العربية مابترضاش تدور الصبح - 128 مو 75

السلام عليكم ورحمة الله،
عندي مشكلة غريبة يا جماعة موتور العربية بيرفض انه يدور الصبح وبيدور في أي وقت بعد كده عادي جداً!!
بعد الكشف من الميكانيكي تم تغيير الأبلاتين لكن مافيش فايدة
بعد كده غيرنا طقم البوجيهات وبرضه مافيش فايدة

النهاردة العربية مادارتش غير من المحاولة السابعة، والحمد لله إنها دارت، على فكرة الصبح ده مابيبقاش بدري قوي يعني امبارح لغاية الساعة 12 العربية رافضة انها تدور :I_angr1[1]:

تفتكروا حالة العصيان الصباحي دي ممكن يكون سببها أيه؟؟

نسيت أقول إن العربية 128 موديل 75،،، في انتظار ردودكم وشكراً مقدماً

يا ريت حضرتك تراجع على حالة فلتر البنزين و ترمبة البنزين
و طبعا مش هاوصيك تكارك كويس قبل ما تدور
الاسبراتير يا ريت يتفك كلة و يتزيت و تشحم و يتنظف من اي اثار صداء او جنزرة و تغير الكوندنسر برده و انشاء الله تدور كويس بعد كدة

اقتباس:

---

المشاركة الأصلية كتبت بواسطة ayabooy

يا ريت حضرتك تراجع على حالة فلتر البنزين و ترمبة البنزين
و طبعا مش هاوصيك تكارك كويس قبل ما تدور
الاسبراتير يا ريت يتفك كلة و يتزيت و تشحم و يتنظف من اي اثار صداء او جنزرة و تغير الكوندنسر برده و انشاء الله تدور كويس بعد كدة

---

شكراً جزيلاً لردك يا باشا هاشوف كده واقولك الاخبار

انا آسف بس نسيت اقول انه فعلا الميكانيكي فك الاسبراتير كله ونضفه في المرة الأولانية اللي غير فيها الأبلاتين

يبقي يتاكد ان الاسبراتير مش عاوز خرط جلب
و برده تروح لخراط تكيهات يشيك ان مفيهاش حاجة و طقم الصبابات يكون سليم

اقتباس:

---

المشاركة الأصلية كتبت بواسطة ayabooy

يبقي يتاكد ان الاسبراتير مش عاوز خرط جلب
و برده تروح لخراط تكيهات يشيك ان مفيهاش حاجة و طقم الصبابات يكون سليم

---

شكراً جزيلاً لرد حضرتك بس تفتكر لو فيه مشكلة في التاكيهات أو طقم الصبابات العربية ممكن تدور عادي في أي وقت بعد فترة الصبح؟!

بص يا سيدى ,,,,,,,,,,,,,,,

الحل ببساطة .................


الكربراتير............

البنزين الى فى الكربراتير بيطير .......... غير........خلى الميكانيكى يغيرلك الجوان بتاع الكربراتير اللى هو بتاع العوامة بتاعتة..................

وشكراااااااااااااا

اقتباس:

---

المشاركة الأصلية كتبت بواسطة i_am_legend

بص يا سيدى ,,,,,,,,,,,,,,,

الحل ببساطة .................


الكربراتير............

البنزين الى فى الكربراتير بيطير .......... غير........خلى الميكانيكى يغيرلك الجوان بتاع الكربراتير اللى هو بتاع العوامة بتاعتة..................

وشكراااااااااااااا

---

شكراً جزيلاً لرد حضرتك
عُلِم ويُنَفَّذ غداً إن شاء الله :)