-
ما معني ان العجله قافشه
يا إخواني ما معني أن العجله قافشه ؟
الجله دي سمعتها أمبارح كنت ماشي بالعربيه زي الفل و لما وصلت عند البيت لاقيت العربيه بتبطل كذا مره من غير ما رجلي تخف من علي الدربياج و بعد ما وقفت حاولت ازق العربيه لم تتحرك مع العلم أني ممور و منزل فرامل اليد , المهم واحد قالي العجل قافش و فعلا لاقيت العجلتي الأماميتين حرارتهم عاليه جدا و سكبت عليهم ما حتي تنزل حرارتهم .
المهم دلوقتي أعمل إيه هل أذهب بها للميكانيكي أم أنها لما تريح شويه ممكن أتحرك بيها عادي ؟
و جزاكم الله خير الجزاء و معذره للإطاله
-
دا معناه ان عندك مشكله فى الفرامل و ان تيل الفرامل ماسك جامد على الطنبور و ده بسبب اما ان البساتم محجر او ان التيل خلص و بقا بيحك حديد فى حديد مع الطنبور
ولازم تروح للميكانيكى يحل الموضوع و ان شاء الله يكون خير
-
المشكله اللي عندك ان زيت الفرامل ما بيرجعشي تاني ورايح للبساتم وما بيرجعشي وده عيب ماستر فرامل او خراطيم زيت الفرامل اللي في العجل الامامي
ولازم تروح لفرملجي فورا
-
شكرا يا إخواني علي الإهتمام و إن شاء الله حروح لميكانيكي و حطمنكم
و لكم جزيل الشكر و جزاكم الله خير الجزاء
-
ميرسى ليكوا
انا استفدت و الله بجد
و يا رب العجلة متقفش تانى
Content Relevant URLs by
vBSEO 3.6.0 PL2