السلام عليكم ورحمة الله وبركاته
مالفرق بين الاسبراتير العادي والإلكتروني؟
وهل هيفرق معايا في الصيانة واستهلاك البنزين والسحب (يعني هيبقى توصيله للشرارة في شوط الاحتراق أدق من الاسبراتير العادي و لا لأ؟)
ويعمله حوالي كام اسبراتير إلكتروني نظيف؟
وشكرا
عرض للطباعة
السلام عليكم ورحمة الله وبركاته
مالفرق بين الاسبراتير العادي والإلكتروني؟
وهل هيفرق معايا في الصيانة واستهلاك البنزين والسحب (يعني هيبقى توصيله للشرارة في شوط الاحتراق أدق من الاسبراتير العادي و لا لأ؟)
ويعمله حوالي كام اسبراتير إلكتروني نظيف؟
وشكرا
فين الردود يا جماعة؟؟
كل اللي اعرفة عن الاسبيراتير الالكترون انه مافيهوش ابلاتين ولا كوندنسر ومش بيحتاج يتظبط زى العادى
بس انا جربة قبل كده فى العرببة وكان مبرجل العربية بس ما مشيتش زى الاسبيراتير الاصلى العادى بتعها
او ممكن يكون كان محتاج تظبيط حاجات تانية الميكانيكى ما كانش عارفها
الميزة فى الالكترونى توفير البنزين
السلام عليكم
هل ينفع فعلا تركيب اسبراتير الكترونى .. وبالنسبة للأخ اللى ركبه قبل كده يا ريت تقولنا اتكلف كام
وشكرا
ينفع تركيب اسبراتير الكترونى بشرط انه يكون موجود فى نفس موديل العربية يعنى ال 132 مثلاً لغاية 78 اسبراتير عادى بعد كده لغاية 80 بقى الكترونى و ده معناه ان المواتير بتاعتها من اول 72 يركب ليها اسبراتير الكترونى و كذلك اللادا و ال 128 و عربيات كتير بس اللى اعرفه كويس الفيات
لو لعربية 128 تقريبا بيبقى فى حدود 500 جنية
واحد صحبى لسة سأل علية
الموبينة 150 والاسبراتير 350 بس مش عارف بالتركب ولا من غير
المهم انا جربتة فى عربية 128 تانى موديل 86 الشرارة بتبقى شديدة فعلا وحرق البنزين كويس
غير كدة تجميع سريع على السرعات العلية
وكمان مبيحتجش الكوندسر ولا الابلاتين
ياريت لو حد فاهم فى الموضوع ده يوضحلنا اكتر لانى مهتم بالموضوع ده قوى وعايز اغير لالكترونى بس مش عارف الفرق هيكون كبير ويساهل ولا لأ انا عربيتى 128 3p سبور موديل 78
انا عندي تمبرا موديل 1999 والاسبراتير بتاعها الكتروني بثاله 10 سنين لم يحدث منه اي مشكلة
السلام عليكم ورحمة الله وبركاته
أنا بفضل الله مركب عندى إشعار إلكترونى فى عربيتى البيتل
هو جهاز بيركب داخل الإسبراتير البوش العادى بديل للأبلتين و الكوندينسر و على الموبينه العاديه 12 فولت و بدون تعديلات.
و ده الموقع بتاعه اللى بيحتوى على كل المعلومات الخاصه بالأنواع
Hot-Spark Ignition Products: Electronic Ignition Conversion Kits, Distributors, Ignition Coils for VW, Volkswagen, Porsche, Audi, BMW, Volvo-Penta, Mercedes, Saab, Bosch, Ford, Autolite, Prestolite, Delco, GM, Chevrolet, Industrial, Marine, Agricultu
hot spark ممكن لو سمحت تقلنا بيتباع فين وبكام
رجاء للاهميه وشكرا
متابع باهتمام و عربيتى 127 - 83 - 990cc -يركب عليها ولا لا
رجاء من العضو ahit او اى حد مركب البتاعة دى اللى بتركب بدل للأبلتين و الكوندينسر اواى حد يعرف بتتباع فين فى مصر يقولنا انا متأكد ان فى لعربيتى بدليل الصورة دى بس مش عارف اجيبة دى اسبراتير زى عربيتى
http://www11.0zz0.com/2009/12/14/01/821279482.jpg
دhttp://www11.0zz0.com/2009/12/14/01/431813780.jpg
على فكرة يا جماعة مش بيركب على كل الموديلات والمركات
انا بعت اميل للشركة وردوا عليا انه لانواع معنه فقط
وقولت لهم على نوع عربيتى وقالوا انه مش هينفع
على فكرة انا كمان بعتلهم ايميل بسأل على المنتجات لعربيتى وكان الرد دةHi, Sorry, but we don't have an ignition kit for that application. Regards, Royبس انا متأكد ان فى لعربيتى بديل الابلاتين والكندنسر بدليل الصورة اللى فوق بس ممكن فى شركة تانبة
اقتباس:
رجاء من العضو ahit او اى حد مركب البتاعة دى اللى بتركب بدل للأبلتين و الكوندينسر اواى حد يعرف بتتباع فين فى مصر يقولنا انا متأكد ان فى لعربيتى بدليل الصورة دى بس مش عارف اجيبة دى اسبراتير زى عربيتى
السلام عليكم ورحمة الله وبركاته
آسف جداً أخى الكريم على التأخر فى الرد لأن عندى حالة وفاة
و انا آسف لأنى مش هاقدر أفيدكم بخصوص إنه ينفع يتركب فى عربياتكم عشان كده أنا حطيت لينك الشركة المنتجة و من خلاله ممكن تعرف إذا كان يتناسب مع سيارتك أم لا.
و لو كان ينفع و مش لاقيه فى السوق ربنا يقدرنى و أقدر أجيبهولكم بسعره لوجه الله تعالى و خدمه لأخوانى فى منتدى نايل موتورز.
بعدالتحيه على الاعضاء الاعزاء موضوع جميل ويحتاج للا هتمام ويفيدالكل وادا لاقى اهتمام الاخ سبعاوى اعتقد سيفيدنا كثيرا
اناعندى 127 نصر 1983 فهل يركب لها اسبراتير الكترونى ومنين وبكام ولكم وافر الشكر
انا ركبته في عربية فيات 132 و فيات 127 و كان موفر فى البنزين بس قلل عزم الموتور قليلا و محتاج بوجيهات سليمة مش نص عمر
و بعد ما تركبه حتظبط كهربة العربية كتقديم او تأخير مرة واحدة بس و تنساه بعد كده علشان العربية ماتبرجلش منك فى الأول و حتريح نفسك من الكوندنسر و من سنفرة فص الأبلاتين .
و الجهاز شكله مستطيل فى حجم محفظة اليد و محفوظ بعلبة الومنيوم ذات اطراف زعنفية لزيادة التبريد للجهاز و به ثلاثة اسلاك و تركيبه يستغرق 10 دقائق.
ارجوك ارجوك ارجوك ياsameh127 قول منين وبكام وتجربتك مع 127 بالتفصيل الممل نجحت وبنسبه كام وبتقلل العزم ادايه يعنى العربيه هتطلع الكبارى بصعوبه اوى وشكراعلى الافادة السريعه اللى حتوصلنى مقدما
متابع بشدة
السلام عليكم جميعا أما بعد و للاختصار انا من زمان نفسى اركب اسبراتير الكترونى ل 132 بتاعتى لان بصراحة بحس ان لما الاسبراتير العادى بيبقى لسة مضبوط تمام بحس انى راكب وحش بجد (نعومة فى الاداء و الصوت و السحب غير و استهلاك افضل بنسبة 30% ) و لكن الحلو ميكملش الاحساس ده بستمتع بيه لمدة اسبوع بالكتير لان خلوص الابلاتين قل و ده معروف بالدويل أنجل و من ثم فكرت فى الالكترونى و لكن هناك عقبات :
1- نادر لما ينزل منه جديد حتى لو صينى و لازم تجيب مشط استيراد
2-ممكن لو عطل تدوخ عليه و جايز ترجع للاسبراتير العادة
3-ناس تقول لازمله موبينة الكترونى و ناس تقول لأ
الحل:
1-أنا منذ شهرين بصمم مشط الكترونى ينفع يركب لاى اسبراتير الكترونى و على اى مبينة
2-قربت أوصل بإذن الله بس ده هيعوز وقت علشان نتأكد انه هيستحمل و يعيش لان هشيل شغل طحن
3-فى حالة نجاح سوف يباع بسعر مناسب للجميع بلا ضمان و لكن نضمن صيانته بسعر زهيد جدا
4-انا مش عاوز احط اسعار و البريد الالكترونى لان ده مش اعلان الا بعد نجاح التجربة و موافقة المنتدى طبعا
5-انا عاوز اى حد عنده اسبراتير الكترونى مش عاوزه يساعدنى فى التجربة لأن انا اتهريت مصاريف فى الوضوع ده و لكم جزيل الشكر