مجلس الوزراء: بدء العمل بالتوقيت الشتوى بمصر الجمعة 21 أغسطس

قال الدكتور مجدى راضى المتحدث الرسمى باسم مجلس الوزراء انه تقرر بدء العمل بالتوقيت الشتوى بمصر اعتبارا من يوم الجمعة الموافق 21 أغسطس ، حيث ينتهى العمل بالتوقيت الصيفى بانتهاء يوم الخميس الموافق 20 أغسطس .
كما تقرر استمرار العمل بالتوقيت الشتوى بعد انتهاء شهر رمضان المبارك .
وكان المعهد القومى للبحوث الفلكية والجيوفيزيقية قد اكد أن يوم الجمعة الموافق 21 من أغسطس سيكون المتمم لشهر شعبان وأن غرة رمضان ستكون فلكيا يوم السبت الموافق 22 من أغسطس .
وقال إن الحسابات الفلكية التى أجراها العلماء تشير إلى إن هلال شهر رمضان للعام الهجرى 1430 لن تثبت يوم الرؤية يوم الخميس الموافق 20 أغسطس.

المصدر: وكالة انباء الشرق الاوسط، مصراوى

دايما عامل مشاكل التوقيت الشتوى اللى مالوش لازمة ده

يللا


كل سنة وانتم جميعا بخير

بصراحة حاجة ملهاش أي معني .. توقيت شتوي في أغسطس !!
يا ريت يلغوا البتاع ده .. و كل عام و إنتم بخير .

شكرا ياباشا وكل عام وانت بخير جميعا

طب ما نلغي التوقيت و الحركات دي بقى و نعيش صيفي على طول

ده الشتوي ده كئيب

هى مصر دايما كدة تحب تعمل من الحبة قبة
نفسى اعرف فايدته ايه التوقيت الشتوى دة!!!

سئوال هو التوقيت الشتوى ده موجود عند ماما امريكا

اقتباس:

---

المشاركة الأصلية كتبت بواسطة mahgary

سئوال هو التوقيت الشتوى ده موجود عند ماما امريكا

---

أيوة تغيير التوقيت من صيفي إلى شتوي موجود في أمريكا بيغيروا في شهر إبريل و في شهر أكتوبر.

كل سنة و انتم طيبين و كل محبى الحياة الليلية امثالى بخير و سعادة

يعنى كمان كام سنة نحول للتوقيت الشتوى فى شهر يونيو مثلا ، حاجة ملهاش اى معنى و ياريت يلغوها بقه

بدل ما يغيروا التوقيت ويقرفونا
يغيروا مواعيد العمل
تبقى الساعة 9 شتاء و8 صيفاً
وينتهي يوم العمل الساعة 5 شتاء و 4 صيفاً
وخلاص

اقتباس:

---

المشاركة الأصلية كتبت بواسطة askafrawy

نفسى اعرف فايدته ايه التوقيت الشتوى دة!!!

---

المفروض ان فايدة التوقيت الصيفى هى التوفير و الترشيد فى استخدام الكهرباء و الاستفادة من ضوء النهار لاطول فترة ممكنة ..... وظهرت الحاجة اليه اثناء الحرب العالمية التانية و كان اول من طبقه الالمان..... هذا هو الغرض الاصلى منه و لهذا تطبقه كثير من دول العالم و حتى التى لا يتوافر عندها ما يتوافر عندنا من سطوع شبه دائم للشمس..... لكن عندنا طبعا عدم النظام هو اللى مبوظ هذا النظام.....

اقتباس:

---

المشاركة الأصلية كتبت بواسطة mahora

المفروض ان فايدة التوقيت الصيفى هى التوفير و الترشيد فى استخدام الكهرباء و الاستفادة من ضوء النهار لاطول فترة ممكنة ..... وظهرت الحاجة اليه اثناء الحرب العالمية التانية و كان اول من طبقه الالمان..... هذا هو الغرض الاصلى منه و لهذا تطبقه كثير من دول العالم و حتى التى لا يتوافر عندها ما يتوافر عندنا من سطوع شبه دائم للشمس..... لكن عندنا طبعا عدم النظام هو اللى مبوظ هذا النظام.....

---

أنا متهايألى التوقيت ده ينفع أكتر فى البلاد الغربية اللى مابتشوفشى الشمس أصلاً .....بس نعمل ايه بقه عقدة الخواجة و التقليد الأعمى....

عالم فاضية نفسى اعرف هستفيد انا اية من التوقيت الصيفى ولا الشتوى

أحلى حاجة فى الموضوع ده إن الفطار هيتبدر ساعة !

اقتباس:

---

المشاركة الأصلية كتبت بواسطة ASKAFRAWY

هى مصر دايما كدة تحب تعمل من الحبة قبة
نفسى اعرف فايدته ايه التوقيت الشتوى دة!!!

---

:F_eyeb1[1]: عشان نعرف ان الشتا وصل...

اقتباس:

---

المشاركة الأصلية كتبت بواسطة احمدعبدالعزيز

:f_eyeb1[1]: عشان نعرف ان الشتا وصل...

---

هههه الشتا السنة دي مش هيوصل قبل مرور مش أقل من 5 شهور بالتوقيت الشتوي .
و يا تري فعلاَ اما يبقي رمضان في مايو .. هيعملوا التوقيت الشتوي في أول الصيف ؟ طب و الصيفي هيبقي إمتي في يناير ولا إيه !؟

انا متفق مع رأي دكتور أحمد سمير .

اقتباس:

---

طب ما نلغي التوقيت و الحركات دي بقى و نعيش صيفي على طول

ده الشتوي ده كئيب

---

كئيب جداً
انا حاسس انى بقيت كسلان و بردان اول ما قريت الخبر دا ..
قال توقيت شتوي في أغسطس!!

المفروض زي ما غيرو التوقيت للتوقيت الشتوي ، يغيرو شهر اغسطس ويخلوه ديسمبر :11: ، عشان يبقى الجو برد والصيام ميكنش صعب :11:

طب حد قال الخبر ده للناس اللي في مارينا ؟؟؟؟

المفروض ان التوقيت الصيفى والتوقيت الشتوى كانوا معمولين اساسا من ايام الرئيس عبدالناصر علشان زياده الانتاج فى المصانع (اللى اتباعت ببلاش ) ثم لغاه السادات ثم عاد النظام ده فجاءه فى اوائل التسعينات وبدون ابداء اى اسباب .. على مااذكر ان اول واحد اخترع موضوع التوقيتين ده كان تشرشل رئيس وزراء بريطانيا ايام الحرب العالميه الثانيه علشان يوفر الفحم والبترول للقوات المحاربه

اقتباس:

---

المشاركة الأصلية كتبت بواسطة gemino

كل سنة و انتم طيبين و كل محبى الحياة الليلية امثالى بخير و سعادة

---

حبيب قلبى :)

وانت بالصحه والسلامه

يا جماعةالاصل فى مصر هو التوقيت ( الشتوى ) يعنى ليس اسمه التوقيت الشتوى لان ده هو التوقيت الاصلى لمصر ( جرينتش + 2 )
والمستحدث هو التوقيت الصيفى اللى يبدأ اول الصيف( جرينتش + 3 ) والمفروض انه ينتهى آخر الصيف فى آخر سبتمبر
ونظرا لحلول شهر رمضان المبارك ينهى العمل بالتوقيت الشتوى بدرى شوية مع اول رمضان للعودة لاصل التوقيت
طبعا فى مصر تغيير التوقيت مالوش اى لازمة خالص لكن الحكومة مصرة عليه مش عارف ليه
خلاصة الموضوع اننا فى اول رمضان سنعود لاصل التوقيت لان فيه ناس اختلط عليها الامر ببركة حكومتنا اللى مش بتفهم الناس حاجة , يمكن علشان هى اصلا مش فاهمة

شكراَ يا أستاذ جمال انا كان نفسي أعرف فعلاَ أنهي واحد فيهم الصح و الأصلي المعمول بيه قب إفتكاسة تغيير التوقيت .

بصراحة ياريت يخلو التوقيت الشتوى ده علطول
اصل الليل فيه بيبقى طويل والواحد بيعرف يناااااااااااااااااااام براحته :majd(2): :brn::36_1_50[1]:

اقتباس:

---

المشاركة الأصلية كتبت بواسطة جمال

يا جماعةالاصل فى مصر هو التوقيت ( الشتوى ) يعنى ليس اسمه التوقيت الشتوى لان ده هو التوقيت الاصلى لمصر ( جرينتش + 2 )
والمستحدث هو التوقيت الصيفى اللى يبدأ اول الصيف( جرينتش + 3 ) والمفروض انه ينتهى آخر الصيف فى آخر سبتمبر
ونظرا لحلول شهر رمضان المبارك ينهى العمل بالتوقيت الشتوى بدرى شوية مع اول رمضان للعودة لاصل التوقيت
طبعا فى مصر تغيير التوقيت مالوش اى لازمة خالص لكن الحكومة مصرة عليه مش عارف ليه
خلاصة الموضوع اننا فى اول رمضان سنعود لاصل التوقيت لان فيه ناس اختلط عليها الامر ببركة حكومتنا اللى مش بتفهم الناس حاجة , يمكن علشان هى اصلا مش فاهمة

---

شكراً للتوضيح..
بس ياريت الصيفي كان هو الأصل .. لأن في الحقيقة التوقيت الشتوى دا بيحسسنى بالكسل و طول الليل... :U_thin1[1]: