شراهه السياره للبنزين

**ashraf_5971** · 09-08-2009 07:10 PM

الاخوه الكرام خبراء المنتدى واعضاؤه الكرام...كل عام وانتم بخير...متعكم الله بالصحه والعافيه.....لى استفسار بعد اذنكم...من حوالى اسبوعين ذهبت الى الميكانيكى(ورشه محمد عبده) وغيرت الزيت وفلتر البنزين
والبوجيهات ونظف فلتر الهواء..وكشف على سير الكاتينه قالى مضبوط..وكنت شكوت له شراهه السياره للبنزين..فقال لى (الاسطى حسن)ان شاء الله مش حتاكل بنزين....ورغم ذلك ما زالت السياره بتاكل بنزين (بتعمل 8كم فى اللتر بنزين 90)..ايه الحل من وجهه نظركم يا اخوانى.....افيدونا افادكم الله...لانها لو فضلت كده حاصطر اركنها واركب مواصلات لان فى هذه الحاله المواصلات حاتكون ارخص واوفر....ومش بعيد ابيعها.....(سيارتى لانوس 99 شاريها مستعمله من ثلاثه اشهر تقريبا وكانت عامله 139 الف كم)

**ابو فرح** · 10-08-2009 07:13 PM

طب ما حضرتك حطها على الجهاز وشف العيب من ايه اريحلك

**samirayad** · 10-08-2009 09:02 PM

طيب ماتجرب حساب أستهلاك البنزين على طريق سريع
ومتحسبش الأستهلاك على مؤشر البنزين
وأحسب على تفويلتين ...لأن ممكن يكون العداد مش مظبوط

**ashraf_5971** · 11-08-2009 12:27 AM

المشاركة الأصلية كتبت بواسطة samirayad

طيب ماتجرب حساب أستهلاك البنزين على طريق سريع
ومتحسبش الأستهلاك على مؤشر البنزين
وأحسب على تفويلتين ...لأن ممكن يكون العداد مش مظبوط

حسبت يا باشمهندس على تفويلتين...وبرضه على طريق سريع..وللاسف كانت نفس النتيجه!!!!!!!!!!!!!!!!!!

**ashraf_5971** · 11-08-2009 12:31 AM

المشاركة الأصلية كتبت بواسطة zazw

طب ما حضرتك حطها على الجهاز وشف العيب من ايه اريحلك

ثقصد حضرتك الاسكانر؟....وهل سوف يكشف السبب على طول يا استاذنا...ايه راى حضرتك اوديها التوكيل واريح دماغى؟؟؟؟؟؟؟؟؟؟؟؟ هل هذا اجراء سليم...واللا حيشتغلونى؟؟؟

**samirayad** · 11-08-2009 12:34 AM

المشاركة الأصلية كتبت بواسطة ashraf_5971

حسبت يا باشمهندس على تفويلتين...وبرضه على طريق سريع..وللاسف كانت نفس النتيجه!!!!!!!!!!!!!!!!!!

أعمل أسكانر بأه ..
....لأن ممكن يكون حساس الشكمان مش شغال

**MMamdouh** · 11-08-2009 01:38 AM

السكانر حيقولك اذا كان حساس الشكمان كويس ولا لا و كذلك حالة الرشاشات

لو كلة كويس ممكن تكون عندك عجلة فراملها قافشة او الكاوتش مش منفوخ كويس

لو كل حاجة تمام ممكن تكون سواقتك انت هى اللى بتستهلك بنزين

MMamdouh

**Hany A Fattah** · 11-08-2009 03:12 AM

وممكن يكون الايديال كنترول بايظ

**أبو إياد** · 11-08-2009 04:33 PM

على فكره دة عيب رشاشات لازم تغيرها ولو عايز تتئكد روح اكشف عليها بس العيب هوا الرشاشات وسعرها في حدود 700 جنيه الجديد والاستراد مابين 300 و350 جنيه وفك وتركيب تقريبان 75 والله يعينك