شوف يا عزيزي
التسجيل هو اسبقية نقل الملكية
و هو الحاجة الوحيدة اللي تضمن لك حقك قدام اي محكمة
يعني لو البايع نصاب و باع كذا مرة
مش هيقدر يسجل كذا مرة
فممكن يبيع كذا مرة من غير تسجيل .....
صحة التوقيع اللي الناس بتعملها بدل التسجيل كل الهدف منها اثبات صحة التوقيع
و ده يمنع البايع او ورثته او اي حد ييجي يقول ان التوقيع مزور او مش سليم بس ده مش اقرار من المحكمة بنفاذ العقد او اولويته عن عقود اخرى
نيجي بقى للمصيبة الاكبر اللي الناس بتعملها و فاكراها حداقة و فهلوة
التوكيل
التوكيل حتى لو غير قابل للالغاء مش معناه غير انه ما يقدرش يبيع
لا معناه ان هو و انت تقدروا تبيعوا !!!!!! شوف المصيبة !!!!!
الأنيل من كده لو البائع مات ..... التوكيل لاغي ..... و عيش حياتك مع الورثة بعد اعلام الوراثة
ده لو عندهم ضمير ..... و مفيش منهم قصر (تحت 21 سنة)
و لو المشتري مات ....... برضه لاغي
و ورثته يروحوا للبائع و هو و ضميره
التسجيل هو ضمان حقك
المفضلات