قصدك شارع مسرة
بص يا سيدي
هتاخد كوبري أكتوبر
وتنزل أو نزلة بعد الكوبري المعلق نزلة شبرا
هتدخل يمين
ثم تلف شمال في يمين أسفل نفق أحمد بدوي
هتكمل في شارع أحمد بدوي حتى تقاطع شارع الترعة البولاقية (هتلاقيه تقاطع كبير ومميز)
هتدخل يمين
هتلاقي الشارع اتجاهين يفصلهما رصيف خلي الرصيف على إيدك اليمين
هتمشي حوالي 1كم
هيقابلك تقاطع مميز على يمينه من الناحية التانية بنزينة مصر للبترول
هتدخل شمال في هذا الشارع وهو شارع شهير يسمى شارع شيكولاني أو شارع مستشفى كتشنر
هتكمل الشارع لآخره وترجع شمال إجباري في شارع شبرا
(الشوارع في شبرا واحد رايح والتاني راجع )
هتلاقي سور مدرسة التوفيقية على يمينك
وبعد ميخلص بشوية هتلاقي شارع مسرة على يمينك شارع كبير وفيه محلات
لو لقيته اتجاه خارج بس وهو ما أتوقعه خش الشارع اللي بعده مباشرة (شارع خلاط ) لحد آخره وأي يمين هيرجعك تاني على شارع مسرة ..
طريق آخر لو جاي يوم الأحد أو بالليل ..
هتيجي من العباسية سطحي حتى ميدان رمسيس
هتدخل يمين من جانب محطة مصر إلى شارع السبتية
بعد حوالي 2كم هتلاقي الشارع بيلف شمال عند مدرسة الصنايع على شمالك
قدامها هتلاقي شارع بتخش فيه الميكروباصات اسمه شارع النجيلي واضح وباين وانت ماشي على اليمين هادي يعني 30 40 كم /س
هتدخل الشارع هتعدي مزلقان القطار وتكمل في الشارع لآخره اسمه (شارع ابن الرشيد )
أول متخلصه هتدخل يمين في أول شارع مسره
طريق تالت لو هتكمل في أكتوبر .. أسهل وأروق بس أطول شوية
هتاخد كوبري أكتوبر
هتنزل نزلة المحطة الدولية بعد رمسيس علطول
هتكمل طوالي لا يمين ولا شمال في شارع شنن
هتلاقي ميدان بيطلعك على الكورنيش طوالي ويمين على الوكالة وهتلاقي نفسك تقريباً في ضهر فندق كونراد
هتاخد يمين إلى كوبري الصنايع روض الفرج جسر البحر (هتلاقي الكلام ده مكتوب على يافطة على ناصية الشارع )
هتطلع الكوبري وتنزل في ميدان روض الفرج
وهتاخد أول يمين بحذاء سور السوق القديم على يمينك
طوالي ده شارع مسرة حتى شارع شبرا
وتوصل بالسلامة
المفضلات