اخيرا استلمت النهارده

**mina_ramsis** · 09-05-2007 09:12 PM

اخيرا يا جماعة استلمت الاوبترا النهارده هو كان المفروض استلم امبارح بس اتأخر التسلم للنهارده و دبيت معاهم خناقه علشان التأخير بس الصراحة هم امتصوا غضبى و التعامل معاهم محترم جدا نيجى بقا للعربية انا سقتها من اسكندرية الى طنطا انطباعى عنها كالأتى التقفيل محترم جدا استهلاك البنزين بيتهيألأى عالى شوية او انا يمكن اللى مش واخد عليها لأنى طالع من لانوس مانيوال و الاوبترا اوتوماتك يمكن علشان كده استهلاك البنزين عالى شويه و كمان علشان التانك بتاعها 60 لتر فمابيبانش فيها البنزين و احسن حاجتين فيها اللى قدرت اكتشفهم ان الثبات بتاع العربية اكثر من ممتاز و التكييف اكثر من رائع و اول ما هتركبها هاتحس بريحة الدايو فيها يمكن علشان كنت بحب اللانوس معرفش بس ان شاء الله اكتب تعليقى على العربية ككل بعد ما امشى بيها شويه

**matrix_rashed_8** · 09-05-2007 09:28 PM

انصحك بحاجة ما تشغلش التكييف اول الف كيلو
لانه بيعتبر حمل زائد على المحرك
و بعدين لو بصيت على دراعات النور و مكان الكونتاكت بتاع الوبترا
حتلاقيه هو هو بتاع الدايو
و الف مبروك ربنا يكفيك شرها
و متحاولش تقرص على العربيه او تعدى سرعة ال80 اول الف كيلو
مبروووووووووووووووك :D

**mohamed ali** · 09-05-2007 09:30 PM

الف مبروك وربنا يديك من خيرها ويكفيك شرها ويا ريت تقولنا التقيم العام ليها وانطباعك الشخصى عنها لانها عجبانى وعاوز اشتريها وفيه كتييرنصحونى بيها لكن في نفس الوقت بسمع كلام مش بيشجعنى بس مش عاوزك تقولي انها امتداد للنيوبيرا :!:
وشكرا

**PAYOO** · 09-05-2007 10:11 PM

[marq=right:be59369578]ألف مبروك عليك[/marq:be59369578]

وعاوزين نشوفك في المقابله القادمه بالعروسه الجديده بقى

**mina_ramsis** · 09-05-2007 10:13 PM

شكرا ليكم على اهتمامكم اما بالنسبة للكلام اللى انا قولته فده ما يعتبرش تقييم نهائى لان ديه اول مره اسوقها و ان شاء الله اكتب تقييم كامل عنها بس لما امشى بيها شويه اما بالنسبة لتشبيها بالنوبيرا فالنوبيرا اساسا عربية محترمة بس عيبها التقفيل المصرى و الاوتوماتك و انها شكل قديم و كل الحاجات ديه اتعدلت فى الاوبترا يعنى مش معقوله ان التعديل ده كله و التقفيل الكورى بالجمارك مايجبش الفرق فى السعر بينهم اعتقد كمان ان الاوبترا رخيصة على سعرها ده ده الجمارك لوخدها تعملها فرق عن المصرى 15 الف