تجربه قياده جين 2 2009

**Ahmed.Ali** · 10-08-2009 06:09 PM

انا الحمد لله اخيرا ربتا كرمني و جربت الجن 2 2009

المكان : Smart Village
التوقيت : الساعه 2 مساء تقريبا
العربيه : جين 2 2009 بتاعت الدينامو أيمن

بصراحه يا جماعه انا كنت في التوكيل مع ايمن و بالصدفه كان بيحكيلي ان عربيته مره اتخبطط و حد بيجربها و انا كنت ناوي اطلب اجربها بس قلت في نفسي احترم نفسك بقي و اسكت بس اول ما دخلنا من بوابه القريه قلتله انزل انت بقي و سبني اجرب :):)
بصراحه الراجل ممانعش خالص و كمان استحمل الي عملته في عربيته بجد لو انا كنت مكانه كنت رميتني من شباك العربيه :)

اولا الانطباع الاول انا شايف ان الخامات مش فقيره زي ما الناس بتقول يعني انا شايف انها احسن من الصني و من الماتركس و يمكن كمان الاوبترا !
العدادات تحفه بس الي خانقني اني علي راي واحد صاحبي بسوق زي سواقين التاكسي لازم ارفع الدركسون علي الاخر مدايقني شويه ارتفاع الدركسيون في الجين

الجري بقي :) العربيه جامده جامده جامده بجد التجميع ممتع بالنسبه لعربيه اوتو و انا مسدقت روحت شارع فاضي و ادتها علي 140 و ايمن قالي جرب الفرامل مكدبتش خبر رحت ضارب فرمله الـ ABS عمل شغل بس فعلا مشوار الفرامل كيبر اوي علي عربيه اوتو بس محستش ان الموضوع كارثي زي ما حسيت من المنتدي

المنحنيات بقي بجد متعه انا كنت باخد المنحني علي 80 ولا الهوا بس طبعا الطريق مسمحش باكتر من كده و كويس ان عرفت اجري اساسا

التكييف بجد بجد كويس جدا انا ركبتها معاه الساعه 9 و قلت لزميلي في المكتب ان التكييف ممتاز قالي عشان الجو لطيف الصبح لاكن لما ركبنا الساعه 2 و الحر في سمارت مش بيهزر بجد تكييف ممتاز

المشكله بقي كانت في الركنه لان الراكنج بتاع السمارت الساعه 2 رهييب بجد موضوع ان محور العجل صغير دا صعب شويه بس برضوا انا مش شايفه سبب اني ابقي مضايق اوي لان انا مش كل يوم اركن الركنه السوده دي ( انا صحيح لفي عشان الاقي مكان اسهل )

و بجد انا بشكر ايمن لانه سابني افتري علي عربيته كدا و انه لففني التوكيل حته حته و عرفني علي أ/ حبيب و م/هاني و م/ايمن

و في غطا لسا عنده في الشنطه و انا منمر عليه صاحبه يروح ياخده قبل ما انا افترسه

**m.3abdel3al** · 10-08-2009 07:48 PM

مبروك على التجربة والحمد لله ان الجينه عجبتك وان شاء الله نحتفل بانضمامك لنادي بروتون قريب ان شاء الله

**Ayman_52** · 13-08-2009 01:07 AM

ياباشا احنا تحت امر البروتوناويه الجداد والقدام

والصراحه عادى يعنى ماكنتش مقلق وحضرتك بتجربها ... لان الطريق كان سامح بكده ولان حضرتك خبره فى القياده

---

وبجد كنت سعيد جدا لانى اتعرفت على شخص زى حضرتك بجد

---

وبخصوص الغطا ... يوم ماتستلم هيكون الغطا مع العربيه ان شاء الله

---

وربنا يوفقك وتستلم على الف خير ان شاء الله

وربنا يباركلك فيها يارب ويحفظهالك من كل شر ويكفيك شر الطريق

وانا تحت امرك فى اى استفســــــــار

تحيـــــــــــــــاتـــــ ــــى

**batoot556** · 13-08-2009 06:39 PM

واللة يا جماعة موضوع حلو وانا من كتر الكلام على الاستاذ ايمن خلانى نفسى اتعرف على الشخصية الجميلة دى وحببنى فى الجين مع انى متخوف شوية منها بش انا اشاء اللة ناوى السنة دى اشترى بس لسة شوية ( وتحية منى للاستاذ ايمن اللى مش سايب حد غير لما يساعدة واتمنى نكون اصدقاء

**densfog** · 13-08-2009 11:30 PM

يا عم ده ايمن ... يعنى ابنى ادم اللى بيخدم الناس بكل ما يملك وهو حابب ده .. بيفكرنى بجدعنه الأسكندرانيه

**mohie777** · 15-08-2009 02:41 AM

السلام عليكم ورحمة الله

الاخ العزيز استاذ ايمن انا يشكرك على نعاونك مع الاعضاء الجدد الى زى
انا كنت مستنى الجين 2 تنزل دبى علشان اجربها لكن للاسف لحد الان ليس لها وجود فى الامارات
وانا شاء الله لما انزل مصر ناوى اشترى جين 2 2010
انا حبيت العربيه من كتر كلامكم عليها

**Ayman_52** · 15-08-2009 04:00 AM

المشاركة الأصلية كتبت بواسطة batoot556

واللة يا جماعة موضوع حلو وانا من كتر الكلام على الاستاذ ايمن خلانى نفسى اتعرف على الشخصية الجميلة دى وحببنى فى الجين مع انى متخوف شوية منها بش انا اشاء اللة ناوى السنة دى اشترى بس لسة شوية ( وتحية منى للاستاذ ايمن اللى مش سايب حد غير لما يساعدة واتمنى نكون اصدقاء

الف شكر عالكلام الجميل دا بجد ... واكيد يشرفنى اتعرف على حضرتك

وانت بس انوى ... وان شاء الله نضبطلك كل حاجه ... وقولنا بس انت مقلق من ايه واحنا نجاوبك ؟؟؟

ولو عاوز تروح التوكيل وتلقى نظره على كل حاجه انا تحت امرك فى اى وقت ... ضبط وقولى

---

وانا تحت امرك فى اى استفســــــــار

تحيـــــــــــــــــاتـــ ـــــــــى

المشاركة الأصلية كتبت بواسطة densfog

يا عم ده ايمن ... يعنى ابنى ادم اللى بيخدم الناس بكل ما يملك وهو حابب ده .. بيفكرنى بجدعنه الأسكندرانيه

جداعنه الاسكندرانيه

ياباشا ربنا يكرمك ... وانا فعلا بكون جدا سعيد لما بساعد اى شخص وخصوصا بقى لو برتونى ... مش بيهدالى بال غير لما مشكتله تخلص

تحيـــــــــــــــــاتـــ ـــــــــــى

المشاركة الأصلية كتبت بواسطة mohie777

السلام عليكم ورحمة الله

الاخ العزيز استاذ ايمن انا يشكرك على نعاونك مع الاعضاء الجدد الى زى
انا كنت مستنى الجين 2 تنزل دبى علشان اجربها لكن للاسف لحد الان ليس لها وجود فى الامارات
وانا شاء الله لما انزل مصر ناوى اشترى جين 2 2010
انا حبيت العربيه من كتر كلامكم عليها

ياباشا العفو انا تحت امرك

حضرتك بس ان شاء الله لما تنزل ... وهاخليك تجرب وتشوف كل حاجه بعينك

وبجد الجين

تتحب اوووووووووووووى

بس انت جهز فلوسك ... لانك مش هتنزل من عندى غير عالتوكيل عشان تحجز ان شاء الله

---

وانا تحت امرك فى اى استفســـــــــــار

تحيــــــــــــــــــــات ــــــــــــــى

**adsense** · 15-08-2009 09:16 AM

يا جماعة طيب عايز اعرف ايه عيوبها لاني بصراحة بقالي اسبوع
مش عارف اجيب جين تو ولا اعمل ايه
انا بصراحة العربية عجباني بس المشكلة لسه مش عارف عيوبها ؟

**Ayman_52** · 16-08-2009 01:21 AM

المشاركة الأصلية كتبت بواسطة adsense

يا جماعة طيب عايز اعرف ايه عيوبها لاني بصراحة بقالي اسبوع
مش عارف اجيب جين تو ولا اعمل ايه
انا بصراحة العربية عجباني بس المشكلة لسه مش عارف عيوبها ؟

عيــوب الجيــن2 :-
---------------

1- ممكن تستلم العربيه وتلاقى سنتر بيعلق او ازاز بيزيق ... والموضوع دا بيتحل فى اول صيانه او ممكن حتى تسبلهم العربيه يوم والموضوع بيتضبط ... بس الموضوع دا قل جدا جدا عن الاول ... وبقى دلوقتى الاغلب بيستلموا ومش بيطلع معاهم اى حاجه الحمد لله.

2- التوكيل ممكن نقول عليه متوسط وبيحاول يتحسن بس خطواته بطيئه فى التنفيذ ... بس لو صدقوا وفتحوا مركز الصيانه الكبير قريب ... حاجات كتيره جدا هتختلف للافضل.

----

دى تعتبر اكتر مشكلتين نسبه كبيره من ملاك بروتون بيمروا بيها

بس قدام امكانيات ومميزات العربيه ... ناس كتيره مش بتهمها المشاكل دى ...

وكل الناس دلوقتى بيشتروا العربيه وبيكونوا عارفين مشاكلها كويس جدا وعارفين انهم ممكن يستلموا العربيه ويكون فيها سنتر او ماكينه ازاز يتعلق .. بس فى سبيل مميزات العربيه مش بيلتفتوا خالص للموضوع دا

----

مش عارف كده اكون قدرت افيدك ولا لا ... بس اسال اى حاجه محتاج تستفسر عنها وانا تحت امرك فى اى استفســــار

وربنا يوفقك للخير ان شاء الله

تحيــــــــــــــــــاتــ ــــــــى