ياترى هاتعمل أيه في الموقف ده ؟؟ (الجزء الثالث)
[align=justify:b6eafc137a]طبعا كلنا عرفنا مين هوه أحسن رأي في الجـــزء الأول و في الــــجـــزء الــثــانــي
[/align:b6eafc137a]
ودلوقتي تعالوا نشوف هانعمل أيه في الموقف بتاع الجزء الثالث
أنت مستعجل جدا
عشان متأخر على شغلك
وأنهارده بالذات في أجتماع مهم جدا ولازم تقدم فيه اوراق وشغل متأخر عليك من أسبوع وماينفعش تتأخر بأي حال من الأحوال
المهم
الطريق زحمه جدا جدا وكأن الناس كلها مستقصداك وماحدش عاوز يتحرك بسرعه وفي واحد غلس قدامك مش عاوز يديك سكه ويعديك
أنت تزمر له وهو عامل نفسه مش سامعك
أنت تيجي شمال عشان تعدي يقفل عليك
تيجي يمين عشان تعدي برضه يقفل عليك
وتقريبا كده بيرخم عليك عشان مش عاجبه كلكساتك العصبيه
يمين شمال انت مش عارف تطلع منه ومافيش فايده
فجأه ظهرلك من على يمينه خرم أبره تعدي منه حرقت على الغيار قبل ما يقفل هوه عليك وأنت داخل من على يمينه عشان تعديه قفل عليك فجأه وحكِت الجنب بتاعك وبتاعه بالكامل وبرضه عديت
ياترى هاتقف وتنزل تشوف الخساير؟
ياترى هاتجري بسرعه عشان تلحق شغلك وهاتطنش الخساير؟ ولو الراجل جري وراك ياترى هاتهرب منه وللا هاتقف وتواجه الموقف ؟
ياترى من وجهة نظرك أنك غلطان عشان بتعدي من على يمين الراجل مخالفا القاعده المروريه للتخطي ؟ وللا مش غلطان عشان هوه إللي قفل عليك ؟
قولنا أنت موقفك هايبقى عامل أيه ؟ وياترى هاتتصرف أزاي ؟
