استفسار ضروري جدا من ماليكي النيو سيراتو ارجو الافاده جزاكم الله كل الخير

السلام عليكم ..مبدئيا اعرفكم بنفسي انا اسمي محمود و دي اول مشاركه ليا معاكم في المنتدي الجميل دا ولو اني متابعه من شهور و اعرف معظم الناس الجامده اللي بتعلق علي النيو سيراتو وقسم الكيا عموما و لكني مكنش بعلق لاني مكنتش لسه نويت و بيعجبني جدا فيكم روح الموده وان الكل بيساعد :E_braces[1]:
سؤالي هو بالنسبه للسيارات الخليجي بالخصوص . و ياريت حد من مالكي الخليجي يفيدني ..انا دلوقتي لو جبت العربيه خليجي عايز اعرف ازاي هتعامل في موضوع قطع الغيار و الصيانه ..هل قطع الغيار متوفره ولا هعاني زي معظم العربيات الخليجي و هل التعامل مع التوكيل هيبقي زيي زي صاحب العربيه اللي مشتريها من التوكيل ولا هتبقي اسعار الصيانه الدوريه 100% و 200% زي ما باسمع و طبعا دا عقاب لاني جبت خليجي .. انا بصراحه يا جماعه عايز اجيب عربيه تريحني مش عايزها تبقي عبء عليا في موضوع قطع الغيار و الصيانه دا بالخصوص لانكم عارفين انها مشاوير مش ظريفه و خصوصا لواحد زيي ظروف شغلي مش مخلياني حر الحركه بشكل كبير.. اسف للاطاله

و اتمني اكون صديق لكم جميعا و انضم للسيراتوايه قريبا انشاء الله

حسب علمي
إن السيارة تتعامل معملة السيارة العادية في ما عدا الضمان
و لكن سمعت إن سوف يرفعوا تكلفة الصيانة للخليجي بس بنسبة قليلة

أستاذ محمود .... انا كنت لسة بعمل صيانة ال1000 بتاعتى يوم السبت اللى فات (عربيتى وكيل) دفعت فيها 300 جنية بالظبط .....
دول بتوع ايه بقى: 1- ثمن الزيت الشل 10000كز
2- فلتر زيت.
3- زجاجة فوم لغسيل الموتور.
وانا بدفع الفلوس الاستاذ اللى قدامى صيانة ال1000 بردو بس عربيتو خليجى دفع 410 جنية ... معنى كدة انهم خدو منه مصنعية..
وطبعا غير فرق الضمان اللى قال عليه lolly136 ...

أهلا و سهلا بحضرتك معانا

انا معايا خليجي و عملت الصيانة في التوكيل

بس فعلا هم ناويين يرفعوا مصنعيات الخليجي بس مش كتير ان شاء الله يعني مش حاجة جامدة لأن تكاليف الصيانات أساسا مش كبيرة ..

يعني العربية هاتدخل التوكيل و تتصلح عادي بزيادة سعرية يارب تكون طفيفة

ممكن تسأل الأستاذ نادر نبيل منسق القسم مع التوكيل أو الأنسة نهلة تجيبلنا الفرق تحديدا .

اما من جهة أخرى ....

العربية بتنتشر بشكل مريع في الشوارع

وده معناه انتشار في قطع الغيار و هي مش معقدة قوي و حتى لو معقدة هاتلاقي الف واحد يفكها ميت حتة

هي هاتبقى أجدع من الباسات !!!!

يعني الحاجات الخفيفة ممكن تعملها بره لو عاوز (ده لو سعر الوكيل طلع عالي علينا بزيادة)

و الحاجات الكبيرة -الله لا يقدر- تعملها في التوكيل


المهم ان التوكيل موجود و ده أمان

انا متشكر جدا يا جماعه علي الردود السريعه دي و بارك الله فيكم .. وان شاء الله انضم اليكم قريبا باذن الله و هقولكم انا عملت ايه في الموضوع قريب.. و يسعدني اني اكون واحد منكم لانكم للامانه ناس محترمه جدا جدا
السلام عليكم