تحديد مواعيد لسير النقل على القاهره الاسكندريه

**electrondevil** · 12-08-2009 10:22 AM

بما إني بشتغل (للأسف) في القريه الغبيه ... قصدي الذكيه
وساكن (للأسف الأسيف) في أول شارع الهرم (ترعة الزمر)
ده معناه إني كل يوم لازم آخد حقنة شارع الهرم وحقنة طريق مصر إسكندريه الصحراوي
شارع الهرم مشكلته في المكروباصات ودي مالهاش حل معروف على كوكب الأرض
إنما مشكلة طريق مصر إسكندريه ممكن حلها بإن الديناصورات يبقى ليها مواعيد محدده تمشي فيها براحتها وعلى أقل من مهلها
لما يبقى الطريق حارتين وفيه مقطوره مؤدبه وماشيه على اليمين على سرعة 5كم/س تيجي مقطوره تانيه تكون محمله نص حموله فتلاقيها ماشيه على 5.5كم/س تلاقيها راحت راميه شمال عشان تعدي المقطوره الأولانيه وحلني بقى نص ساعه ياإما يعدي منه ياإما الطريق يوسع فجأه أيهما أقرب

**A.Saad** · 12-08-2009 10:57 AM

انا هتنقل للقرية قريب ان شاء الله
فيه سواق فى الشركة قاللى على طريق تانى
بس لسه مجربتوش
من اخر الهرم بعد تقاطعة مع فيصل احنا بندخل شمال علشان ناخد الصحراوى
هوة قاللى ما تاخدش شمال وتكمل على طول هتلاقىقرية اسمها الصليبة وهناك نقطة شرطة
تدخل شمال هناك
هتلاقى نفسك دخلت اخر القرية

بالمناسبة انت فى مبنى ايه

على فكرة وانت راجع نفس الطريق ينزلك المنصورية
ربنا يعننا

**Samir Elshahawy** · 15-08-2009 06:58 PM

علي أعتبار أن طريق القاهرة / الاسكندرية طريق سياحي فمن الممكن ان يتم السماح لسيارات النقل الثقيل بالمرور عليه من بعد الساعة السادسة صباحا و حتي السادسة مساء مثل طرق (السخنة / الزعفرانة) , (جنوب سيناء و شرم الشيخ) علي أن يكون ذلك بشكل مؤقت الي أن يتم تخصيص طريق أخر موازي لسيارات النقل فقط

**zyadahmed** · 18-08-2009 10:04 PM

اعتقد النقل المفروض يمشى من 10 مساءا الى 6 صباحا ليترك النهار بطوله للى رايح شغله او رايح مشوار لان الكثافة النهارية اكبر وبالليل ربنا يكون فى عون المسافر من النقل

**zalpany2000** · 21-08-2009 01:43 AM

اخي الكريم شيطان الالكترونيات

انت ليه زعلان من اصدقائي الديناصورات

دول ألذ حاجه في الطريق.. ليه بقي.. كل السواقين مونونين ... و بعدين لو لا قدر الله حصلت حادثة ليا معاهم .. مش هاشيل هم تصليح و لا نيلة ولا حتي علاج .. خلاص ان شاء الله الجنة علي طوول .... دول حاجه ظريفة جدا جدا