بعد حيرة ربنا وفقنى لنيو اكسنت ومحتاجة مساعدتكم

السلام عليكم
بداية انا اسمى نجلاء ، وبشتغل مهندسة معمارية أنضميت للمنتدى هنا من شهر مايو تقريبا وحقيقى بجد أنا سعيدة جدا بالمنتدى دة.

انا بقالى فترة طويلة جدا محتارة فى موضوع اختيار العربية اللى هجيبها ، والحمد لله ربنا جعل للمنتدى دة أثر كبير جدا فى قرارى لان الناس هنا محترمة اوى وكل واحد بيقول النصائح والتجارب اللى عنده وانا طول الوقت كنت بقرا المواضيع دى وساعدتنى فى أخذ القرار دة ، بس لسة محتاجة منكم مساعدة فى شوية حاجات :

أولا :انا هستلم ان شاء الله فى حدود من 20 يوم لشهر من التوكيل ومحتاجة اعرف اية اللى هستلمه مع العربية بالظبط .

ثانيا : انا اخترت اللون الفيرانى وفى نفس الوقت محتارة فى السماوى ومش عارفة احسم وهما فى التوكيل ادونى فرصة للتغير لحد يوم 16 /8 ممكن تقولولى رأيكم جايز فى لون ليه مزايا مثلا عن التانى

ثالثا: انا تبع مرور السلام ربنا يحفظنا على ما اسمع صعب اوى ممكن بس اى حد تبعه يدينى تجربته

رابعا : ودة الاهم ادعولى بجد ربنا يسترها عليا وعلى العربية لان انا لسة يا دوب متعلمة السواقة ورغم ان السعر كتير عليا الا انى قررت اشترى زيرو عشان ابعد عن بهدلة المستعمل ومشاكله .

هقدر مساعدتكم جدا وميرسى مقدما

:s1[1]:

الف مبروك مقدما وان شاء الله تستلمى على خير واللون الفرانى فى النيو اكسينت تحفة بس محتاج شوية رعاية ونظافة اكتر من اللون السماوى
وربنا يديكى خيرها ويكفيكى شرها

الف مبروك مقدما على العربية ربنا يباركلك فيها ويكفيكى شرها
اللون الفيرانى تحفة الصراحة انا حاجز نيو اكسنت فيرانى بردة من اكتر من شهر ونصف ولسة مستلمتهاش ادعولى استلمها علشان زهقت وعلى فكرة انا لسة بردة متعلم السواقة جديد ومحبتش اشترى مستعمل علشان مش عاوز مشاكل فى العربية
اول لما استلمها انشاء الله هقول لحضرتك اية الحاجات الى هتستلميها مع العربية انشاء الله

ألف مبروك يا نجلاء
وطبعا اللون الفيرانى احلى بكتييييير
السماوى ده وحش اوى
المفروض تستلمى مع العربيه اريال الراديو و الولاعه و طفلية السجاير اللى هى عباره عن كوب و طبعا نسختين مفتاح بالريموت
وعلى فكره العربيه دى حلوه اوى و بتجرى جامد و التكييف بتاعها هايل غير انها كمان شكلها امووور جدا
وطبعا هتاخدى كوريك و استبن ومانيوال
قوليلى انتى هتشتريها منين عشان افيدك اكتر؟
على فكره انا معايا نيو اكسنت فيرانى 2009 معايا من 3 شهور و لو عايزه تسألى على اى حاجه فيها قوليلى
وربنا يبارك لك فيها انشاء الله يا نجلاء

اسف للغلطه ( طفاية السجاير )

الف مبرووووك مقدما ، الفيرانى فى النيو اكسنت جامد جداااااااا

الف مبروك يا بشمهندسه وربنا يبركليك فيها و يكفيكي شرها

افيراني في النيو اكسنت حلو اوي بجد انا قعدت شهرين مستني الون الفيراني او النبيتي و مردتش اخود السماوي ده لونها كانت موجوده طول الشهرين الي انا مستنيهم
وزي ما قال رنجو فعلاً هو الفيراني تحفه بس اقل تراب بيبان فيه محتاج رعايه فعلا و نظافه علاطول بس لو انتي بتنزلي مواقع و كده يبقي هاتي لون فاتح ده حسب ظروف شغلك اصلي مهندس معماري و حاسيس بيكي ربنا يكون في عونا :ask:
انا جايب الفيراني علي فكره بس انا شغلي مفهوش مواقع

علشان كده ممكن السيلفر بس عيبه انو منتشر او لو عايزه الفيرني خالي بقي الفوطه في جيبك :36_1_1[1]:

بالنسبه للمرور انا كنت مرور الاميريه و ده كان سهل و ناس محترمه
بس علشان تخلسي نفسك خدي حد من التوكيل او المعرض خديه معاكي المرور و هما بيخلصوا امورهوم في المرور من غير ما تتعبي انتي نفسك


بالنسبه للحاجات الي هتستليميها هي فعلا زي ما الاخ تيتو قال اريال الراديو و الولاعه و طفايه السجاير اللى هى عباره عن كوب و طبعا نسختين مفتاح بالريموت و طبعا الاستبن و مفتاح الكوريك و القنطره بتاعه القطر

و اهم حاجه ورق الضمان و المصيبه بقي الكبري هي في وصله ال يو اس بي بتاعه الكاسيت علشان مش موجوده في السوق و فيه ناس كتير مش بتاخدها

ا بس اهم من ده كله تشوفي شركه تأمين محترمه تتعملي معاها

وربنا يبركليك فيها و يكفيكي شره

مبروك مقدما انا كمان هستلم ان شاء الله الأسبوع القادم بس انا اخترتها فضى عشان التراب
وربنا يسترها معانا ويكفينا شرها ويعطينا خيرها
بس كان لى سؤال هى بتترخص بكام
ياريت حد من اللى معاه العربية يفيدنا

مبروك لكل اللى استلم وليكى يا نجلاء على الاستلام ويكون فى ميعاده ان شاء الله وماتنسيش وصلة اليو اس بى
واللون الفيرانى رائع بجد توكلى عالله واى عربية محتاجة رعاية ونظافة على طول عشان تفضل جديدة

بص يا استاذ هداباوي تقريبا الترخيص كله علي بعضوا عمل 800 جنيه تقريباً بس ده سنه واحده وده شامل الترخيص و التامين الاجباري في المرور و تمن الطفايه وطبعاً شنطه الاسعافات و المثلث طبعا هتقولي المفرض الاسعافات و المثلث مجانا هقولك انسي يا عمرررررر يبقي انت اكيد في مصر.....:36_1_1[1]: علشان هيقولولك معنديناش النهاره و هيقلولك تعالي في اي وقت تاني استلمهم بس ايه الي يضمنك انك لما تروح هتلاقيهم اصلاً؟؟ إلا بقي لو المرور جنب بيتك و تروح تصبح عليهم كل يوم و تسألهم علي المثلث و علبه الاسعافات و تمشي :36_1_1[1]:
بس انا اشترتهم علي حسابي و خلاص

لو عايز تعملوا تلات سنين و تخلص هتزود تقريبا 350 جنيه و اضرب في 3 و كمان 80 جنيه تامين و اضرب برضه في 3 سنين
يعني بالمختصر لو 3 سنوات هتضيف علي ال 800 جنيه 860 جنيه يعني من الاخر سنه ب 800 و لو تالات سنين 1660 جوندييي

وربنا يصبرنا:ask:

تشكر يا غالى على المعلومات دى
وفعلا احنا اكيد فى مصر

بالنسبة لمرور السلام اسمع عنه كلام سئ فى ف المنتدى منتدى ساحة المرور والتأمين هيفيدك

اللون الفيرانى جبار وفى الاخضر شوفته مرة رهيب اخضر كده بيلمع بالليل مع اللون البيج اللى ف الصالون واااو
ومتنسيش الوصلة بتاعة الكاسيت تاخديها والارقام تكون متطابقة مع الورق وتروحى المرور بدرى عشان هتستنى العربية تبرد وياخدو بصمة الشاسيه وربنا يباركلك فيها اختيار موفق جدا

شكرا لردودكم يا جماعة ، واسفة على التأخير فى الرد لانى كنت مسافرة ولسة راجعة ، وربنا يجازيكم خير على كل اراءكم ودعواتكم .

اقتباس:

---

المشاركة الأصلية كتبت بواسطة tito81

ألف مبروك يا نجلاء
وطبعا اللون الفيرانى احلى بكتييييير
السماوى ده وحش اوى
المفروض تستلمى مع العربيه اريال الراديو و الولاعه و طفلية السجاير اللى هى عباره عن كوب و طبعا نسختين مفتاح بالريموت
وعلى فكره العربيه دى حلوه اوى و بتجرى جامد و التكييف بتاعها هايل غير انها كمان شكلها امووور جدا
وطبعا هتاخدى كوريك و استبن ومانيوال
قوليلى انتى هتشتريها منين عشان افيدك اكتر؟
على فكره انا معايا نيو اكسنت فيرانى 2009 معايا من 3 شهور و لو عايزه تسألى على اى حاجه فيها قوليلى
وربنا يبارك لك فيها انشاء الله يا نجلاء

---

شكرا ليك وان شاء الله هجيبها من توكيل غبور اللى فى عمارات العبور

اقتباس:

---

المشاركة الأصلية كتبت بواسطة omarmakeen

الف مبروك مقدما على العربية ربنا يباركلك فيها ويكفيكى شرها
اللون الفيرانى تحفة الصراحة انا حاجز نيو اكسنت فيرانى بردة من اكتر من شهر ونصف ولسة مستلمتهاش ادعولى استلمها علشان زهقت وعلى فكرة انا لسة بردة متعلم السواقة جديد ومحبتش اشترى مستعمل علشان مش عاوز مشاكل فى العربية
اول لما استلمها انشاء الله هقول لحضرتك اية الحاجات الى هتستلميها مع العربية انشاء الله

---

متشكرة جدا ربنا يخليك والف مبروك ليك وربنا يباركلك فيها يارب ويكفيك شرها ، ويا رب تستلمها بسرعة وتتحل عقدتها .

اقتباس:

---

المشاركة الأصلية كتبت بواسطة gbeshay

الف مبروك يا بشمهندسه وربنا يبركليك فيها و يكفيكي شرها

افيراني في النيو اكسنت حلو اوي بجد انا قعدت شهرين مستني الون الفيراني او النبيتي و مردتش اخود السماوي ده لونها كانت موجوده طول الشهرين الي انا مستنيهم
وزي ما قال رنجو فعلاً هو الفيراني تحفه بس اقل تراب بيبان فيه محتاج رعايه فعلا و نظافه علاطول بس لو انتي بتنزلي مواقع و كده يبقي هاتي لون فاتح ده حسب ظروف شغلك اصلي مهندس معماري و حاسيس بيكي ربنا يكون في عونا :ask:
انا جايب الفيراني علي فكره بس انا شغلي مفهوش مواقع

علشان كده ممكن السيلفر بس عيبه انو منتشر او لو عايزه الفيرني خالي بقي الفوطه في جيبك :36_1_1[1]:

بالنسبه للمرور انا كنت مرور الاميريه و ده كان سهل و ناس محترمه
بس علشان تخلسي نفسك خدي حد من التوكيل او المعرض خديه معاكي المرور و هما بيخلصوا امورهوم في المرور من غير ما تتعبي انتي نفسك


بالنسبه للحاجات الي هتستليميها هي فعلا زي ما الاخ تيتو قال اريال الراديو و الولاعه و طفايه السجاير اللى هى عباره عن كوب و طبعا نسختين مفتاح بالريموت و طبعا الاستبن و مفتاح الكوريك و القنطره بتاعه القطر

و اهم حاجه ورق الضمان و المصيبه بقي الكبري هي في وصله ال يو اس بي بتاعه الكاسيت علشان مش موجوده في السوق و فيه ناس كتير مش بتاخدها

ا بس اهم من ده كله تشوفي شركه تأمين محترمه تتعملي معاها

وربنا يبركليك فيها و يكفيكي شره

---

حضرتك زميل يعنى اهلا اهلا والله يبارك فيك ، عموما انا مش موقع انا فى مكتب استشارى ولو انها مش فارقة اوى كل شوارع القاهرة تراب ،
بالنسبة لموضوع انى اخد حد من التوكيل دة ، ليا بس سؤال هل الموضوع فيه هو هل الموضوع هيمشى بدون دفع رشوة او كدة لانى بخاف من الحاجات دى جداااااااا .

الف مبروك مقدما علي فكرة انا لسة مستلمها من شهر 2010 سماوي واللون فيها خطير ودي مسالة ازواق بس السماوي مناسب جدا مع شوارعنا المحترمة

اهلا بيكي يا نوجا و ربنا معاكي
الموضوع كله انهم بيبقو فهمين ترتيب الاجرأت و كده وهما عارفين مين هيعمل ايه بدل ما كل مكتب يقوليك لا المكتب الي جنبينا زي ما بيحصل و روحي هاتي دمغه الهلال الاحمر و حاجات غريبه لاكن لو حد فاهم هيوفر عليكي كل ده انتي يا دوبك هتروحي تمضي و انتي بتسلمي الرخصه

يعني هتوفري مروريك علي كل المكاتب و حكومه بقي و روتين

اهه نسيت اقوليك فيه فلوس انتي بتدفعيها علي سبيل الاكراميه يعني مش رشوهههه :10d5c8~1107: ولا حاجه :,:



يعني الي بياخد بصمه الموتور و المهندس الي هيمضي والموضوع ده بقي عادي جدا في اي مصلحه حكوميه و مباش غلط ولا يخويف ده بقي زي ما بتقولي صباح الخيرر
يبقي انت أكيد في مصر

اه صحيح نسي اقوليك فيه كمان الي هيركبليك النمر الجديده إن شاء الله هيخدلو ١٠ جنيه كده لوينه ابن الذينا بيدب الشانيور في العربيه علشان المسامير انا ساعيتها كنت عايز اطب في كرشه مش اديلو فلوس جاميدي قلبيك ساعتها بس :satelite:

الف مبروك
بحمداللة قمت بترخيص النيو اكسنت 2010
بحوالى 1065 جنية
دة طبعا الضريبة والتامين الاجبارى والطفاية والنمر وتفخدها والورق والاورنيك
لمدة ثلاث سنوات فى مرور الغربية
بتاخد المبايعة وشهادة البيانات وتروح بيها على المرور
تاخد اورنيك فحص وبعدين تفحص وبعدين ترجع تدفع التامين الاجبارى وتاخد ورق تانى
عشان تدفع الضريبة 709 جنية وتاخد ورق النمر وتروح للظابط ياخد البطاقة ويديك النمر تروح تفخدها ويخدو البصمة بتاعة النمر ويمضى عليه الضابط التانى اللى فى الفحص وترجع تانى تبادل البطاقة والنمر وبعدين تستنة تاخد الرخصة لما ينادو على اسمك ولماتاخد النمراللى بتستلما بالرخصة ان شاء اللة تخدها وتركبها وممكن انت تركبها لوعندك شنيور المهم ان شاء اللة ربنا يديك خيرها ويكفيك شرها
وميخلاش الامر من شوية خمسات
5 للى بياخد نمر الشاسية والمتور
5 اللى بيفخد
5 لاى حد يصبح عليك
وفى الاخر الف مبروك

اولاً مبروك عليكي يا قمر .. و ربنا يديكي خيرها و يكفيكي شرها يا رب :ask:

بالنسبة للون .. انا معايا فيراني و تحفة فيها ما شاء الله .. و السماوي فيها برضة بناتي و حلو اوي

و حسب مانت قولتي انك مهندسة.. يعني مواقع و كدة ,, فلو هتدبهدل منك يبقى بنصحك بالسماوي..

التراخيص .. الناس فوق قالت كل حاجة :)

ارجو توضيح نقطة مهمة ممكن ؟؟؟
انا ملاحظ ان فيه ناس بتستلم بعد شهر وأكتر !!!!!
ممكن اعرف ليه ؟؟؟؟؟؟
انا من اسكندرية وسألت في توكيل اباظة بجليم قالوللي ان الإستلام بيكون بعد يومين او 3 بالكتير ممكن نستوضح النقطة دي ارجوكم ؟؟؟؟

اللى بيستلم من التوكيل بالسعر الرسمى بيضطر يستنى لحد ما التوكيل تنزله شحنة جديدة وخصوصا العربيات اللى عليها طلب (السيراتو والكارينز واللوجان اقرب مثال)
والطبيعى ان الوكيل اول الشحنة ما توصل بيوزع معظمها على الموزعين الرئيسيين فى السوق علشان السيولة وفى النفس الوقت يحافظ على شكل العربية انها عليها الطلب ومش مرطرطة
انما لو رحت لاى موزع ممكن تستلم وانت واقف طالما هتدفع اوفر.
:049:
لاحظ: السنة اللى فاتت كانت كبيسة على معظم التجار وكان البيع بسعر الوكيل وساعات اقل وخصوصا بعد السيراتو واللوجان ما سحبو معظم الطلب فى السوق بس السنة دى واضح انها حاجة تانية خالص.

انا استلمت بعد الحجز باسبوعين