عندك كــلــب...؟

**atamim** · 11-08-2009 10:34 PM

المشاركة الأصلية كتبت بواسطة atamim

عن عبد الله بن عمر رضي الله عنهما قال : قال رسول الله صلى الله عليه وسلم : ( مَنِ اقْتَنَى كَلْباً إِلاَّ كَلْبَ مَاشِيَةٍ ، أوْ ضَارِياً نَقَصَ مِنْ عَمَلِهِ كُلَّ يَوْمٍ قِيرَاطَانِ ) رواه البخاري ( 5163 ) ومسلم ( 1574 ) .

**Eng. Rafy Samy** · 12-08-2009 12:16 AM

يا اخ atamim
انت حضيت نفس المشاركة 3 مرات ... شكراً على النصيحة ممكن تخلينا نكمل الموضوع بقى..؟؟؟؟!!!!!!!

**Eng. Rafy Samy** · 12-08-2009 12:36 AM

**Busquets** · 12-08-2009 02:52 AM

عندى جريفون :) البيت مايساعش اكتر من كدا عنده 3 سنين بياكل كل حاجة اصل انا جايبه للعب لانه مش بتاع حراسه ولا ليه فى اى حاجة بس للعب

علاقتى بيه :) مش عارف بس بموت فيه بصراحة انا بعشق الكلاب حتى لو كلاب شارع

احب تربية الدكر لأن النتاية متعبه جداً فى تربيتها لـ اسباب كثيرة والأفضل خليك فى الدكر الا لو هتشتغل تاجر

ماعنديش صور ليه حالياً

موضوع جميل وشيق جدا

عندى سؤال بس لو حد يعرف سعر الجولدن يكون صغير يعنى اقل من سنه و سعر اللبرادور نفس المواصفات اللى هو الابيض اصلو عندنا فى الجامعه لابردور ابيض بصراحة جميل و ذكى جداً

شكراً

**Fadi Ezzat** · 12-08-2009 03:32 AM

1- عندك كلب نوعة ايه...؟

نوعة بوكسر

- عمره قد ايه..؟

3.5

4- بتدربة فين وازاي..؟

انا الى مضربة من صغرة

5- عندك صورة ليه..؟

انت تامر ياباشا هصورهولك

6- بتفضل تربي دكر ولا نتاية ..؟

مش بتفرق بحب الاتنين ما دة كلب ودة كلب

- علاقتك بيه عاملة ازاي..؟

صديق على طول بحبة على طول وهو بيحبنى اوى اوى

8- بتنيمة فين ...؟

بينام جمبى على السرير

- بتوكله ايه..؟

اجزاء فراخ

الملاحظات بقى
انا بموت فى الكلب دة بجد
وانا مقعدة معايا فى الشقة على طول
واما بيحب يعمل حمام بيطلع على السطح
فوق فى الدور ال 8
وينزلى تانى
وساعات بسيبة فى البيت بتاعتنا كلة يعيش

**Eng. Rafy Samy** · 12-08-2009 11:21 AM

**MoDyBeNz2008** · 12-08-2009 05:19 PM

المشاركة الأصلية كتبت بواسطة MegaDeth

- جولدن ريتريفر
2- سنه و شهر
3- كل الأكلات ... مش بيقول لا على حاجه , زيه زى الأنسان
4- فى البيت الريتريفر من اذى انواع الكلاب و اسهلها تعملا
5- عندك صورة ليه..؟ اه كتير
6- بتفضل تربي دكر ولا نتاية ..؟ ايه السؤال ده ؟
7- علاقتك بيه عاملة ازاي..؟ ابنى
8- بتنيمة فين ...؟ بينام تحت سريرى او فى المطبخ .. هو و دماغه

ابنك و بتنيمه تحت السرير .............. يالسخرية الموقف

انا بقى بخاف من الكلاب موت

و يوم ما فكرت اربي ربيت عصافير و بعدها بـ3 اسابيع جات انفلونزا الطيور و طيرناهم

كانوا كوكتيل رمادي في ابيض - فكرت في السمك لقيته محتاج عناية فائقة - القطط مش هينفع علشان بيخافوا منها موت
مش فاضل غير اني اربي نمل

**Ahmed_Emad** · 12-08-2009 10:05 PM

الحقيقة أنا عمري ما كان ليا فى الكلاب أو تربية الحيوانات عموماً، بس من فترة شفت على النت صور لكلب من فصيلة Siberian Husky
وكان رائع بمعنى الكلمة ونفسي اجيبه...ماحدش يعرف اجيب كلب من الفصيلة دي منين وبكام وياترى يستحمل يعيش فى جو مصر الحار بكل الفرو اللى عليه ده؟