-
الفتيس مجننى
صباح الفل
انا عندى عربية 127 مو 82 والفتيس بتعها مجننى من ساعة لما اشترتها من شهر 3 , 2007 اول حاجة من اول ما اشترتها كان الفتيس بيزعق فى الثانى فعرفت انة بسبب الغوايش
وبعد كدة بشهر وتقريبا فى شهر 4 سرعة العربية قلت وبقت بطيئة جدا فعرفت ان المشكلة فى الدسك والاسطوانة والبلية فحليت الفتيس وكان الدسك والاسطوانة والبيلية مدمريين فغيرتهم بطقم المانى تقريبا اسمة SKF ب 280 جنية وكانت العربية مشية كويس بس بردة الفتيس بيزعق فى التانى من الغوايش لانى مصلحتش الغوايش ومن حوالى اسبوع لقيت ان النقل بين الغيارات بقى صعب والمارشدير بقى زى الزفت يعنى عشان اجيب ورا اقعد احاول كذا مرة فقلت ان الزيت اكيد بتاع الفتيس نقص رحت امبارح بنزينة شل المهندسين اللى فى شارع احمد عرابى وكشفت على الزيت لقيت الزيت مليان ومش ناقص ولقيت ترشيح بسيط من الفتيس من تحت
1- اية السبب فى ان الفتيس تقل فى نقلاتة ؟
2- اية سبب الترشيح ؟
3- لية المارشدير بيجى معاية بالعفية ؟
4- لو صلحت الغوايش هل بتتكلف كتير ؟
5- لو حد عندة صور للغوايش ياريت يرفقها عشان اتخيل شكلها ؟
ارجوا الافادة سريعا
وشكررررا
-
بص يا باشا كده الفتيس خلاص علي وشك...
انت الاول هتلاقي عندك بوش كتير اكيد في العصايا االتقل ده لان الغيارات مش ماشية في الحارات المظبوطة بتاغتها يعني تعشيق التروس مبيجيش مظبوط علشان كده بتقعد فترة عقبال متعرف تعشق التروس صح ومعظم ال127 بيحصله كده
بص هاقولك علي حاجة لما بتيجي تزود الزيت هل بتلاقي علي الطبة بتاعت الفتيس رايش من تأكل التروس بداخل الفتيس
ملحوظة الطبة بتكون ممغنطة علشن تلم الشوائب من الزيت
هل الفتيس بينطر غيارات
متقدرش تجزم انها الغوايش غير لما تفكه علشان تشوف كمان الشجرة او في تروس مشطوفة اوفيها كسر
وعايز نصيحة عن تجربة مماثلة بالضبط لنفس المشكلة ونفس العربية وفكيت الفتيس وعملته مكلفنيش كتير مش فاكر قد ايه لان الكلام ده من فترة بس الفتيس رجع طبعا احسن الاول يعني بيعشق بس مش تمام 100% برضه كنت حاسس انه متلصم
فأحسنلك شوفه استيراد حالة :-) كويسة (نصيحة)
ترشيح الزيت ده ليه اسباب كتير ممكن تكون الطبة نفسها وممكن يكون جوانات ممكن يكون كوتش البار الخاص بالكوبلن
-
جرب تغبر زيت الفتيس نزله وحط زيت جديد علشان ممكن يكون الزيت حل
-
غيرت السلك ولا لأ دي كمان حاجة مهمة وممكن كمان تكون المعلقة (ودي الي بتمسك العصايا بتاعة الفتيس)
جرب الحاجات دي مش هتاخد منك وقت ولا فلوس كتير بس ممكن بس هترتاح ان شاء الله من الحكاية دي
Content Relevant URLs by
vBSEO 3.6.0 PL2