شكرا على كم المعلومات الجامد ده
سؤال علماشى هل blue & me ده متوافر فى المانيوال و لا لا؟
رقم العضوية : 4829
تاريخ التسجيل : 24Jan2008
المشاركات : 93
النوع : ذكر
الاقامة : Egypt
السيارة: لا توجد
السيارة[2]: لا توجد
الحالة :
السلام عليكم ورحمة الله و بركاته
دى أول مره أكتب موضوع فى المنتدى و هيكون عن عربيتى فيات جراند بونتو أوتوماتيك باكدج 2 لأنى حسيت أن معظم المواضيع اللى أتكتبت فى العربيه دى موفيتهاش حقها خالص
أولا: المحرك
العربيه محركها 1.4 لتر 8 صمام و المحرك بيولد 77 حصان و هو متركب على جسم السيارة يعنى لو عايز تحسب قدرة المحرك بالنسبة للمحركات الأسياويه هتضرب فى 1.31 و هيكون الناتج حوالى 100 حصان و ده و هو قدرة المحرك و هو مش متركب على السيارة .
المحرك أقتصادى و موفر لأستهلاك الوقود و تسارعه جيد جدا مش بطئ ولا حاجة ذى ما ناس قالوا عليه هو صوته اللى بيكون عالى شويا عند التشغيل لكن أثناء السير و تشغيل المكييف بيكون صوته معتدل جدا و صوته هادئ حتى أثناء الدوران على دورات المحرك العاليه فوق ال 4000 لفه فى الدقيق
أنا جبت بيها لحد 130 كم / ساعة و مشعرتش بفرق يزكر فى التسارع بنها و بين النيسان صنى 2005 اللى هى عربيتى قبل العربيه دى
ثانيا : الفتيس الأستبترونيك
العربيه فيها فتيس من 5 سرعات أماميه + سرعه خلفيه هو و ممكن تتحكم أنت بنفسك فى السرعة اللى أنت عليها عن طريق الفتيس و برضه الفتيس بيسعدك شويا لأنه بيجيب الغيار الأقل المناسف فى حالة التباطوء و برضه بيرفض أنه يجيب الغيار الغير مناسب و العربيه بتعمل للسائق أشاره صوتيه
أما بالنسبه للوضع Auto العربيه العربيه بتغير السرعات بنفسها بناءا على الضغطه على دواسة البنزين و برضه ممكن تتحكم فى تغير السرعات عن طريق الفتيس و هو على الوضع Auto و العربيه هتستجي معاك عادى جدا .
الفتيس بياخد مده زمنية عند التغير بين سرعه و سرعه أخرى هى أكتر شويه من المدة الزمانية اللى فى الفتيس الأوتوماتيك العادى بس التغير بين النقلات بيكون مريح و مفيش نتشات خالص و هى تقريبا نفس مدة التغير للعربيات المانيوال
من الجدير بالذكر أن العربيه مش بتتحرك خالص و أنت مش ضاغط على دواسة البنزين ذى العربيات المانيوال و ده فيه مشكله و ميزه فى نفس الوقت لأنه شئ كويس فى الزحمة و مش حتحتاك تجيب وضع ال N بس مشكله أن العربيه بترجع للخلف على الأراضى المرتفعه فى حالة عدم الضغط على دواسة البنزين ذى المانيوال تمام .
الفتيس بيرفض الغير بين وضع N و وضع القياده الأمامية فى حالة عدم الضغط على دواسة الفرامل أو الضغط على دواسة البنزبن لتجنب تكسير التروس و الرفض بيكون عباره عن رسالة على الشاشة المعلومات بتقولك أضغط على دواسة الفرامل و حاول مرة أخرى
وضع ال ECO بيكون عن طريق زرار فى تابلو العربيه بيخلى العربيه تغير السرعات على لفات محرك منخفضه جدا بين ال 2000 و 2500 لفه و ده أقتصادى جدا فى الأستهلاك لكن بيخلى عزم العربيه ضعيف جدا و هو مش كويس للقيادة على الطرق السريعه و فى حالة القياده على سرعه أكبر من 50 كم – يعنى من الأخر ده بيستخدم فى الزحمه بس – لأنه بيموت العربيه جده و بيخليها تغير سرعات كتير أوى حتى لو كنت ضاغط دواسة البنزين للأخر .
ثالثا : التجهيزات الداخليه
أول ما تخش العربيه هتلفت نظرك جدا عدادات السيارة لأنها مرقمه بطريقه مختلفه بداية من صفر و ثم 10 ثم 30 ثم 50 و هكذا لحد ما نوصل ل 230 كم / ساعة و عداد لفات المحرك مرقم بأرقام عشريه من صفر حتى 70 و لا يوجد Red Zone لكن مجربتش أجيب أكتر من 5000 لفه أبدا و مش هحاول .
يوجد عداد البنزبن و عداد الحرارة و شاشة المعلومات المفيده جدا و بيظهر فيها الوقت و التاريخ و درجة الحرارة الخارجية و عدد الكيلومترات المقطوعه بالسيارة و ممكن تعرض فيها متوسط أستهلاك السياره للوقود أو الأستهلاك اللحظي للوقود و أقصى مسافه تقطعها بالوقود الموجود .
يو جد فى السيارة مثبت سرعه لكن للأسف مجربتش أستخدمه حتى الأن لكن هو الكلام اللى فهمته من الكاتلوج أنه بيستخدم على الطرق السريعه المفتوحه فقط .
ممكن تتحكم فى أرتفاع و أنخفاض المصابيح الأماميه و يوجد أضواء ضباب أماميه و خلفية . و يوجد مساحه خلفيه للزجاج .
يوجد زرار أسمه City مرسوم عليه دركسيون يجعل الدركسيون خفيف جدا و يستخدم عند ركن السيارة فقط .
فتح الشنطه عن طريق زرار موجود فى التابلو و فتح تنك البنزين بمفتاح السيارة من الخارج ولا يوجد فتح للغطاء من الداخل .
السياره فيه مشغل أسطوانات Audio فقط للأسف لكن يمكن تشغيل أغانى mp3 بأستخدام الفلاشه عن طريق ال Blue & me .
ال Blue & me هو عبارة عن نظام تشغيل ويندوز موبيل يمكن أستخدامه فى أجراء المكالمات عن طريق سماعات السيارة و يعرض لك أسماء الاشخاص فى سجل الهاتف المحمول الخاص بك و تشغيل الأغانى عن طريق ال Media Player كما يمكنك أستخدام الأوامر الصوتية للتعامل معه أو التعامل معه عن طريق الأزرار فى الدركسيون و شاشة المعلومات و التعامل معه سهل للغاية .
و أرجوا أن لا أكون قد أطلت عليكم و أنا مستعد للأجابة عن كل أستفسارتكم ماعدا موضوع أستهلاك البنزين لأنه بيختلف من شخص لأخر و أسعار قطع الغيار و المقارنات بالسيارت الأخرى لأنى مش خبير فى المواضيع دى أبدا.
رقم العضوية : 15012
تاريخ التسجيل : 23Jul2008
المشاركات : 135
النوع : ذكر
الاقامة : Cairo
السيارة: لا يوجد
السيارة[2]: Fiat Linea t-Jet 09
دراجة بخارية: لا يوجد
الحالة :
شكرا على كم المعلومات الجامد ده
سؤال علماشى هل blue & me ده متوافر فى المانيوال و لا لا؟
رقم العضوية : 4829
تاريخ التسجيل : 24Jan2008
المشاركات : 93
النوع : ذكر
الاقامة : Egypt
السيارة: لا توجد
السيارة[2]: لا توجد
الحالة :
رقم العضوية : 17720
تاريخ التسجيل : 01Sep2008
المشاركات : 3,458
النوع : ذكر
الاقامة : Cairo
السيارة: Renault Logan 2010
السيارة[2]: Florida 2006 1.4cc
دراجة بخارية: لا
الحالة :
ربنا يباركلك فيها يا رب إن شاء الله ...
و أنا بعشق العربية دى ....
و شكرا على التقييم لأن حضرتك أول واحد يعمل تقييم للأوتو
نفسن براحتك ..
إشتم براحتك ...
إغلط و متعوزش تتحاسب ...
إتبلطج و خدها دراع و أعمل دكر ..
إحجر على الرأى التانى و إتريق على الناس ..
إنت عن جدارة عالم ثالث و متتكلمش تانى على الهجرة.
رقم العضوية : 143
تاريخ التسجيل : 24Apr2007
المشاركات : 17,378
النوع : ذكر
الاقامة : Nasr City
السيارة: Toyota Yaris 2007
السيارة[2]: Nissan Juke 2013
الحالة :
شكرا على التقرير الجميل
و الف مبروك على البونتو و ربنا يبارك لك فيها
رقم العضوية : 4829
تاريخ التسجيل : 24Jan2008
المشاركات : 93
النوع : ذكر
الاقامة : Egypt
السيارة: لا توجد
السيارة[2]: لا توجد
الحالة :
مرسي جدا و الله يبارك فيكم يا جماعة
رقم العضوية : 32617
تاريخ التسجيل : 10Feb2009
المشاركات : 383
النوع : ذكر
الاقامة : Alexandria, EGYPT
السيارة: not available
السيارة[2]: FIAT GRAND Punto 2009
الحالة :
ألف مبروك على الجراند أنا معايا أختها المانيوال و ذرار سيتي ممكن يستخدم عادي هو بيخلي الدركسيون خفيف جدا في السرعات القليلة عشان الركن أو خلافة ولكن لما السرعة تزيد يبتدي الدركسيون يتقل تدريجيا عشان الثبات مع السرعة العالية ابقى جرب الeco drive وقولنا ايه احساسك
رقم العضوية : 15012
تاريخ التسجيل : 23Jul2008
المشاركات : 135
النوع : ذكر
الاقامة : Cairo
السيارة: لا يوجد
السيارة[2]: Fiat Linea t-Jet 09
دراجة بخارية: لا يوجد
الحالة :
هل فيه اى معلومات عن التوكيل , نظامه فى الصيانة , توافر قطع الغيار ,المهندسين كويسين و لا ايه ظروفهم
و شكرا على التقييم و مبروك على العربية
رقم العضوية : 4829
تاريخ التسجيل : 24Jan2008
المشاركات : 93
النوع : ذكر
الاقامة : Egypt
السيارة: لا توجد
السيارة[2]: لا توجد
الحالة :
رقم العضوية : 4829
تاريخ التسجيل : 24Jan2008
المشاركات : 93
النوع : ذكر
الاقامة : Egypt
السيارة: لا توجد
السيارة[2]: لا توجد
الحالة :
المفضلات