حاطط ايه فى عربيتك غير المثلث العاكس و شنطة الإسعافات؟!
عرض للطباعة
حاطط ايه فى عربيتك غير المثلث العاكس و شنطة الإسعافات؟!
أولا هيا مافيهاش لا مثلث ولا شنطه
ثانيا فيها حاجات تانيه ممكن نقسمها حسب الاستخدام
بالنسبه لما يخص العربيه
- طقم مفاتيح من 8 - 25
- مفك عاده
- مفك صليبه
- كابل تاى Cable Tie
- شوية مسامير مختلفه على قفزان على قواشيط كهربا وما شابه
- كل انواع الزيوت (موتور - فرامل - باور) بواقى طبعا
- ميه حمرا
- ميه عاديه
بالنسبه ليا انا
- شاحن
- قلم وورقه
- كبريت (تقللى بتعمل بيه ايه ... اقلك ما اعرفش ... لانى معايا ولاعه غير ولاعة العربيه)عاده قديمه بقى
وشوية حاجات عشان البيه الصغير
- بامبرز :)
- طقم لبس كامل (بره وجوا)
- شوية لعب بتاعته (عربيات صغيره - فوانيس - حاجات بلاستيك مكسره كدا مش عارف بتاعت ايه بس هوا بيحبها)
- لوازم اكل (معلقه و كبايه واللذى منه)
من الآخر عربيتى متحف ولكن متحف مرتب لانها بيتى وانا عايش فيها طول اليوم تقريبا بسيبها عشان انام بس
حاطط طفاية وجابر
- كومبرسور هواء مزود بأضائة للطوارئ (يعمل علي بطارية العربية)
- عمود أضائة تحذيرية (يتم وضعه خلف السيارة علي مسافة لا تقل عن 5 متر) لتحذير السيارات القادمة في حالة و جود عطل لا قدر الله
- معدات فك و تركيب الاطار الاحتياطي + مفكات و مفاتيح (مع العربية أصلا)
- زجاجة مياه مقطرة (1 لتر)
انا معنديش حاجة خالص غير الطفاية و زجاجة مياه عادية
بصراحة عايز كمبريسور الهواء...
انا عدة الغشل
وهى تكون كالاتى
1- 2 هلتى كبير
2- 2صاروخ كبير بوش
3- مفكات وشوية حااجات كدة بتاعة الشغل
4-هلتى كبير الى هو الدقاق الى بيحفر فىالاسفلت
5- البونط بتاعة الهلتى الكبير دة
6-ورق ومستخلصات
7-الاب توب
8-شوية تراب بقى جايين من برة
طقم مفاتيح و مفك صليبة و مبطط و 4 زجاجات مياه بواقى الزيت بتاع الموتور و مسامسير برشام 6 ملم و بنسة برشام
محتويات سيارتي كالتالي:
-----------------------------
نسخة احتياطية من مفاتيح البيت والمكتب والمصيف وبيت والدتي يقتصر استخدام في حالات الطوارئ
نوتة ملاحظات + عدد لا بأس به من الأقلام بمختلف أنواعها لكتابة الملاحظات الطارئة
علبة بوليش + علبة كومباوند + كيس قطن لزوم الخدوش بتاعة كل يوم
بخاخة جلانس + فوطة ميكرو فايبر لتلميع الزجاج والمرايات
زجاجتين معطر مركز من اللي بيترش في الدواسات كل فترة
ملمع التابلوه + ملمع الكاوتش
زجاجة مياه للشرب واهي بتنفع للمساحات بالمرة (لأن عندي خزان المساحات صغير أوي)
العدة الأصلية بتاعة العربية - الكوريك ومفتاح العجل ومفتاح 13 ومفك عادة وصليبة
زيادة عليهم شوية مسامير مقاسات مختلفة + بواقي حتت سلك + شريط لحام + قصافة + طقم فيوزات + طقم لمبات مختلفة + واير قطر + توصيلة قواطيش بطارية للطوارئ
طبعا المثلث وشنطة الاسعافات اللي خدتهم هدية من المرور (والنكتة اني معنديش طفاية - استلفت بتاعة اخويا رخصت بيها)
علبة المناديل لا غنى عنها في كل زمان
شوية سيديهات أغاني + فلاشة
شاحن عربية للموبايل وشاحن آخر للابتوب
دبدوب صغير ورا عند السماعات وسبحة قدام في المراية
كمية لا بأس بها من العملات الفضية في التابلوه (أي عملة فضة تيجي في ايدي بارميها في التابلوه) بتنفع في بقشيش البنزين أو الباركنج
الصب بالصندوق بتاعه واخدين الشنطة كلها ورا
حلية الشكمان اللي كل ما اركبها تفضل تتلخلخ لحد ما تقع (عايز ابقى الحمها اوكسجين)
المساحة الخلفية اللي كسروها ولاد الشوارع وكل ما اغيرها يكسروها (نفسي الحمها هي كمان أوكسجين لو ينفع)
وفي النهاية عربيتي اسبيرانزا a113 (ياريت كل واحد يذكرلنا نوع عربيته كمان بالمرة)