ظابط مرور راكن علي الشمال - عايزين ايه تاني

السلام عليكم
الصورة دي صورتها بنفسي وشفت الموقف بعيني
العربية لانوس جولييت (كلها فاميه)
صاحبها ظابط مرور
المكان زهراء مدينة نصر امام كلية الشرطة وانت جاي من التجمع الاول وداخل الصينية بتاعة الزهراء
التوقيت: 4/8/2009 الساعة 5:30 مساءا
الموقف:
الظابط اعتقد انها نبطشيته وفيه ظابط زميله كان واقف قبله بس ده راكن عربيته الناحية التانية وبردو فاميه ولكن راكنها علي اليمين (احسن حالا)
الظابط ركن العربية علي اليسار عند مخرج التجمع الاول وقفلها وكله تمام ووقف قدامها في خدمته
اصلا الشارع 3 حارات بيعدي عربيتين مستريح (ده في حالة مفيش حد راكن علي الشمال)

اليكم الصورة:
http://img403.imageshack.us/img403/410/04082009j.jpg

بس هو اشتغل بصراحة
كان فيه عربية نص نقل بعد شوية الناحية التانية وقفت علي الشمال وعملت جلبة جامدة وراها وكلاكسات وكده وهو شافها
فراح وراها ووقف عسكري قدامها وطلب منه الرخص وبعد كده مكملتش بقي مشيت

لا تعليق

هى العربيه اللى وره الجولييت دى مرفوعه او متكلبشه ولا انا بيتهيألى؟؟

لا ده مطب صناعي

طيب كان كلبش عربيته وسحب منه الرخص عشان مايقفش كده تانى
حسبى الله ونعم الوكيل ماكان يفضل قاعد جواها ويشتغل وهو قاعد احسن

بلد ملهاش كبير اذا كان هو بيعمل كدة امال احنا نعمل ايه

ناس حراميه ومش بتطبق القانون على نفسها المفروض احنا نعمل ايه؟

على فكرة مرة ظابط برضه وقف عالشمال كدا عشان ينزل يسلم على واحد صاحبه ... و بالأحضان .. و الناس كلها هتفرقع منه عشان وقف الطريق

و انا عن نفسي معدتش متوقع منهم غير كدا (99% منهم سلوكهم كدا و لا يصلحوا لخدمة المجتمع)

ايه الجديد مهو ده الطبيعى يعنى الظباط المحترمه بجد كانت موجوده الى سنه 1990 كده بعد كده كل الى خارج بايظ فى بيايظ
وهو ده الطبيعى تعرف ان فيه ظباط بتاخد من الناس مشتريات ومش بيدفعو ليهم حاجه وبعدين الموضوع مش موضوع حراميه او غيره الموضوع وما فيه انه شخص صاحب سلوكيات ضعيفه وشايف انه مش قادر يدافع عن نفسه غير بالبدله بتعته وان هو احسن من الناس على شان هو الى بيحاسب الناس بس لما بيجى ليه مره وكيل نيابه ولا قاضى ولا حتى حد من السلك التجارى او الدبلوماسى بيخليه يشد فى شعره

والمصيه فى الناس ان كل واحد فينا بيشوف الغلط ومش بيتكلم

اقتباس:

---

المشاركة الأصلية كتبت بواسطة Bob2009

ايه الجديد مهو ده الطبيعى يعنى الظباط المحترمه بجد كانت موجوده الى سنه 1990 كده بعد كده كل الى خارج بايظ فى بيايظ
وهو ده الطبيعى تعرف ان فيه ظباط بتاخد من الناس مشتريات ومش بيدفعو ليهم حاجه وبعدين الموضوع مش موضوع حراميه او غيره الموضوع وما فيه انه شخص صاحب سلوكيات ضعيفه وشايف انه مش قادر يدافع عن نفسه غير بالبدله بتعته وان هو احسن من الناس على شان هو الى بيحاسب الناس بس لما بيجى ليه مره وكيل نيابه ولا قاضى ولا حتى حد من السلك التجارى او الدبلوماسى بيخليه يشد فى شعره

والمصيه فى الناس ان كل واحد فينا بيشوف الغلط ومش بيتكلم

---

كلامك 100 100
بس هنتكلم نقول ايه
هروح اقوله رخصك يا بيه انت واقف كده ازاي
ولا هسيب شغلي ومصالحي واروح ابلغ عنه
وهل ينفع اصلا ابلغ عنه
وحتي لو بلغت عنه حد هيعمله حاجة
المفروض البشوات الكبار اللي بيحطوا القوانين يحطوا مراقبين علي تنفيذ القوانين علي الناس وعلي منفذين القانون نفسهم

يعني مادام فيه قانون يحفظ النظام لازم يكون فيه قانون يحمي اللي بيطبق عليهم النظام ويراقب مطبقي القانون انهم هم كمان يكونوا مطبقين للقانون.....................! :U_thin1[1]::mahf(5):

ازاي واحد واقف صف تاني ومفيم عربيته يقف ويحاسب الناس اللي عاملين زيه ؟!؟!؟!؟!؟!؟
طب بلاش انسانياً !!! دينياً ؟؟

لابد من تطبيق نظام كاميرات مراقبه فى كل شوارع مصر ... هو ده اللى هايخلى الناس كلها تلتزم

اقتباس:

---

المشاركة الأصلية كتبت بواسطة swimmer25

كلامك 100 100
بس هنتكلم نقول ايه
هروح اقوله رخصك يا بيه انت واقف كده ازاي
ولا هسيب شغلي ومصالحي واروح ابلغ عنه
وهل ينفع اصلا ابلغ عنه
وحتي لو بلغت عنه حد هيعمله حاجة
المفروض البشوات الكبار اللي بيحطوا القوانين يحطوا مراقبين علي تنفيذ القوانين علي الناس وعلي منفذين القانون نفسهم

يعني مادام فيه قانون يحفظ النظام لازم يكون فيه قانون يحمي اللي بيطبق عليهم النظام ويراقب مطبقي القانون انهم هم كمان يكونوا مطبقين للقانون.....................! :U_thin1[1]::mahf(5):

---

عندك حق
بس انا هقول لحضرتك على حاجه واحده بس انا اولا مدنى وانسان عادى جدا ومره بهدلت نقيب شرطه مرور

الموضوع بسيط جدا لا هو محتاج وقت ولا حاجه ممكن حضرتك تصور صوره توضيحيه للموقف وتكتب كام كلمه محترمين وتبعت بيهم شكوى فى موقع الخدمات الحكوميه ومفيش فيها اى بهدله والله انا مجرب

بعد ما هتبعت الشكوى بى 3 ايام الى اسبوع هتلاقى تليفون البيت بتاع حضرتك بيرن والى بيكلمك مامور القسم الى حضرتك تابع ليه وبيطلب منك تقابله لمده 5 دقائق وممكن تحدد انت معاه ميعاد تانى فى اى وقت للتحقيق فى الموضوع واخذ اقوالك

وصدقنى هتروح وهتدخل مكتب المامور وبكل ادب واحترام هيعملك حتى لو من تحت ضرسه على شان الشكوى بتكون من مكتب الوزير نفسه وهو مطالب بالتحقيق فى الموضوع لدرجه انى لما رحت الظباط الى هناك كانو فكرين ان انا حد قريبه من كتر المعامله المحترمه والشاى والبيبسى واكنك اعد عند واحد صحبك وهى 5 دقائق وصدقنى لو الصوره واضحه وكل حاجه تمام واهم حاجه المكان والميعاد الى كان الظابط ده واقف فيه فى اللجنه مش مهم الاسم هما هيجيبوه من تحت الارض حتى وفى الاخر الظابط الى انا عامل فيه الشكوى كان نازل اسف على شان اتنازل عن الشكوى بس كل ده على شان سحب الرخصه من غير حق ومن غير ما اعمل حاجه فما بالك فى الى حضرتك بتقول عليه ده الموضوع بسيط وصدقنى ضابط الشرطه والجيش اضعف ما يكون مجرد شكوى ممكن تنقله على شان كل ده بيكون فى الملف الخاص بيه وممكن كمان الترقيات بتاعته تتعطل بسبب الشكوى دى بس

اهم حاجه ان احنا نتكلم مش اكتر

وده الموقع بس الصوره الى مع حضرتك اصلا مش واضحه لازم الموقف يكون واضح 100%

www.egypt.gov.eg

ياسيدى الفاضل حضرتك واحنا ملناش نعلق على تصرفات الشرطه لانها بلدهم واحنا ضيوف رخمه عليهم
مره كنت واقف اشاره فى المهندسين وجنبى عربيه فميه كلها وانا حاطط شريط على جنب العربيه جه ظابط طلب الرخص مننا احنا الاتنين
العربيه الفميه طلع طالب فى كليه الشرطه فضحك معاه ومشاه
وانا عاوز يسحب رخصتى علشان فى ملصقات بصيت له وقلتله انت مصدق اللى بتقوله ولا انت حاسس انى انا الضعيف فجاى تاخد رخصتى
تحب اتصل بمعرفه علشان امشى ولا تسحبها واتصل بمعرفه تانيه يبعتهالهى على البيت
من غير ولا كلمه ادانى الرخص ومشيت وانا بلعن البلد اللى فيها القانون على الضعفاء بس

لو أنا منك كنت وقفت وراه و فضلت معلق أيدي علي الكلاكس علشان ييجي و يشيلها

اقتباس:

---

المشاركة الأصلية كتبت بواسطة bob2009

عندك حق
بس انا هقول لحضرتك على حاجه واحده بس انا اولا مدنى وانسان عادى جدا ومره بهدلت نقيب شرطه مرور

الموضوع بسيط جدا لا هو محتاج وقت ولا حاجه ممكن حضرتك تصور صوره توضيحيه للموقف وتكتب كام كلمه محترمين وتبعت بيهم شكوى فى موقع الخدمات الحكوميه ومفيش فيها اى بهدله والله انا مجرب

بعد ما هتبعت الشكوى بى 3 ايام الى اسبوع هتلاقى تليفون البيت بتاع حضرتك بيرن والى بيكلمك مامور القسم الى حضرتك تابع ليه وبيطلب منك تقابله لمده 5 دقائق وممكن تحدد انت معاه ميعاد تانى فى اى وقت للتحقيق فى الموضوع واخذ اقوالك

وصدقنى هتروح وهتدخل مكتب المامور وبكل ادب واحترام هيعملك حتى لو من تحت ضرسه على شان الشكوى بتكون من مكتب الوزير نفسه وهو مطالب بالتحقيق فى الموضوع لدرجه انى لما رحت الظباط الى هناك كانو فكرين ان انا حد قريبه من كتر المعامله المحترمه والشاى والبيبسى واكنك اعد عند واحد صحبك وهى 5 دقائق وصدقنى لو الصوره واضحه وكل حاجه تمام واهم حاجه المكان والميعاد الى كان الظابط ده واقف فيه فى اللجنه مش مهم الاسم هما هيجيبوه من تحت الارض حتى وفى الاخر الظابط الى انا عامل فيه الشكوى كان نازل اسف على شان اتنازل عن الشكوى بس كل ده على شان سحب الرخصه من غير حق ومن غير ما اعمل حاجه فما بالك فى الى حضرتك بتقول عليه ده الموضوع بسيط وصدقنى ضابط الشرطه والجيش اضعف ما يكون مجرد شكوى ممكن تنقله على شان كل ده بيكون فى الملف الخاص بيه وممكن كمان الترقيات بتاعته تتعطل بسبب الشكوى دى بس

اهم حاجه ان احنا نتكلم مش اكتر

وده الموقع بس الصوره الى مع حضرتك اصلا مش واضحه لازم الموقف يكون واضح 100%

www.egypt.gov.eg

---

كلامك جميل بس فيه مشكلة واحدة بس
ازاي هجيب صورة تفصيلية يكون واضح فيها كل حاجة وده بيحصل قدامك صدفة يعني غالبا معكش غير كاميرة الموبايل وعشان تقول ان صاحبها ظابط يبقي لازم تصورو جواها يعني غالبا هتكون ماشية يعني الصورة عمرها مهتتطلع واضحة
ولو عندك طريقة أضمن بيها وضوح الصورة يا ريت تقولها لأن في حاجات كتير بقت محتاجة صورة وشكاوي

اقتباس:

---

المشاركة الأصلية كتبت بواسطة mohd2

كلامك جميل بس فيه مشكلة واحدة بس
ازاي هجيب صورة تفصيلية يكون واضح فيها كل حاجة وده بيحصل قدامك صدفة يعني غالبا معكش غير كاميرة الموبايل وعشان تقول ان صاحبها ظابط يبقي لازم تصورو جواها يعني غالبا هتكون ماشية يعني الصورة عمرها مهتتطلع واضحة
ولو عندك طريقة أضمن بيها وضوح الصورة يا ريت تقولها لأن في حاجات كتير بقت محتاجة صورة وشكاوي

---

بص ياباشا انا اقصد ان الصوره يكون واضح فيها التالى بالنسبه للموضوع ده
1- رقم السياره ومعالم السياره من المخالفات الى فيها.
2-لو عاوز تصور صوره متحركه فى كل موبايل موجود فيه وضع صوره متحركه وفى بعض الموبايلات بيكون وضع صوره رياضيه وهتظهر الصوره حتى لو مش واضحه اوى مش مهم الاهم الملامح الرقم والحاجات دى.

---------------------------------------------------

واخيرا المفروض انه الهدف يكون ثابت يعنى اى حاجه انت هتتعرض ليها اكيد الهدف ثابت مش متحرك يعنى انت فى لجنه فيها تجاوز او غيره فيه تصوير فيديو مش لازم صوره ثابته

انا مثلا كل الى عملته انى اخدت 4 صوره للعربيه والمكان وشكل الموقف كله يعنى انا واقف فين وازاى ومكان اللجنه وكل الكلام ده الى هى التفاصيل المهمه وبس كده

اما انا لو فى موقف فيه حركه فيه فيديو ممكن استخدمه فى التجاوز والاشياء دى وبعدين انا ربنا رزقنى بظابط غبى اعد يقولى صور زى ما انت عاوز والى عندك اعمله قولتله اوك والحمد لله جه زى القطه هيعيط ولما وصلته للحاله دى اتنازلت عن الشكوى اهو رد اعتبار وخلاص انا مش هيهمنى هو يتنقل ولا يترقى الاهم اعتبارى انى

اقتباس:

---

المشاركة الأصلية كتبت بواسطة bob2009

بص ياباشا انا اقصد ان الصوره يكون واضح فيها التالى بالنسبه للموضوع ده
1- رقم السياره ومعالم السياره من المخالفات الى فيها.
2-لو عاوز تصور صوره متحركه فى كل موبايل موجود فيه وضع صوره متحركه وفى بعض الموبايلات بيكون وضع صوره رياضيه وهتظهر الصوره حتى لو مش واضحه اوى مش مهم الاهم الملامح الرقم والحاجات دى.

---------------------------------------------------

واخيرا المفروض انه الهدف يكون ثابت يعنى اى حاجه انت هتتعرض ليها اكيد الهدف ثابت مش متحرك يعنى انت فى لجنه فيها تجاوز او غيره فيه تصوير فيديو مش لازم صوره ثابته

انا مثلا كل الى عملته انى اخدت 4 صوره للعربيه والمكان وشكل الموقف كله يعنى انا واقف فين وازاى ومكان اللجنه وكل الكلام ده الى هى التفاصيل المهمه وبس كده

اما انا لو فى موقف فيه حركه فيه فيديو ممكن استخدمه فى التجاوز والاشياء دى وبعدين انا ربنا رزقنى بظابط غبى اعد يقولى صور زى ما انت عاوز والى عندك اعمله قولتله اوك والحمد لله جه زى القطه هيعيط ولما وصلته للحاله دى اتنازلت عن الشكوى اهو رد اعتبار وخلاص انا مش هيهمنى هو يتنقل ولا يترقى الاهم اعتبارى انى

---

تم وقفك اسبوع لتفوهك بالفاظ لا تتفق مع اي مجتمع
اساسه الاحترام
برجاء مراجعه قواعد وقوانين المنتدي (بعد عودتك )
مشرف عام ا

[quote=samcar;3871927970[color=red]].................................................. ..............................[/[/color]quote]

بص ياباشا القانون على الصغير والكبير الناس دى عندها مجلس تاديب مش هقول ليك ايه الى بيحصل فيه وممكن حضرتك تعرف من اى ظابط معرفه لسيادتك.

المامور غصب عنه لازم يكون محترم وحتى الظابط لو كان مسنود على شان الشكوى بتكون عنده من مكتب الوزير نفسه وهو الى مطالب بالتحقيق من الوزير نفسه يعنى مينفعش فيها اى كوسه على شان برده فى الاخر انا الى بوقع على اقوالى والمفروض انى اقراء قبل التوقيع واى حاجه غلط بيكون الموضوع بسيط شكوى تانى مرفق معاها رقم القديمه واقول ان المامور عمل كذا كذا وكان فيه تجاوز وشوف ايه الى هيحصل ساعتها فى على فكرا فى وزاره الداخليه قطاع اسمه التفتيش والرقابه وده بيتعين فيه ناس معينه مش كله وبيختص بالكلام ده غير كده انه بعد ما تشتكى المامور مش هيبعتلك تروح القسم لا ساعتها هتلاقى استدعاء من مكتب الوزير نفسه ويحقق فى الموضوع.

اما كون انهم يقولو انى مواطن مشاغب او غير مشاغب ده ملوش اى علاقه بموضوع الشكوى الكلام ده ممكن فى حالات تانى غير موضوع الشكوى.

واخيرا لازم ناخد حقنا حتى لو من الوزير نفسه عن طريق مكتب رئيس الوزراء لو منفعش عن طريق مجلس الشعب منفعش عن طريق رئيس الجمهوريه نفسه

عموما انا اقصى حاجه وصلت ليها مره مكتب رئيس الوزراء وتم حل الموضوع فى نفس اليوم

البلد مش فوضى وفيها قانون على الكبير قبل الصغير

لازم كلنا نتكلم ونتحرك بدل ما احنا بندعى ونقول ده غلط ومش بنعمل حاجه لازم ناخد موقف ايجابى ومنخفش هنخاف من ايه هو وحش الى واقف قدامى مهو انسان طبيعى ويوم ما يعمل غلط فيه الى يعرف يحاسبه وطظ فيه ومش لازم نخاف

تم مسح الاقتباس
مشرف عام 1

كان واحد خبطهاله