السادة الرجال و عدة الحلاقة

**D . a .\ AYMAN** · 21-06-2010 05:32 PM

موضوع جميل جدا بصراحة

أنا فعلا نفسي أعمل الموضوع ده ... بس بخاف أبوظ شعري لأن مرة واحدة بس الشعر بايظ تساوي تقريبا من إسبوعين لـ 3 أسابيع أجازة إجبارية في البيت

بس فعلا أنا متحمس ليه وبإذن الله أجرب

جزاكم الله خيرا جميعا

**Dr Ahmed** · 21-06-2010 05:53 PM

يارجالة اسمحوا لى أدلو بدلوى فى هذا الموضوع لإنى أحلق شعرى بنفسى من سنة ............ 1990 ... أيوه متتخضش .. من 20 سنة

استعملت خلالها عدتين ناشيونال وأخيرا اشتريت العدةالألمانى موسر اللى قلتم عليها ب 150 من مطروح ولسه مجربتهاش

ممكن تعمل لنفسك أى تسريحة تحبها بس مش فى الأول ،الأول هتتدرب إزاى متعملش مصايب فى شعرك تمنعك من الخروج لأيام

هتحتاج المكنة يابانى أو الأمانى ومرايتين: مراية أمامك كبيرة ومراية صغيرة فى يدك لزوم خلف الرقبة وهتحتاج مقص صغير منحنى (ب 5 جنيه) للشعر فوق الأذنين
مش هتفرق فوطة البس أى فانلة من عندك واحلق فى الحمام
مش هتحتاج مشط ومقص خاص وكلام من ده

طبعا أنا بقصر شعرى جدا كل 10 - 14 يوم فخبرتى فى الموضوع ده تفيد أصحاب الشعور القصيرة دائما وليس الناس كثيفة الشعر

فى أول استخدامك ابدأ بدرجة متوسطة فى المكنة لتعلم حدود ومستوى الشعر بعد كل درجة
لا تضغط بيدك بالمكنة على الشعر تجنبا للإصابات ، اجعلها تسير بسلاسة على فروة الرأس
امشى بها عكس اتجاه الشعر
لابد من تزييتها قبل الاستخدام حتى لا "تقفش" اثناء الاستخدام
لابد من تنظيفها من الشعر بالفرشاة الخاصة بعد الاستخدام
تحتاج orientation خاص للتعامل بالمرآة الصغيرة مع شعر خلف الرقبة

الموضوع بسيط جدا ويوفر عليك بمور الوقت أموال طائلة (بالنسبة لى وفرت حوالى 3500 ج على الأقل) ووقت كثير جدا تقضيه فى الانتظار ،وأهم منهما عدم الحاجة لأحد وطبعا هذا بالاضافة للفوائد الصحية التى تعلمونها

**بحري** · 21-06-2010 06:07 PM

المشاركة الأصلية كتبت بواسطة dr ahmed

امشى بها عكس اتجاه الشعر

ما شاء الله يا دكتور..واضح إنك خبرة في القصة دي...
النقطة في الاقتباس منطقية إلى حد كبير...لكن فقط حابب أتأكد منها لاسيما لو حد شعره أطول شويه

**Dr Ahmed** · 21-06-2010 06:51 PM

المشاركة الأصلية كتبت بواسطة بحري

ما شاء الله يا دكتور..واضح إنك خبرة في القصة دي...
النقطة في الاقتباس منطقية إلى حد كبير...لكن فقط حابب أتأكد منها لاسيما لو حد شعره أطول شويه

أنا بمشى بالمكنة من تحت لفوق فى الجانبين والخلف
وبما إن الشعر فوق قليل فساعات أمشى معاه وساعات ضده
وطول الشعر عموما يتحكم فيه بعد موس المكنة عن الشعر ودرجة ميل المكنة وقوة الضغط على الشعر بالمكنة
وكله بالتجربة
واللى مجربش قبل كده يجرب فى عيل من عياله

**Hossam_Hassan** · 21-06-2010 07:18 PM

المشاركة الأصلية كتبت بواسطة ahmed sharaf

انا اتكلمت فى الموضوع دة مع زملائى فى الشغل وواحد منهم قاللى على محل جاب منة عدة الحلاقة , ورحت باعت واحد من عندى واشتريت الحاجة كلها.

ماكينة حلاقة ألمانى ( moser) بـ 130 جم
موس حلاقة هندى 17 جم
مقص ايطالى 25 جم
فرشاة بودرة ( لتنفيض الشعر ) 15 جم
مشط تدريج 2.5 جم
فوطة ( اللى بتتربط على الرقبة علشان الشعر ميجيش على الهدوم 13 جم

التكلفة كلها 200 جم

المحل اسمة أولاد عليوة لمستلزمات الكوافير الرجالى و الحريمى وكمان مستحضرات التجميل
23 شارع ارض شريف - العتبة

ارجو اكون افدت زى ما استفدت وشكرا لصاحب الموضوع وكل من اضاف معلومة

فعلا اولاد عليوة ممتازين و عندهم كل حاجة

**age** · 22-06-2010 11:03 AM

اهم حاجه الشفره الشامي اللي بيتحط فيها الموس ودي ممكن تعمل 15 جنيه حاجه نضيفه

**w-m-a** · 30-06-2010 06:58 PM

فى فرع اولاد عليوة فى شارع ترعه الزمر العمرانيه امام السفارة البلجيكيه بعد خير زمان بناصيتين تقريبا
الدور الاول

**marsguy** · 30-06-2010 07:31 PM

السلام عليكم ورحمة الله وبركاته،،،

ممكن وصف عنوان محل أولاد عليوه اللي في العتبه؟

هو جنب حاجه مشهوره مثلاً؟

شكراً

**lonedoctor** · 30-06-2010 10:32 PM

والله انا باحلق لنفسى فى البيت من عام 98 ونسيت موضوع الحلاقين من اساسه بالاضافة ان عندى 4 اولاد كلهم ذكور وبيحتاجوا حلاقة مرة او مرتين فى الشهر على الاقل ولذلك كانت فكرة الحلاقة فى المنزل هى الشئ العملى بالاضافة للنظافة والخوف من الامراض المعدية
قى البداية كان الموضوع صعب ولكن مع الوقت اكتسبت الخبرة والمهارة اليدوية وكمان ممكن اعمل فورمات(للاولاد طبعا)
فى البداية كنت باشترى ماكينات الموزر وكانت غالية (تقريبا 200 جنيه)لكن الان رخصت شوية لانه كل اللى فى السوق صينى وجودته رديئة عن زمان
اى مكنة كانت كبيرها سنة ونص وبعدين تتلم شفراتها وتصبح غير صالحة للحلاقة ولا يوجد غيار للشفرات ماعدا نوع اسمه 888 بس شفراته غالية جدا ومع الوقت موتوره بيضعف والشئ العملى شراء ماكينة جديدة
من الناحية الاقتصادية انا استقريت على الماكينات الصينى وبالذات انواع معينة جودتها ممتازة لا تقل عن اليابانى والالمانى مثل جيباس والفارس واوربت (متوفرة عندنا فى السعودية وعليها ضمان) وسعرها لا يتعدى 40 ريال سعودى وعمرها الافتراضى سنة مع الاستخدام الشاق
واى سؤال انا فى الخدمة

**Dr Ahmed** · 01-07-2010 01:36 AM

المشاركة الأصلية كتبت بواسطة lonedoctor

والله انا باحلق لنفسى فى البيت من عام 98 ونسيت موضوع الحلاقين من اساسه

يادكتور حالك وحالى فكرنى إن زمان كان الحلاقين بيشتغلوا دكاترة
دلوقت الدكاترة هم اللى بيحلقوا
ههههههههههههههههههههه
اوع تزعل منى يادكتور عموما أنا باحلق لنفسى زى ماقلت قبل كده من سنة 90

الموضوع: السادة الرجال و عدة الحلاقة

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

استفسار عن الحلاقة فى الجيش وماكينات الحلاقة

الي خبراء مكن الحلاقة بالكهربا

هام جدا الى السادة راغبى شراء كيا كارينز و الى السادة المشرفيين على المنتدى

رأيك في التجنيد ....الجيش مصنع الرجال أم مصرع الرجال

الكلمات الدلالية لهذا الموضوع

المفضلات

المفضلات

ضوابط المشاركة