الموضوع: حد يعرف حاجة عن المظلات؟؟

المعلومات الى عندى
اولا الكابتن بتاع التدريب اسمه / حاتم سيف
ثانيا كل طلعه بى 50 جنيه فقط لاغير وده للتجربه
ثالثا لو الموضوع عجبنا ممكن نشترك والاشتراك بمصريف اللجنه بتاعت وزاره الطيران المدنى وكل حاجه بى 2000 او 2600 مش غاليه يعنى ودى بتكون شامله شهاده الاجازه و التدريب لمده سنه كامله وده اول اشتراك بعد كده بيكون اقل على شان اصلا هو مدعم للمصرين وبعد الاشتراك الطيران بيكون 30 جنيه للمره الواحده الى هى بتكون كل يوم جمعه من الاسبوع

عموما هو الموضوع ظرف وانا نفسى اروح من زمان بس مش لاقى حد يشجعنى ويجى معايا بس هو كل يوم جمعه من الساعه 8 الصبح

بس انا نفسى اعرف رقم مطار 6 اكتوبر ونتكلم ونعرف تفاصيل اكتر على شان الطيران الشراعى هنا فى مصر مش منتشر ومفيش حد عارف عنه حاجه مع انه الى بينجح فيه بيكون طيار محترف

المشاركة الأصلية كتبت بواسطة mada121977

العميد هانى طلعت هو مؤسس وحدات المظلات فى الجيش المصرى وهو اول من ادخل تقنيات جديده فى سلاح المظلات فى مصر مثل الخفاش الطائر وحاصل على العديد من الشهادات الدوليه فى بطولات المظلات على مستوى العالم وحاصل على وسام تقديرى من فريق المظلات الخاص بالجيش الامريكى وبعد التقاعد اتجه الى تدريب المدنيين على اساليب القفز بالمظلات فى الاماكن المخصصه لذلك ومنها مركز شباب الجزيره .. انا عملت معاه حلقه قبل كده من البرنامج بتاعى وهو شخصيه رائعه تستحق كل تقدير واحترام

اقرب واحد هو مركز شباب الجزيرة ... بالنسبة ليا ..

هبقى أعدى عليه و أسأل مرة إن شاء الله

المشاركة الأصلية كتبت بواسطة marsguy

أنا كنت باتدرب في نادي الجلاء واللي كان ماسك التدريب هو الكابتن عبد الكريم

بس اللي بيدرب الناس بيكونوا مدربين شبان وبيتدربوا معاك مش بيدربوك بس

للأسف اللي ماسك موضوع المظلات في مصر هو الجيش

وانا باقول للأسف عشان لو إنت عاوز تاخد الدوره وتقفز يبقى لازم تستحمل معامله عسكريه ونفسنه للصبح وتدريبات عسكريه أنا ماليش فيها وده كله مالوش علاقه بالمظلات.

وبتعمل تمرينات لياقه رهيبه وبطريقه غير مدروسه وبتخلي ناس كتير يتعرضول لإصابات.

الموضوع مش محتاج ده كله

بالعكس القفز بالمظلة أحد النشطة التي تتطلب قدرا (فائقا) من اللياقة البدنية

لضمان دفع الدم للمخ و الأطراف

و خلاصة اذا تضمنت القفزة ارتفاعا اضافيا للقفز الحر و هو ما يتطلب عضلات صدر و ظهر و بطن في كفائة عالية لأنها تتحكم تماما بحمل الجسم بالهواء بضغط رفع قوي كما انها مسئولة عن التوجيه و التحكم في سرعة السقوط قبل فتح المظلة ..

ده غير لحظة فتح المظلة نفسها و تأثير القصور الذاتي على فقرات الظهر

في غير وجود تدريبات قاسية -و مفترية- قد يتقدم شخص للقفز و هو غير مؤهل و الغلطة ...بموته

المشاركة الأصلية كتبت بواسطة relentless_mayhem

اقرب واحد هو مركز شباب الجزيرة ... بالنسبة ليا ..

هبقى أعدى عليه و أسأل مرة إن شاء الله

أنا في انتظارك

المشاركة الأصلية كتبت بواسطة ahmed samy

بالعكس القفز بالمظلة أحد النشطة التي تتطلب قدرا (فائقا) من اللياقة البدنية

لضمان دفع الدم للمخ و الأطراف

و خلاصة اذا تضمنت القفزة ارتفاعا اضافيا للقفز الحر و هو ما يتطلب عضلات صدر و ظهر و بطن في كفائة عالية لأنها تتحكم تماما بحمل الجسم بالهواء بضغط رفع قوي كما انها مسئولة عن التوجيه و التحكم في سرعة السقوط قبل فتح المظلة ..

ده غير لحظة فتح المظلة نفسها و تأثير القصور الذاتي على فقرات الظهر

في غير وجود تدريبات قاسية -و مفترية- قد يتقدم شخص للقفز و هو غير مؤهل و الغلطة ...بموته





أنا في انتظارك

كلامك صحيح طبعاً بالنسبه لموضوع اللياقه

وكمان تدريبات المظلات نفسها مهمه جداً جداً عشان إنت بتنط بمظله مافهاش فرامل وبتلمس الأرض بسرعه كبيره نسبياً ولو إنت ما إستقبلتش الأرض بطريقه صحيحه ممكن لا قدر الله يجيلك كسر مضاعف.

لكن اللي أنا معترض عليه هو المعامله العسكريه والنفسنه اللي مالهاش لزمه

أنا مالي أنا أتعلم خطوه سريعه وخطوه معتاده ليه وعلى اليمين حذاء وعلى الشمال ..... انا راجل مدني

هناك المدربين بيتعاملوا مع المتدربين كأنهم لواءات وكأن المتدربين دول عساكر عاده

تخيل نفسك شاب محترم وبتشتغل في مكان محترم وواخد أجازه من الشغل مخصوص عشان حاجه نفسك تعملها وتلاقي المدرب اللي سنه ما جابش 20 سنه يقولك نضف الأرض من الطوب والدبش ولو إعترضت ينزلك 6 إستعد!!!!! هو ده الي أنا معترض عليه

المشاركة الأصلية كتبت بواسطة marsguy

هناك المدربين بيتعاملوا مع المتدربين كأنهم لواءات وكأن المتدربين دول عساكر عاده

تخيل نفسك شاب محترم وبتشتغل في مكان محترم وواخد أجازه من الشغل مخصوص عشان حاجه نفسك تعملها وتلاقي المدرب اللي سنه ما جابش 20 سنه يقولك نضف الأرض من الطوب والدبش ولو إعترضت ينزلك 6 إستعد!!!!! هو ده الي أنا معترض عليه

حضرتك بتاخد التدريب ده تحت اشراف عسكريين
فالمعامله بالاسلوب ده طبيعيه لان هو ده اسلوب العسكريين
اقدميه وطاعه اوامر وبس بصرف النظر عن اعتبارات السن
والوضع الاجتماعى
واللى عايز العسل يستحمل قرص النحل

المشاركة الأصلية كتبت بواسطة freeefair

حضرتك بتاخد التدريب ده تحت اشراف عسكريين
فالمعامله بالاسلوب ده طبيعيه لان هو ده اسلوب العسكريين
اقدميه وطاعه اوامر وبس بصرف النظر عن اعتبارات السن
والوضع الاجتماعى
واللى عايز العسل يستحمل قرص النحل

طب و ليه التدريب تحت إشراف عسكريين ؟؟؟

ما هو فى إتحاد مصرى للألعاب الهوائية (مظلات + طيران شراعى) .. و ده تابع لوزارة الشباب ...

إيه اللى دخل وزارة الدفاع فى الأمر؟؟

المشاركة الأصلية كتبت بواسطة relentless_mayhem

طب و ليه التدريب تحت إشراف عسكريين ؟؟؟

ما هو فى إتحاد مصرى للألعاب الهوائية (مظلات + طيران شراعى) .. و ده تابع لوزارة الشباب ...

إيه اللى دخل وزارة الدفاع فى الأمر؟؟

ما دام هتطير في الهوا

يبقى العسكريين لازم يتواجدوا

انت في مصر و طبعا عارف حساسية ان مدني (يطير)

احنا ماعندناش طيران اسعاف ولا صحافة ولا شرطة حتى

الطيران = الجيش

دي مسأله أمن قومي

أما الاتحاد المصري للألعاب الهوائية فده تطلع منه كارنيه

ألعاب هوائية فعلا