة من العربية او انضفها

بس كده

لمفروض الناس كلها تكتب في البروفايل اسهل...
%100

حااطط الاستبن والكوريك و الصليبه وشريط عمرو دياب بس

المشاركة الأصلية كتبت بواسطة viper7

حاطط ايه فى عربيتك غير المثلث العاكس و شنطة الإسعافات؟!

1- طفايه
2- حبل الى بيسموه سلبه
3-مفك بيتقلب
4-الاستبن ومفتاح العجل وطبعا دول اساسى
5-علبه فيها منظف زجاج و4 فوطه نظاف
6-منظف الموتور
7-منظف فرش
8-كشاف بيشتغل بالولاعه بتاعت العربيه
9-معطر
10- صبونه على شان لو عاوز اغسل ايدى
11- سجاده الصلاه
12- الغطاء بتاع العربيه وشماسه
13-قلم جاف ونوت

وفيه تانى بس انا مش فاكر بس عموما انا العربيه عاملها سوبر ماركت فيها كل حاجه الحمد لله على شان كل ما احتاج حاجه وانا فى العربيه وتكون مش موجوده بجيبها واسيبها فى العربيه غير السلبه والمفك والطفايه على شان دول اساسى فى اى عربيه المفروض

العربية دى بيتى التانى
أنا لسه ما حطتش المثلث و شنطة الإسعافات عشان ماكانوش جم المرور ساعة ما رخصت بس ادونى وصل بيهم و قالولى أطلعه لو اتسألت عليهم
1- عدة العربية اللى جاية بيها
2- غطاء العربية
3- شنطة ظهر فيها كوتشى و شورت و تىشيرت و كرة عشان لو اتزنقت و عايز ألعب
4- شبشب عشان لو عزت أصلى فى مسجد على الطريق الجزمة ما تتسرقش
جوه العربية بقى
5- شاحنين للموبيل (عربية و منزلى)
6- مفك و مطواه سويس نايف و ملقاط و قصافة
7- ولاعة
8- علبة مناديل عادية و علبة ويبس
9- نظارة شمس احتياطية و كاب احتياطى و فرشاة شعر
10- إندكس صغيرة و قلم
11- مصحف
12- كشاف صغير
13- علبة برايت شوز صغيرة
14- صابونة + ورق صابون
15- سماعة الموبيل
بس كده مش فاكر فيه حاجة تانية ولا لأ هتأكد و أقوللك

المشاركة الأصلية كتبت بواسطة successcre8or

المفروض الناس كلها تكتب في البروفايل اسهل...

100000000000000%%%%