يا مثبت العقل

**Hossam_Hassan** · 23-10-2007 12:13 PM

موقف فرض نفسه عليا و لازم احكيه.

زميل فاضل لى فى العمل بيحاول يشترك لبنته فى نقابة المحاميين و مطلوب 13 حاجة يجيبها، منها حاجات عفى عنها الزمن زى شهادة حسن سير و سلوك موقعة من 2 موظفين و الحاجة الجامد قوى (مطلوب شهادة تحركات من الجوازات فى حالة عدم امتلاك المتقدم لجواز سفر)، طيب مادام المتقدم لا يملك جواز سفر، يبقى تحركات ايه اللى هيجيب شهادة بيها؟!!!!!!!!!

**Abu Aly** · 23-10-2007 12:38 PM

زى شهادة حسن سير و سلوك موقعة من 2 موظفين

الحمد لله ما طلبوش شهادة حسن سير و سلوك موقعة من 2 حراميه !! :mrgreen: :mrgreen: :mrgreen:

يا مثبت العقل

:P

**tamohsen** · 23-10-2007 01:14 PM

هههههههههههههههههههههههه

**Abdallah** · 23-10-2007 03:21 PM

الروتين بيفرض نفسه يا صديقى, للاسف ان الناس دى خللت فى المكاتب .
تعرف الحل الامثل علشان تجديد دماء الجهاز الحكومى بالكامل؟؟؟
فى نظرى ان سن المعاش يبقى 50 سنة .

**hazem_khidr** · 23-10-2007 09:04 PM

العيب في مصر ان الحكومه ما فيها ادراه.
يتقصهم الاداره الصح بكل اساليبها و فنونها

**اسلام المصرى** · 23-10-2007 09:09 PM

مطلوب شهادة تحركات

على فكرة أستخراج الشهادة ديه بيستغرق حوالى من 10 الى 14 يوم بتقدم عليها و تروح بعد 10 أيام تانى و تشوف اذا كانت جاهزة و لا لسه و على حسب علمى بيقدم عليها فى مجمع التحرير :-) كان الله فى عونه.

**Ahmed Anwer** · 23-10-2007 09:29 PM

أخويا قاعد في دبي
عايز ينقل محل إقامته علي حماه اللي هوا عمي بدل العنوان القديم اللي سبناه من زمان
خد عمي في ايده و راح السجل المدني عشان يقولهم بنفسه |نه قاعد عندهم و معاه الورق اللازم
الموظف بمنتهي الرخامة قالوا إنتا عايز تقنعني إن حد بيقعد عند عمه
عمي اتنرفز و قاله و انتا مال .................

**limo** · 23-10-2007 09:38 PM

المشاركة الأصلية كتبت بواسطة Hossam Hassan

موقف فرض نفسه عليا و لازم احكيه.

زميل فاضل لى فى العمل بيحاول يشترك لبنته فى نقابة المحاميين و مطلوب 13 حاجة يجيبها، منها حاجات عفى عنها الزمن زى شهادة حسن سير و سلوك موقعة من 2 موظفين و الحاجة الجامد قوى (مطلوب شهادة تحركات من الجوازات فى حالة عدم امتلاك المتقدم لجواز سفر)، طيب مادام المتقدم لا يملك جواز سفر، يبقى تحركات ايه اللى هيجيب شهادة بيها؟!!!!!!!!!

على فكره لو معاك معرفه فى النقابه الحاجات ده هطلع بسرعه البرق ممكن كمان انهم يستغنوا عن بعض الاوراق

امال لو عرفت بقى انه المفروض يدفع 1200 جنيه مقابل القيد فى النقابه ليه مش عارف

كمان مطلوب الشهاده المؤقته بيان نجاح مينفعش

على فكره ان خريج حقوق بحاول برضو اقيد نفسى فى النقابه ومكسل علشان الاوراق المطلوبه ده كلها

**amrrashed** · 23-10-2007 10:40 PM

كويس انهم مطلبوش شهادة فقر .... :shock:

**PAYOO** · 23-10-2007 11:02 PM

المشاركة الأصلية كتبت بواسطة Hossam Hassan

الحاجة الجامد قوى (مطلوب شهادة تحركات من الجوازات فى حالة عدم امتلاك المتقدم لجواز سفر)، طيب مادام المتقدم لا يملك جواز سفر، يبقى تحركات ايه اللى هيجيب شهادة بيها؟!!!!!!!!!

أيه ياباش مهندس حسام؟ أنت مالكش في الهزار التقيل وللا أيه ؟ مالكش صاحب غتت وهزاره تقيل حبيتن ؟
عادي
الحكومه تقصد تهزر مع المواطنين عشان كده حاطين البند ده يعني ببساطه نكته بايخه أو هزار تقيل من الحكومه

بس بجد أنا هاتجنن من الهزار البايخ ده وفعلا الحكومه مش لايق عليها الدور الكوميدي إللي بتلعبه مع الناس وممكن أصنفها بأنها كوميديا سوداء