التلييين حقيقة ام خيال !!!!!!؟

**tareq_khamesy** · 23-10-2007 02:56 PM

بالنسبة لموضوع التليين انا احتارت بصراحة .. ناس كتير قوى قوى بتقول ان العربيات اللى متجمعة فى هى بس اللى محتاجة تليين انما المستورد كله بييجى متلين جاهز ولا داعى للتليين ... منهم ناس شغالة فة توكيلات و معارض كبيرة زى غبور و ابو غالى
.. ف الجواب النهائى ايه يا جمااااااااااعة ألين ولا لا ء ؟؟؟ (اريد حلا)

**أبو عبدالله** · 23-10-2007 03:21 PM

لا اعمل التليين مهما كان هيبقى في مصلحتك برضه

**goodwave** · 23-10-2007 03:34 PM

والله سألت نفسي نفس السؤال إمبارح وانا على الصحراوي.......... كنت ماشي 120-130 كم/س ويقوم يعدي جنبي عربيات إلنترا لسة بالبلاستيك بتاعها ومن غير نمر......... سرعتهم لا تقل عن 150-160 كم/س ودول تقريبا ناس شاغلين في معرض وبينقلوا العربيات من مكان لمكان.

ساعتها سألت نفسي تليين غية إلي بيقولوا علية :roll:

**fahd_628** · 23-10-2007 03:40 PM

مش حتخسر حاجة لين هما كلهم 1000 كم

**Dr Ahmed** · 23-10-2007 03:54 PM

أنا فى أول يوم بالعربية وانا راجع بيها ولا خدت بالى من التليين ولا حاجة ورجعت على 100
والعربية أصلا واخدها عدادها عامل حوالى كام وعشرين كيلو
واظن والله أعلم إن دا كان مهم زمان إنما دلوقت لم يجد أحد أى فارق بين اللى ليّن واللى مالينش!

**ehab** · 23-10-2007 04:27 PM

انا برضة محتار في موضوع التليين دا بس اظن الي ممكن يحكم فيه بشكل نهائي واحد يكون مهندس ميكانيكا او مهندس من التوكيل .

**yahyanaabil** · 23-10-2007 11:33 PM

لو فتحت الكتالوج بتاع العربيه حتلاقيه بيقولك ازاى تمشى فى التليين زى مثلا ماتعديش 3 rpm او ما تقطرش عربيه تانيه
يبقى اكيد فى تليين

**Nader** · 24-10-2007 12:57 AM

بلاش نقول محتارين.. خلينا نقول اننا خايفين على عربياتنا اللي مدفوع فيها دم قلبنا.. نستحمل 1000 كيلو ولا نخاطر؟؟

**مصراوي جدا** · 24-10-2007 10:28 AM

شوفوا يا جماعة

زمان في السبعينات والتمانينات كانت العربيات الفيات (128 و 131 و 132) وغيرها لما حد بيشتريها زيرو من شركة النصر للسيارات كان لازم تقعد شوية تلين في الموتور لأنه مصنع في الشركة وتلين دي يعني تمشي بسرعة يمكن 50 كيلو بالكتير يعني صباح الملل

طبعا دلوقتي الكلام ده انتهى والعربيات الحديثة كلها بتتلين في مصانعها انما نقدر نقول ان العملية اللي العربيات محتاجاها مش تليين بالمعنى القديم انما يعني نوع من الحرص على الموتور في بداية تشغيله

الرأي العلمي في الموضوع ده (وده مش رأيي الشخصي انما ده رأي مدير الصيانة في التوكيل)
ان العربيات الميتسوبيشي خلال الألف كيلو متر الأولى يجب انها متمشيش اكتر من سرعة 90 كيلو متر وسألته بوضوح في موضوع الناس تشغل التكييف ولا لأ لأن فيه ناس بتقول ان برضه محدش يشغل التكييف فقال لي مفيش اي مشكلة من تشغيل التكييف في الألف الأولى

وطبعا ان عدد لفات الموتور متزيدش عن 3000 لفة ده كلام صح طبعا

اما عن السواقين اللي سايقيين عربيات زيرو بسرعات عالية فدول معندهمش ضمير

احنا مثلا في توكيل ميتسوبيشي عربياتنا بتيجي على تريلات من بورسعيد لمخزن قليوب ومن مخزن قليوب كل معرض بيبعت السواقين بتوعه ياخدوا العربيات لمعرضه

ففيه سواقين محترمين وعندهم ضمير بيراعوا ربنا ويسوقوا بحرص وطبعا فيه سواقين معندهمش ضمير

الموضوع: التلييين حقيقة ام خيال !!!!!!؟

LinkBack

أدوات الموضوع

عرض

التلييين حقيقة ام خيال !!!!!!؟ - انشر الموضوع فى :

-

-

-

-

-

-

-

المواضيع المتشابهه

قراءات الميجان حقيقة أم خيال !

الكهربا اللاسلكية ..........حقيقة و ليست خيال

فتح السيارة بكرة تنس حقيقة ام خيال

حقيقة ام خيال

تكييف السيارة - حقيقة ام خيال

الكلمات الدلالية لهذا الموضوع

المفضلات

المفضلات

ضوابط المشاركة