مسافر يوم الجمعة بإذن الله... نصيحتكم تهمني

فجر الجمعة بإذن الرحمن مسافر الساحل حوالي 310 كم واول مرة أطلع مشوار كبير كده.أنا فضيت الكاوتش ومليت نيتروجين واطمنت على الاستبن ومليته نيتروجين بالمرة.الزيت موبيل1 عامل بيه 2000 كم وبقاله شهرين ونص تقريباسير الكاتينة عامل 4000 كم تقريبا وسير المجموعة 3000 كممعايا كمبريسور هواء وبنز خوابير والخوابير نفسهامعايا جركن مياه خضراء 4 لتر متفتحشمعايا نص كيلو زيت موبيل1 وكيلو زيت باور و2 علبة زيت باكم دوت4ناوي ان شاء الله اعيد على تربيط العفشة مع اني عاملها وانا بحط الزيتياتري تنصحوني بحاجة تانية اعملها اليومين اللى فاضلين قبل السفر؟وربنا يسترها معانا جميعا...

بسم الله ماشاء الله
ده حضرتك كده معاك كارافان صيانة متحرك :)
خلي معاك مياه عادية برضو

ربنا يكرمك وان شاء الله ححط جركن ميه

ما تقلقش نفسك انا شايف انك مقلق على الفاضى
انا اول ما اتعلمت السواقة كنت مستبوخ وكاره سواقة اللليل واى مشوار لازم ارجع قبل المغرب فى البيت
لحد اما ازنقت مرة واتاخرت برة ولقيت الدنيا عادى

بعد كل الحاجات الحلوه اللى أنت موضبها دى
أوصيك فقط بصلاة ركعتين لله قبل السفر مباشرة
كنوع من التقرب لله ....لأزالة أى قلق داخلى
مع قراءة دعاء السفر .....والتوكل على الله
وتروح وتيجى بالسلامه .....يامحمد بيه

ربنا يسلملك الطريق
ركز كمان ان تكون جميع الاضواء تعمل و بكفائه
الزجاج الخلفى والامامى يكون نضيف و ممسوح كويس
النمر بتاعه العربيه اتاكد انها مزبوطه عشان ميغلسوش فى اى كمين
وتوصل بلسلامه ان شا الله هو الطريق يبان انه طويل انما مش هتحس بيه خااالص

تروح و ترجع بالسلامة و ان شاء الله اجازة سعيدة

متنساش ترمس الشاي والقهوة
يا عم انت مظبط كل حاجة
اهم حاجة متجريش
والسفر ده شئ عادي طالما العربية نضيفة
والله اكتر من مرة اعمل بالعربية في يوم واحد 600 و 700 كيلو سفر
بس اهم حاجة خد بالك من المية لما تعمل رست و متفتحش الاربة الا والعربية هادية
عشان متفورش في وشك او على ايدك

تروح وتيجي بالسلامة يا ريس

اقتباس:

---

المشاركة الأصلية كتبت بواسطة samirayad

بعد كل الحاجات الحلوه اللى أنت موضبها دى
أوصيك فقط بصلاة ركعتين لله قبل السفر مباشرة
كنوع من التقرب لله ....لأزالة أى قلق داخلى
مع قراءة دعاء السفر .....والتوكل على الله
وتروح وتيجى بالسلامه .....يامحمد بيه

---

الله يسلمك يابشمهندس ومش قادر اوصفلك قد ايه نصيحتك بالصلاة والدعاء أثلجت صدري وبقيتش مقلق من السفر لأن الله سبحانه وتعالى معنا دائما وهو الستار

اقتباس:

---

المشاركة الأصلية كتبت بواسطة A.Saad

ما تقلقش نفسك انا شايف انك مقلق على الفاضى
انا اول ما اتعلمت السواقة كنت مستبوخ وكاره سواقة اللليل واى مشوار لازم ارجع قبل المغرب فى البيت
لحد اما ازنقت مرة واتاخرت برة ولقيت الدنيا عادى

---

أنا فعلا قلقان يا أحمد باشا يمكن لأني أول امرة أسافر بالعربية دي لأني شاريها من 3 شهور بس أخونا المهندس/ سمير عياد جاب المفيد

اقتباس:

---

المشاركة الأصلية كتبت بواسطة blazer

ربنا يسلملك الطريق
ركز كمان ان تكون جميع الاضواء تعمل و بكفائه
الزجاج الخلفى والامامى يكون نضيف و ممسوح كويس
النمر بتاعه العربيه اتاكد انها مزبوطه عشان ميغلسوش فى اى كمين
وتوصل بلسلامه ان شا الله هو الطريق يبان انه طويل انما مش هتحس بيه خااالص

---

الله يسلمك والنور الحمد لله تمام انما فكرة النمر دي فعلا مفيده وحعيد على تربيطها بإذن الله

اقتباس:

---

المشاركة الأصلية كتبت بواسطة ahmedhilmy

تروح و ترجع بالسلامة و ان شاء الله اجازة سعيدة

---

الله يسلمك يا أحمد بك وشكرا لذوقك

اقتباس:

---

المشاركة الأصلية كتبت بواسطة Mosmafa

متنساش ترمس الشاي والقهوة
يا عم انت مظبط كل حاجة
اهم حاجة متجريش
والسفر ده شئ عادي طالما العربية نضيفة
والله اكتر من مرة اعمل بالعربية في يوم واحد 600 و 700 كيلو سفر
بس اهم حاجة خد بالك من المية لما تعمل رست و متفتحش الاربة الا والعربية هادية
عشان متفورش في وشك او على ايدك

---

الترمس أول حاجة طلعت من نيش السفرة يادرش :36_1_1[1]: والسندوتشات انت نسيتها ولا ايه.. ربنا يطمنك بالخير يادرش ويستر طريقنا جميعا

اقتباس:

---

المشاركة الأصلية كتبت بواسطة elakawy

تروح وتيجي بالسلامة يا ريس

---

الله يسلمك يا باشا


شكرا لجميع نصائحكم ودعواتكم :ask: