الموضوع: تعليم جيتار

أستاذ طارق
فيه عندك cairo music center و ده ممتاز لتعلم الجيتار من ناحية و الموسيقي من ناحية

http://www.cairomusiccenter.com

معظم اللي بيعلموا جيتار بيعلموا الواحد إزاي يلعب الأغاني و إزاي إيده تمشي عليه و بس، إنما مبيبقاش فاهم النوتة اللي بيلعبها دي إيه و ال scale اللي هو ماشي عليها دي إيه و ممكن يلعب فيها إزاي .. بمعني أصح مبيبقاش عارف هو بيعمل إيه .. هو بيبقي عارف إن لو حط صباعه هنا و بعد كدة هنا هيحصل الصوت الفلاني اللي هو الأغنية الفلانية ! إنما لو فهم التركيبات الموسيقية هيبقي أسهل بعد كدة في فهم أي حاجة و لو الواحد حب يتعلم ألة جديدة بيتعلمها في تلت الوقت اللازم لأنه بيبقي بيفهم تركيبة الألة و بيبتدي يلعب السلالم اللي عارفها .

فيه كمان مركز في مكرم عبيد بس مش فاكر الموقع بالضبط لو تحب أسألك .
و فيه في الستوديوهات بيبقي فيه دروس .. انا مليش في ستوديوهات مصر الجديدة و مدينة نصر بس فيه ستوديو رحته مرة إسمه "جنوب" كان قرب جنينة مول .. و فيه أعتقد double vision برضه ده كان ناحية سانت فاتيما .. مش فاكر تحديداَ .

بس هو جيتار إيه ؟ كلاسيك ولا فولك ولا إليكتريك .. و يا تري جبته ولا لسة ممكن أديك ملاحظات تاخد بالك منها في الشراء .
و علي فكرة الجيتار من الممكن أن يتم تعلمه ذاتياَ .

و أي إستفسار تحت أمرك .

شكرا يا عزيزى موتو

انا هبتدى كلاسيك انشاء الله حكم السن و بعدين ممكن نشوف هنوصل فين
انا كنت بفضل ابتدى عود بس صعب شويتين

و ربنا ييسر الحال

المهم انا ماعرفش كتير بس عايز اتعلم اعزف موسيقى و ياريت لو حاجه تاحيه مصر الجديده و مدينه نصر

لو فيه نمر تليفونات تديهانى يبقى كويس جدا

و شكرا للمداخله يا موتو

شكرا على فيه cairo music center
انا كلمتهم و ناس كويسه
هاروح اشوفهم بكره ان شاء الله

هم محترمين جداَ فعلاَ و يعتبر قريبين لحضرتك
و إن شاء الله هحاول أجيب نمر تانية .

ماتعرفش اى نصيحه ممكن تديهانى
يعنى بس انا بحب الشرقى القديم
و موسيقتى المفضله هى الروك و مشتقاتها - طبعا الواحد اهدى شويه عن زمان بس تستمر هيه المفضله

و الله حيران مش عارف ابتدى من فين
اللى اعرفه ان العود صعب كتير

المشاركة الأصلية كتبت بواسطة human12

ماتعرفش اى نصيحه ممكن تديهانى
يعنى بس انا بحب الشرقى القديم
و موسيقتى المفضله هى الروك و مشتقاتها - طبعا الواحد اهدى شويه عن زمان بس تستمر هيه المفضله

و الله حيران مش عارف ابتدى من فين
اللى اعرفه ان العود صعب كتير

شوف نصيحه اشتري اليكتريك و امب و بعدين اشتري بيدال الافيكتس اللي انت عاوزها !

اصل في الالكتريك حتلعب كلين عادي و حتلعب ديستورشن عادي برضه !! حتبقي فل اوبشن d: احسن ما تبقي محدود في الكلاسيك او الفولك !