ما شاء الله الطارة تحفة
عرض للطباعة
ما شاء الله الطارة تحفة
ماشاء الله حاجات بسيطه بس بتفرق في العربيه ومين قالك ياباشا ان دهان الابواب وحش بالعكس ده انا نفسي اعمل زيك بس غالبا هعمله استيكر عشان لو زهقت منه اشيله
عاوز اسألك بس بما انك جبت فلتر k&N زي اللي معايا هو ممكن الفلتر يتنضف ويتزيت بال wd40
لا خالص
استعمل المنظف و الزيت بتاع K&N
MMamdouh
بس مش حضرتك شايف يا باشمهندس انها وحشة اوي لما عربية تفضل مكتومة لحد 5000 rpm !! ؟ ده انت على كدة الطلعة والاول والتاني والتالت عندك العربية بتبقى اداءها ضعيف !! ؟
وتاني حاجة الفرق على السرعات العالية فعلا حسيت انه جامد مقارنة بالفلتر الاصلي ؟؟ حتى ولو الفلتر الاصلي جديد ؟
اصل انا عندي في احسن الاحوال بحس ان العربية فايقة احسن بالفلتر الاصلي سواء على الواطي او حتى على السرعات العالية
يمكن عشان اخر مرة ركبت الفلتر ال k&n كان متوسخ جدا وعايز يتضنف فعشان كدة حسيته كتم العربية !! مش عارف
واخر سؤال معلش :: حضرتك بتقول انه لما كان في الحوض "على الرغم من انه في الحوض بيسحب هواء سخن" كان مدي اداء افضل على السرعات العالية من لما اتركب عند الاكصدام ؟؟؟ طب ازاي ؟
وياترى ايه اخبار الاداء مع حضرتك في الصيف زي اليومين دول كدة لو فرضا بليل مثلا ؟؟
لان في الشمس وخصوصا حر اليومين دول معروف طبعا الاداء هيبقى ضعيف
انا مقولتش انها بتبقى مكتومة قبل 5000 خالص... انا قلت انها بتفوق بعد 5000 مقارنة بالفلتر و هو متركب ورا الاكصدام اللى هو اساسا احسن من الفلتر الاصلى فى كل الاحوال
احنا هنا بنتكلم عن مقارنة وضع الفلتر السبور بالتالى الكلام عن الحالتين دول (الفلتر فوق مقارنة بالفلتر تحت) لكن لو هتدخل الفلتر الاصلى يبقى فيه فرق شاسع بين الاصلى و السبور فى اى وضع
ايوة... الفلتر السبور مقاومتة اقل بالتالى بيبان تاثيرة بقوة لما يبقى فيه سحب هوا عالى و دة بيحصل فى الRPM العالى... و لازم تلاحظ ان المقارنة لازم تبقى "مع ثبات العوامل الاخرى" و الا يبقى المقارنة ملهاش معنى... لو هتقارن فلتر حالتة كويسة بفلتر مسدود اكيد الكويس هيكسب المسدود بغض النظر مين فيهم الستوك و مين السبوراقتباس:
وتاني حاجة الفرق على السرعات العالية فعلا حسيت انه جامد مقارنة بالفلتر الاصلي ؟؟ حتى ولو الفلتر الاصلي جديد ؟
ممكن فى الواطى يبقى منطقى خصوصا لو مركبة فوق... لعى لفات متوسطة ماشى ممكن يحصل مع المواتير الصغيرة... لكن على لفات عالية الاصلى برضة احسن يبقى فيه حاجة غلط فى الفلتر بتاعك او فى طريقة تركيبة او مواسيرةاقتباس:
اصل انا عندي في احسن الاحوال بحس ان العربية فايقة احسن بالفلتر الاصلي سواء على الواطي او حتى على السرعات العالية
مهو لو ركبت الفلتر و هو مسدود يبقى افقدتة ميزتة النسبية و كمان خليت ادائة اقل من الاصلى... لازم الاداء يتحول للاسواءاقتباس:
يمكن عشان اخر مرة ركبت الفلتر ال k&n كان متوسخ جدا وعايز يتضنف فعشان كدة حسيته كتم العربية !! مش عارف
انت لو جبت ليونيل مسى و قطعت رجلية مينفعش تقول انة "مبقاش لعيب كويس"
الكلام دة كان فى الشتا و فى جريات الساعة 1 او 2 صباحا فا الجو اصلا برد جدا و على سرعة عالية بيبقى فية تيار هوا كبير داخل للحوض و بيبدد الهوا السخن بشكل احسن بكتير بالتالى تاثير سحب الهوا السخن بقى قليل جدا فى حالة الجرى الجامد فى جو برد جدا...اقتباس:
واخر سؤال معلش :: حضرتك بتقول انه لما كان في الحوض "على الرغم من انه في الحوض بيسحب هواء سخن" كان مدي اداء افضل على السرعات العالية من لما اتركب عند الاكصدام ؟؟؟ طب ازاي ؟
ضيف لكدة ميزة الماسورة القصيرة فى تقليل مقاومة السحب يبقى لازم الفلتر فوق يكسب و للعلم فية ناس بتفك الفانوس اللى قصاد الفلتر عشان تحسن من سريان الهوا البارد الى الفلتر و الحوض عشان تتغلب على المشكلة دى و هنا الاداء بيبقى حلو جدا طالما ماشى بسرعة عالية
تعالى بقى حط الفلتر فوق و اجرى بسرعة عالية الساعة 2 الضهر..... و يا سلام لو التكييف شغال
:hitwall3: :hitwall3: :hitwall3:
طبعا فية سنة كتمة طبيعية نتيجة سخونة الهوا و الحر بس طبعا احسن من وضع و الفلتر فوق (انا مركب الفلتر تحت بشكل دائم دلوقتى) و طبعا بليل الاداء بيتحسن عن الصبح عشان حرارة الهوا.. الموضوع نسبى بحتاقتباس:
وياترى ايه اخبار الاداء مع حضرتك في الصيف زي اليومين دول كدة لو فرضا بليل مثلا ؟؟
احسب الامور بشكل نسبى... مفيش اداء "قوى" و اداء "ضعيف".... فيه اداء افضل و فية اداء اسواءاقتباس:
لان في الشمس وخصوصا حر اليومين دول معروف طبعا الاداء هيبقى ضعيف
يعنى دلوقتى مع الجو الحر لازم هيبقى فية تاثير سلبى على الاداء.. لكن و انت مركب الفلتر تحت التاثير دة بيبقى اقل بكتير من لو انت مركب الفلتر فوق خصوصا على سرعات بطيئة...
قارن دة بالفلتر الستوك هتلاقى الفلتر تحت احسن من الستوك نتيجة لميزات الفلتر السبور فى كل الظروف لان الاتين بيسحبوا هوا من نفس المنطقة تقريبا و الستوك احسن من الفلتر فوق نتيجة سحب الهوا السخن على سرعات قليلة و متوسطة لكن على سرعات عالية هيبقى فية تهوية افضل للحوض و دة هيقلل من عيب الفلتر فوق نسبيا فى الاداء بشكل عام هيرتفع
MMamdouh
بسم الله الرحمن الرحيم
بسم الله & ماشاء الله و الله اكبر
بس كان ليا استفسار صغير
بالنسبة لسعر الطارة و الزور بتعها ؟؟؟؟
الطارة ب320 من محل GO
اى طارة سبور لازم تشتريلها زور و دة بيبقى مقاسة حسب العربية نفسها... انا جبت زور من المقطم ب45 جنية
http://i83.photobucket.com/albums/j3...NvsmY60_12.jpg
MMamdouh
عربيه ماشاء الله ممتازه وواضح الإهتمام بها .
ممكن أعرف جبت لمبات العدادات منين و بكام ونوعهم و أخبارهم إيه بعد فترة من الإستخدام ؟؟
أسألة كتير بس العشم بقى :)