المشاركة الأصلية كتبت بواسطة MoToRiZeR
انا من المتضررين من سواقين النقل لأني بستخدم الدائري شبه يومياَ .
بس
سائقين مصر عامة بغض النظر عن فئة السيارة (نقل - ميكروباص - ملاكي - مقطورة) سائقين متهورين و مهملين و أنانيين و بيسوقوا أكن مفيش حاجة إسمها حوادث .
و لكن المشكلة في حجم سيارات النقل .. لأنها اما بتعمل حادثة .. بتاخد بحجمها خمس ولا سبع عربيات معاها عالأقل .
يعني علي الدائري مثلاَ غير النقل .. هل الميكروباص بيمشي قانوني ؟ هل الملاكي بيمشي بالسرعات القانونية ؟
طب كل واحد يسأل نفسه :
- هل بتمشي بالسرعات القانونية داخل و خارج المدينة ؟
- هل بتتخطي السيارات بشكل صحيح و أمن ؟
- لو الطريق فاضي بتجري \ بتكسر الإشارة \ بتقلع الحزام \ بتخطف حتت عكس ولا لأ ؟
- هل بتمشي في الحارة المناسبة لحارتك ؟
- هل بتتكلم في الموبايل بسماعة أو بتقف علي جنب وقت ما يجيلك مكالمة ؟
- هل بتستخدم الإشارات بشكل صحيح ؟
لو فيه إجابات كتير ب لأ فإنت متفرقش كتير عن سواق النقل .. بس هو هيعمل كارثة كبيرة .. و إنت هتعمل كارثة صغيرة !
أكاد أجزم إن 90% من سائقي مصر (باللي بيقعد يقولك انا بسوق بقالي 79 سنة و 219 سنة) غير مؤهلين للقيادة .
و من واقع معايشتي للشارع المصري .. ملاكي .. نص نقل .. ميكروباص .. تريلا .. مقطورة .. كله نفس السائق المهمل .
الحل مش في إعدام سائقي النقل أو إنهم يمشوا بعد الساعة 12 .. الحل في تعلم قيادة السيارات .