الاسبراتير العادي والالكتروني

**jojooo** · 15-12-2009 04:23 PM

المشاركة الأصلية كتبت بواسطة mohamed777

على فكرة يا جماعة مش بيركب على كل الموديلات والمركات
انا بعت اميل للشركة وردوا عليا انه لانواع معنه فقط
وقولت لهم على نوع عربيتى وقالوا انه مش هينفع

المشاركة الأصلية كتبت بواسطة mohamed777

على فكرة يا جماعة مش بيركب على كل الموديلات والمركاتانا بعت اميل للشركة وردوا عليا انه لانواع معنه فقطوقولت لهم على نوع عربيتى وقالوا انه مش هينفع

على فكرة انا كمان بعتلهم ايميل بسأل على المنتجات لعربيتى وكان الرد دةHi, Sorry, but we don't have an ignition kit for that application. Regards, Royبس انا متأكد ان فى لعربيتى بديل الابلاتين والكندنسر بدليل الصورة اللى فوق بس ممكن فى شركة تانبة

**ahit** · 18-12-2009 07:01 PM

رجاء من العضو ahit او اى حد مركب البتاعة دى اللى بتركب بدل للأبلتين و الكوندينسر اواى حد يعرف بتتباع فين فى مصر يقولنا انا متأكد ان فى لعربيتى بدليل الصورة دى بس مش عارف اجيبة دى اسبراتير زى عربيتى

السلام عليكم ورحمة الله وبركاته

آسف جداً أخى الكريم على التأخر فى الرد لأن عندى حالة وفاة

و انا آسف لأنى مش هاقدر أفيدكم بخصوص إنه ينفع يتركب فى عربياتكم عشان كده أنا حطيت لينك الشركة المنتجة و من خلاله ممكن تعرف إذا كان يتناسب مع سيارتك أم لا.
و لو كان ينفع و مش لاقيه فى السوق ربنا يقدرنى و أقدر أجيبهولكم بسعره لوجه الله تعالى و خدمه لأخوانى فى منتدى نايل موتورز.

**jojooo** · 18-12-2009 11:21 PM

المشاركة الأصلية كتبت بواسطة ahit

السلام عليكم ورحمة الله وبركاته

آسف جداً أخى الكريم على التأخر فى الرد لأن عندى حالة وفاة

و انا آسف لأنى مش هاقدر أفيدكم بخصوص إنه ينفع يتركب فى عربياتكم عشان كده أنا حطيت لينك الشركة المنتجة و من خلاله ممكن تعرف إذا كان يتناسب مع سيارتك أم لا.
و لو كان ينفع و مش لاقيه فى السوق ربنا يقدرنى و أقدر أجيبهولكم بسعره لوجه الله تعالى و خدمه لأخوانى فى منتدى نايل موتورز.

البقاء للة ويارب تكون اخر الاحزان
وشكرا على المبادرة فى المساعدة بس اللى انا عرفتة ان الشركة دى لا تنتج لعربيتى المنتج دى
وكنت بسأل اذا كان فى شركات اخرى بتنتج المنتج دى انا متورى تويوتا 2t 1983 وزى ما هو معروض فى الصورة يوجد لعربيتى بس مشعارف فين!!!!!!

**sadeek** · 05-01-2010 06:52 PM

بعدالتحيه على الاعضاء الاعزاء موضوع جميل ويحتاج للا هتمام ويفيدالكل وادا لاقى اهتمام الاخ سبعاوى اعتقد سيفيدنا كثيرا
اناعندى 127 نصر 1983 فهل يركب لها اسبراتير الكترونى ومنين وبكام ولكم وافر الشكر

**sameh127** · 21-04-2010 08:50 PM

انا ركبته في عربية فيات 132 و فيات 127 و كان موفر فى البنزين بس قلل عزم الموتور قليلا و محتاج بوجيهات سليمة مش نص عمر
و بعد ما تركبه حتظبط كهربة العربية كتقديم او تأخير مرة واحدة بس و تنساه بعد كده علشان العربية ماتبرجلش منك فى الأول و حتريح نفسك من الكوندنسر و من سنفرة فص الأبلاتين .
و الجهاز شكله مستطيل فى حجم محفظة اليد و محفوظ بعلبة الومنيوم ذات اطراف زعنفية لزيادة التبريد للجهاز و به ثلاثة اسلاك و تركيبه يستغرق 10 دقائق.

**jojooo** · 21-04-2010 10:06 PM

المشاركة الأصلية كتبت بواسطة sameh127

انا ركبته في عربية فيات 132 و فيات 127 و كان موفر فى البنزين بس قلل عزم الموتور قليلا و محتاج بوجيهات سليمة مش نص عمر
و بعد ما تركبه حتظبط كهربة العربية كتقديم او تأخير مرة واحدة بس و تنساه بعد كده علشان العربية ماتبرجلش منك فى الأول و حتريح نفسك من الكوندنسر و من سنفرة فص الأبلاتين .
و الجهاز شكله مستطيل فى حجم محفظة اليد و محفوظ بعلبة الومنيوم ذات اطراف زعنفية لزيادة التبريد للجهاز و به ثلاثة اسلاك و تركيبه يستغرق 10 دقائق.

ممكن تصورة وهو راكب ولو ممكن صور العلبة و اشترهم من عند مين
علشان الموضوع دة مهم اوى عندى ونفسى اركبهم عندى

**sadeek** · 24-04-2010 01:56 AM

ارجوك ارجوك ارجوك ياsameh127 قول منين وبكام وتجربتك مع 127 بالتفصيل الممل نجحت وبنسبه كام وبتقلل العزم ادايه يعنى العربيه هتطلع الكبارى بصعوبه اوى وشكراعلى الافادة السريعه اللى حتوصلنى مقدما

**alaavirus** · 16-05-2010 02:57 AM

متابع بشدة

**mdfd5** · 18-06-2010 07:26 PM

المشاركة الأصلية كتبت بواسطة ahit

السلام عليكم ورحمة الله وبركاته

أنا بفضل الله مركب عندى إشعار إلكترونى فى عربيتى البيتل
هو جهاز بيركب داخل الإسبراتير البوش العادى بديل للأبلتين و الكوندينسر و على الموبينه العاديه 12 فولت و بدون تعديلات.

و ده الموقع بتاعه اللى بيحتوى على كل المعلومات الخاصه بالأنواع
hot-spark ignition products: Electronic ignition conversion kits, distributors, ignition coils for vw, volkswagen, porsche, audi, bmw, volvo-penta, mercedes, saab, bosch, ford, autolite, prestolite, delco, gm, chevrolet, industrial, marine, agricultu

بالنسبة للإشعار الالكتروني أنا لقيت انه ممكن يركب عندي في البيجو
فكنت عايز أعرف أجيبه منين و بكام

**drhope3003** · 29-12-2011 03:39 PM

السلام عليكم جميعا أما بعد و للاختصار انا من زمان نفسى اركب اسبراتير الكترونى ل 132 بتاعتى لان بصراحة بحس ان لما الاسبراتير العادى بيبقى لسة مضبوط تمام بحس انى راكب وحش بجد (نعومة فى الاداء و الصوت و السحب غير و استهلاك افضل بنسبة 30% ) و لكن الحلو ميكملش الاحساس ده بستمتع بيه لمدة اسبوع بالكتير لان خلوص الابلاتين قل و ده معروف بالدويل أنجل و من ثم فكرت فى الالكترونى و لكن هناك عقبات :
1- نادر لما ينزل منه جديد حتى لو صينى و لازم تجيب مشط استيراد
2-ممكن لو عطل تدوخ عليه و جايز ترجع للاسبراتير العادة
3-ناس تقول لازمله موبينة الكترونى و ناس تقول لأ

الحل:

1-أنا منذ شهرين بصمم مشط الكترونى ينفع يركب لاى اسبراتير الكترونى و على اى مبينة
2-قربت أوصل بإذن الله بس ده هيعوز وقت علشان نتأكد انه هيستحمل و يعيش لان هشيل شغل طحن
3-فى حالة نجاح سوف يباع بسعر مناسب للجميع بلا ضمان و لكن نضمن صيانته بسعر زهيد جدا
4-انا مش عاوز احط اسعار و البريد الالكترونى لان ده مش اعلان الا بعد نجاح التجربة و موافقة المنتدى طبعا
5-انا عاوز اى حد عنده اسبراتير الكترونى مش عاوزه يساعدنى فى التجربة لأن انا اتهريت مصاريف فى الوضوع ده و لكم جزيل الشكر