الموضوع: مسافر يوم الجمعة بإذن الله... نصيحتكم تهمني

ما تنساناش فى الصور بقه لما ترجع ... البحر رائع هناك
وترجع بالسلامه

لاتقلق

انت راكب افضل عربية سفر ممكن تستخدمها
بس خلى بالك النوبيرا بتغر "يعنى سرعتها وثباتها يخليك عاوز تجرى" بالاضافه ان الطريق حلو فخليك على مهلك

انت واخد كل حاجه ومعاك كل حاجه و300 كيلوا مش كتير فتقبل الموضوع كده وخليك فريش

يعنى ممكن تعمل ايه كل نص ساع ريح انزل من العربيه وخد نفس هوا جامد فى الصحرا وأتامل فى الرمل خصوصا انك مسافر الفجريه ..... يعنى احلى وقت سفر

وتروح وترجع بالسلامه

المشاركة الأصلية كتبت بواسطة Abu mariam

متقلقش يا باشا

الدايو عربيات ممتازه

انا كل يوم بعمل اكتر من 250 كيلو بيها لمده 5 ايام فى الاسبوع

من غير حتى ما افتح الكبوت الا لما اجى اغير زيت واشيك عليها بالمره

وايام كتير بسافر الغردقه وارجع فى نفس اليوم

يعنى بعمل اكتر من 1000 كيلو فى يوم واحد

واقصى حاجه بعملها انى بزود الكاوتش هوا عادى

واغير الزيت واكشف على الميه وبقيه الزيوت كل 3000 الى 5000 كيلو فقط لا غير

اهم حاجه متنساش دعاء السفر

وبراحه وانت سايق

وتروح وتيجى بألف سلامه

الله يسلمك وربنا يطمنك

المشاركة الأصلية كتبت بواسطة astsaae

عشان خاطرى متزودش السرعة عن 100 وخالى بالك من العربيات النقل وتروح وترجع بالسلامة وياريت تسافر بالنهار ولو تقدر تقفل الموبيل يبقى افضل

خاطرك غالي عندي لأن نصحيتك طالعة من القلب لأخ حتى لو كنا متقابلناش ودي سمة المنتدي وربنا يديم الأخوة والمعروف بينا جميعا... وحمشي باذن الله بعد الفجر ومش حزود عن 100 والموبيل محدش بيعبرني عليه في الاجازات من أصله

المشاركة الأصلية كتبت بواسطة Michael_Lanos

ما تنساناش فى الصور بقه لما ترجع ... البحر رائع هناك
وترجع بالسلامه

الله يسلمك .. طبعا انت ادرى بالبحر يا مايكل باشا لأنه قدامك طول السنة ياعم (اللهم لا حسد)

المشاركة الأصلية كتبت بواسطة Morieno

لاتقلق

انت راكب افضل عربية سفر ممكن تستخدمها
بس خلى بالك النوبيرا بتغر "يعنى سرعتها وثباتها يخليك عاوز تجرى" بالاضافه ان الطريق حلو فخليك على مهلك

انت واخد كل حاجه ومعاك كل حاجه و300 كيلوا مش كتير فتقبل الموضوع كده وخليك فريش

يعنى ممكن تعمل ايه كل نص ساع ريح انزل من العربيه وخد نفس هوا جامد فى الصحرا وأتامل فى الرمل خصوصا انك مسافر الفجريه ..... يعنى احلى وقت سفر

وتروح وترجع بالسلامه

الله يسلمك وان شاء الله موضوع الترييح اجباري لأن الحكومة (قصدي المدام) عايزه تعدي على مصنع "بيتي" بتاع العصير والالبان لأن صحابها حملوا كراتين عصير من هناك لأن طعمها رائع وسعرها من هناك رائع جدا.
كل ده لسه كلام ولو الكلام مضبوط حبلغ قائمة بالاسعار لأخوانا للعلم.

المشاركة الأصلية كتبت بواسطة MMamdouh

اتاكد ان معاك مفتاح ععجل و كوريك كويس و عدة بسيطة... يعنى مفك عادة و صليبة + بنسة + مجوعة مفاتيح بلدى + مشرشر احتياطى لاى ظرف على الطريق

MMamdouh

ربنا يخليك يا محمد باشا والحمد لله معايا عدة على قد فهمي وربنا ما يحوجنا ليها كلنا.