كلام جميل يا هيثم باشابدون انحياز مافيش عربية فى السوق كاملة و كل حد بيشترى بناءا على حاجتين أساسيتين احتياجاته لو كان ليه احتياجات معينة فى العربية (عايزها عالية شوية عشان بيشتغل فى حتة أو ساكن فى مكان فى مطبات كتيرة مثلا / عايزها إعادة البيع بتاعها عالى لأنه مش بيقعد معاه العربية مدة طويلة / عايزها قطع غيارها رخيصة و متوفرة أوى لأنه بيستهلك العربية جامد و هكذا) و العامل التانى و ده الأهم الإمكانيات المادية للمشترى و طبعا يتبعه سعر العربية مقارنة بإمكانياتها
لو حضرتك مركز على الجين 2 بس هتلاقى عيوب و شكاوى كتير بس جرب تركز على أى عربية تانية هتلاقى نفس النسبة تقريبا من العيوب و الشكاوى و يمكن حاجات أخطر بكتير و ما تتعالجش.
من ناحية تانية و أنا بفكر فى بروتون عموما كنت بس معجب بالشكل العالى أوى زى حضرتك دلوقتى و بعدين حد قاللى إن أسعار قطع الغيار نار و عالية بدرجة غير محتملة و ده السبب الأساسى اللى خلانى أشترك فى نايل موتورز و شفت أسعار قطع الغيار طبعا فيها قطعة أو اتنين مبالغ فيهم زى علبة الدركسيون مثلا سعرها استعباط بصراحة لكن عموما باقى قطع الغيار أغلى من الهيونداى و الشيفروليه و اليابانى المنتشر بره توكيلاته زى اللنسر و النيسان و بعد كده هتلاقيها أرخص من أى عربية تانية حتى الكيا نفس معدل الأسعار تقريبا يعنى باستثناء الأربع عربيات اللى ذكرتها تبقى قطع غيارها فى المعقول.
العربية ما شاء الله ثابتة جدا و دى أكبر مميزاتها و اتفرج مثلا على الفيرنا أو اللانسر 1300 أو الياريس هتلاقيهم خفاف جدا و مافيش أى ثبا تقريبا على السرعات العالية.
عيوب البروتون عموما و الجين بالتحديد عيوب تفيل بسيطة معتمدة على ضعف بعض الخامات و مافيش عيب منها حتى لو لا قدر الله طلعلك ممكن يخليك تندم إنك جبت العربية يعنى مثلا لو اشتريت بنطلون أديدس سبورت من التوكيل هتلاقيه ب200 جنيه و لو جبت نفس البنطلون من استوك استور هتلاقيه ب 60 أو 80 جنيه ممكن يكون فيه مثلا سوستة مش شغالة هتصلحها بكام 3 جنيه مثلا و يبقى معاك بالظبط نفس البنطلون أبو 200 و دافع فيه 63 بس.
أساسيات العربية ما شاء ما فيش حد اشتكى من أى حاجة جادة فى العربية و موضوع الأخ callsherif اللى حضرتك بتستشهد بيه حالة استثنائية و برده الحل اللى حصل معاه استثنائى برده و أتحدى إنك تلاقيه فى أى منتدى تانى و اعتذاره الرسمى أبلغ دليل على كلامى.
و كل العيوب اللى الناس بتشتكى منها ما فيش واحد ما بيتحلش الحمد لله و كلها أصوات فى حتت مافيها جلد حوالين معدنيين بيخبطوا فى بعض مثلا فعاملين صوت مزعج و شوية حاجات تافهة كده تأكد إن عمرها ما هتخليك تضايق من العربية
وحلو قوي التشبيه بتاع البنطلون ده (في الجول):b4_611:
المفضلات