ممكن حد يقولى اية احسن واسهل طريق من مصر الجديدة للمعادى
وياريت بالتفصيل علشان اخوك جاهل جغرافيا :oops:
عرض للطباعة
ممكن حد يقولى اية احسن واسهل طريق من مصر الجديدة للمعادى
وياريت بالتفصيل علشان اخوك جاهل جغرافيا :oops:
منين بالظبط في مصر الجديدة يا ابوحميد
لو تعرف تروح لعباس العقاد ممكن تبص على
http://www.nilemotors.net/Forum/view...C7%D1%DD%E6%D1
من صلاح سالم خد النفق اللى يطلع يوسف عباس
و منه للاتوستراد و طوالى توصل المعادى
ده اسهل طريق
الف شكر يا رجالة ;)
إطلع صلاح سالم في إتجاه العباسية (يعني خللي عمارات العبور على إيدك الشمال) و خليك ماشي في صلاح سالم على طول. أي كوبري يقابلك إطلعه و إوعى تنزل أي نفق لحد ما هتلاقي نفسك طلعت كوبري بيلف بيك شمال .... ده كوبري السييدة عائشة بعد ما تنزل منه هتلاقي إشارة عديها ولف من أول يو ترن بعدها. هتلاقي بنزينة على إيدك الشمال بعد ما هتلف إدخل من جنبها يمين و خليك ماشي على طول .... هتلاقي الطريق حود يمين وناس بتخش شمال سيبك منهم كمل إنت يمين في طريقك على طول لحد ما تلاقي كوبري إطلعه ده هينزلك على كورنيش المعادي خليك ماشي على الكورنيش شوية حلوين لحد ما هتلاقي مدخل المعادي على إيدك الشمال بعد ما تعدي ألفا ماركت و فودافون إن شاء الله ..... على الله أكون عرفت أساعدك
:roll:اقتباس:
المشاركة الأصلية كتبت بواسطة ezshereef
من مصر الجديدة فى اتجاة العباسية يبقى عمارات العبور على اليمين
بعد اليو ترن حتبقى المحطة على اليمين... او اعلى الشمال قبل اليوترن
MMamdouh
اقتباس:
المشاركة الأصلية كتبت بواسطة MMamdouh
متشكر يا جماعة على المساعدة
بس انا شايف ان احسن طريق هوة الاوستراد,, ولا انتم اية ريكم؟؟
كل سكة ليها ميزة و عيب
صلاح سالم انضف بس ممكن يكون مقفول عند بيت الريس
الاوتوستراد رخم فى الحتة اللى بعد مستشفى المقاولين و فية مكروبات قصدى مكروباصات كتير و ناس بتعدى الطرق بهبل و خلافة
دا غير طبعا انت عايز فين فى المعادى و بالتالى ممكن يكون الكونيش اقرب او مدخل الاوتوستراد اقرب
MMamdouh
اقتباس:
المشاركة الأصلية كتبت بواسطة MMamdouh
ما انا يا ممدوح بخاف من صلاح سالم علشان موضوع الريس دة, لانة حصل معايا مواقف بايخة بسبب التشريفة :?
بالنسبة بروح فين فى المعادى غالبا ش 9 وميدان الحرية ونادرا الكورنيش,,,
اقتباس:
بالنسبة بروح فين فى المعادى غالبا ش 9 وميدان الحرية ونادرا الكورنيش,,,
لو شارع 9 و ميدان الحرية يبقى الاحسن تاخد الكورنيش
انا لما ببقى رايح فى الاتجاة دة بمشى فى طريق النصر و بعدين اقطع على صلاح سالم من امتداد رمسيس... انا بخش يمين الاول من عند قاعة المؤتمرات و بعدين شمال من جامع ال رشدان و بعدين يمين تانى فى امتداد رمسيس
ممكن تبان انها لفة بس انت مبتقفش فى اى حتة الا اذا كانت اشارة ال رشدان مقفولة وبتبعد عن الاتوبيسات و المكوباصات اللى فى تقاطع امتداد رمسيس مع النصر
MMamdouh
شكرا على التصحيح :mrgreen:اقتباس:
من مصر الجديدة فى اتجاة العباسية يبقى عمارات العبور على اليمين
بعد اليو ترن حتبقى المحطة على اليمين... او اعلى الشمال قبل اليوترن
MMamdouh
فعلا ده أحسن طريق عن تجربةاقتباس:
من صلاح سالم خد النفق اللى يطلع يوسف عباس
و منه للاتوستراد و طوالى توصل المعادى
ده اسهل طريق
لا دة و لا دة
انا لما احب اروح المعادي اخد الدائري سواء من عند الربوة او من طريق السويس قبل الرحاب او من بعد مسجد السلام او غيرة
و امشي عالدائري بسرعتي و براحتي و لا زحمة و لا اشارات و انشالله ل 140 الطريق مفتوح و في دقايق تلاقيى نفسك بعد كارفور تطلع الكوبري يمين و تنزل قبل شل اللي على مدخل المعادي الجديدة لو انت رايح هناك
او تطلع كوبري المنين و تنزل منزل كورنيش المعادي لو انت عايز هناك
انا مبدأي امشي سنة و لا تعدي قنا
:wink: