الموضوع: كيف اعرف كفائه abs

السلام عليكم ورحمه الله وبركاته

نظرا لان فى مشاركيين كتير جداااااااااا مش عارفين ايه هوا نظام abs وكيف عمله والنظريه المبنى عليها سأحاول تقديم شرح مبسط ليه



اولا: هل ال abs يزيد من قوه الفرامل او لااااااا


الاجابه : نظام ال abs التعبير الصحيح عنه انه يزيد فى القوه القصوى المتاحه من الفرامل وليس يزيد فى القوه نفسها


بمعنى

ان العلاقه بين الفرامل او القوه الفرمليه ونسبه غلق العجل اى نسبه التخفيض فى سرعه العجلات بالنسبه لسرعه السياره مرتبط ارتباطا طرديا الى مرحله محدده وبعد ذلك تقل القوه الفرمليه للسياره



معلش الكلام تقيل شويه بس ححاول اوضحه اكتر



العلماء بتوع الميكانيكا لقوا ان اقصى قوه فرمليه يمكن الحصول عليها من السياره عندما يكون العجل قبل القفش lock بحواله نسبه 20 فى المائه



حتى من الممكن ملاحظه هذا لو حضرتك فى عربيتك مفيهاش abs ومشيت بسرعه 60 كيلو مثلا وجيت تقف مره وااحده بس مدوستش فرامل اوووى يعنى ومره تانيه جربت تجيب دواسه الفرامل للاخر حتلاقى الاولانيه تقف فى مسافه اقل ( ده محتاج خبره مش اى حد بيعملها )


فعلشان كده هما حطوا نظام للتحكم على الفرامل اللى هوا مسمى ال abs هوا نظام تحكم وليس نظام فرامل


موجود فى كل عجله حساس بيقيس سرعه الدواران للعجله وبيقارنها بسرعه العربيه الفعليه ومن هنا بيطلع حاجه اسمها skid يعنى معدل القفش بالبلدى كده ويعرف العجله فى انى مرحله بالظبط



فلو معدل ال skid تجاوز ال 80 فى الميه يبتدى النظام يشتغل كالاتى



وحده كنترول بتعمل فصل لضغط الزيت القادم من الماستر الرئيسى متوصلوش لماستر العجل فيبتدى معدل ال skid يقل عن ال 80 فى المائه فيرجع تانى وحده الكنترول توصل ضغط الزيت تانى وهكذا تفضل تسيب وتوصل تسيب وتوصل علشان تحتفظ بنسبه ال skid حوالى 80 فى المائه والعمليه ده بتم بتردد حوالى 8 مرات فى الثانيه الواحده



وده اللى بيسبب الرعشه تحت رجل السائق لما يدوس فرامل مره واحده




نستخلص من ده كله ان فعلا الفرامل اللى فيها نظام تحكم abs بتخلى النظام يحصل على اقصى (وليس يقوم بتكبير) قوه فرمليه ممكنه من السياره وان نظام الفرامل بهذا النظام تساعد السياره على التوقف فى زمن اقل ومسافه اقل




والسلام عليكم ورحمه الله وبركاته