استفسار بسيط لو سمحتم

**kouriem** · 12-08-2009 12:28 PM

السلام عليكم انا بفكر اشتري عربيه 1600 و تكون اتوماتيك و ABS + Air Bag و بعد تفكير طويل و شوفت الموضوعات بتاعتكم و سؤال ناس كتير اكدولي ان البروتون عربيه جامده جدا و سعرها بيديها افضليه عن عربيات كتير المشكله اني بس عمري ما ركبت عربيه بروتون و انا عايش بره و انشاء الله نازل مصر علي العيد الكبير و البلد اللي انا فيها مافيهاش بروتون فا انا بس كنت عاوز اعرف هل العربيه الجين2 او البيرسونا او الواجا الكنبه الخلفيه واسعه ولا لا انا اصلي طويل شيويه فا اللي بيقعد ورايا بيفرفر .... انا اسف للاطاله عليكم و متشكر جدا لحضراتكم

علي كريم

**MuhammedSoliman** · 12-08-2009 01:17 PM

بالنسبه للجين تو لأ مش واسعه من ورا للدرجه اللى فى دماغك بعكس الواجا أوسع نسبينا من الجين تو

تحياتى

**john_samy** · 12-08-2009 01:39 PM

بالنسبة للجين 2 :
انت لو بتتكلم على المسافة الى بين الكنبة وبين الكرسى ، هى مسافة حلوة اوى حتى لو انت طويل.
لكن لو بتكلم على وسع الكنبة يعنى تشيل كام واحد ، هى مش واسعة يعنى يشيلوا 3 رفعيين

بالنسبة للواجا معرفش

**kouriem** · 12-08-2009 02:14 PM

يا باشا متشكر علي سرعة الرد انا فعلا بتكلم علي المسافه بين الكنبه و الكرسي مش وسع الكنبه علشان انا برجع الكرسي علي الاخر

**mimo3000** · 12-08-2009 02:51 PM

بس انا ركبت الجين 2 وانا طولى 182 ومن غير مارجع الكرسى على الاخر وكنت مرتاح بس لو رجعت الكرسى حبه ممكن تزنق شويه لو حد طويل قعد وراك

فانا رايي اتجه للبرسونا هى اوسع شويه وعائليه اكتر

الواجا بصراحه معرفشى انا مركبتهاش قبل كده بس ركبت القديم منها وكانت واسعه وكويسه بس الجديده الله اعلم

**kouriem** · 12-08-2009 03:57 PM

يا باشا ربنا يكرمك علي ردك و علي الافاده بتاعتك انا اصلي خايف علشان كنت راكب كرولا 2007 و قبلها فيات سيينا مشكله الكرولا انها كانت 1300 بس كانت واسعه جدا و اللي كان بيقعد ورايا كان بيبقي مستريح جدا انا فعلا محتاج عربيه عائليه و نفس الوقت ماتعديش ال90 الف

**Ayman_52** · 12-08-2009 07:02 PM

شوف هو موضوع ترجيع الكرسى مالهوش علاقه بالطول بس .... يعنى ايه ؟؟؟

انا طولى 182 ومش بحب ارحع الكرسى لورا عالاخر... وبكون قاعد مستريح ....وفى ناس اقصر منى وتلاقيهم مرجعين الكرسى عالاخر ويدوبك بيطولوا الدواسه بالعافيه

وبالتالى ممكن حضرتك تكون طويل ... بس مناسب مع الجين من غير ماترجع الكرسى عالاخر.

دا بخصوص حته المسافه الاماميه.

---

وبخصوص بقى المسافه بين الكرسى والكنبه لو مرجع الكرسى عالاخر ... بتكون حسب باردوا اللى قاعد وراك ... يعنى كنت من يومين بالصدفه مرجع الكرسى عالاخر ولما سالت اللى ورايا قالى عادى براحتك.

والجين هى نفسها البيرسونا فى الوسع الداخلى ... باستثناء ارتفاع السقف فى البيرسونا من عند الكنبه..

---

واكيد اوسعهم هى الواجا...

وان شاء الله لما تنزل مصر بالف سلامه ... تركب التلاته وهتقدر تحكم براحتك

تحيــــــــــــــــــاتــ ـــــــى

**kouriem** · 15-08-2009 12:18 PM

يا باشا الله يحفظك و متشكر جدا لحضرتك و لسرعه ردك يعني اتوكل علي الله

**callsherif** · 15-08-2009 01:13 PM

المشاركة الأصلية كتبت بواسطة kouriem

يا باشا الله يحفظك و متشكر جدا لحضرتك و لسرعه ردك يعني اتوكل علي الله

اتوكل على الله يا باشا انا برده برجع الكرسي على الأخر وبيعد ورايا ناس طوال وزى الفل مافيش مشكلة كبيرة قوى يعنى فى مسافة معقولة ياباشا مش عربية ضيقة قوى يعنى هية معقولة مش الكرسي بيلصق فى الكنبة لما بيرجع لورا زى الفرنا يعنى .... واهلاً بيك فى عالم البروتون