ياريت يا جماعة حد يفيد فى السيرون 1000س س و شكرا
عرض للطباعة
ياريت يا جماعة حد يفيد فى السيرون 1000س س و شكرا
السيريون 1000 سي سي شأنها شأن السيريون ال 1000 سي سي القديم والشاريد ال 1000 سي سي شكل 2007 والشكل القديم
مش حتبقي وحشة بس مع التحميل مش حتديل التسارع المطلوب منها
ربنا يباركلك ويوفق للقرار الصحيح انشاء الله
1- بالنسبة لقوة الاستحمال انا اديها 9/10 لان فعلا انا طاحنها و بصراحه بقالها حالي سنه و نص الحمد لله كويسة جدا معايا بسطبعا زيما اساتذة المنتدي قالولك العفشة ناشفه شوية بس بصراحه دة حلو جدا في شوارعنا الجامدة و الموتور رائع بس فعلا صوته عالي شوية بس بصراحه قوي جدااااااااااااا بالنسة ل 1300 يعني انا في رايي لحد فئة 100 الف فهي استحمالها رائع جدااااا ما زي عربيات كتير عايزاك تحسس عليها و انت ماشي
2- عليه الدركسيون انا معايا ال 1300 2008 اتوماتيك يعني هي مش عندي الحمد لله بس واضح ان في ناس كتير اشتكت التوكيل بيغيرها انا من رايي لو هتشتري كاش حاول تشوف مع التوكيل انك تستلم من التوكيل و تكشف عليها قبل الاستلام هناك في التوكيل لو ينفع يعني
3 عيوبها
- بصراحه الخامات جوة مش عجباني اوي بس لما بركب حاجة في نفس الفئة بتاعتها بلاقيها هي احسن كتير يعني في بلاستيك كتير اوي في الابواب و التابلوة ممكن كانت تبقي اشيك
- موضوع الدهان بصراحه انا مختلف فيه شوية لان فعلا العربيه دهانها كويس اوي و تجريحات كتيرة بتروح بالبولش و قبل كدة حكت مع عربيه باسات دهان الباسات طلع عليها بس كانت حكه خفيفه موضوع التقشير دة انا مشفتوش علي العربيه بس يمكن الاخ ابو حمزة بيسيبها في الشمس كتير او بيعملها ببوليش التلميع و هي سخنه انا بصراحه كل كام شهر بروح وطنيه بعملها بوليش بيتكلف حوالي 70 جنيه بيحميها من الشمس و بيخليها بتلمع علطول بس الاكصدام ضعيف فعلا و بيفك بسهولها و اي حادثه بسيطه بتبهدله
-- الدالايات ضعيفه برضه و بتقع بسهوله
- التوكيل اسعاره غاليه جدااااااااااا بس ارخص الياياني
4- بالنسبة للسعربقي فهو فعلا غالي شوية بس لو قارنت مع الاسعار عندنا في مصر فهو عادي و كويس كمان لان لو رخص عن كدة هيبقي مساوي لعربيات اقل منها بمراحل يعنيهي مشكله دوله مش عرييه يعني بالنسة للسعر تقييمه 1/10 بالنسة للعالم لان بنفس السعر دة برة ممكن تجيب فورد فوكاس اعلي فئة " في امريكا ب 18000 دولار " و بالنسبة لمصر 8/10 يعني انا مش شايف انسعرها مبالغ فيه زي عربيات تانيه سعرها اوفر اوي علي امكانياتها
بالنسبة للفتيس مش هقدر افتي فيه لان معايا اتوماتيك و كويس جدا و تسارعه رائع
اتمني اكون فيدتك
و كل سنه و كلكم طيبيين و بخير
وكلمه اخير لاني طولت جداااااااااا الفرع دة في المنتدي من احسن الفروع اللي بتسمع منهم راي صادق يعني مش بيدافعوا بس لو معاهم العربيه او بيهاجموا لو مش معاهم يعن مش بياخدوا الموضوع بشكل شخصي زي فروع تانيه كتير تحس انك لما تقول عيب في عرييه اكنك بتشتم صاحبها --- عني فعلا هتسمع اراء الاخوة هنا بما يرضى الله لاني جربت الموضوع دة و انا بشتري و الحمد لله طلعت كل ارائهم صائبة
بصراحة يا جماعة انا سيريونى جديد ولكنى واخدها من البداية خالص لا انى اشتريت النهاردة سيريون cc1000 موديل 2000 وبصراحة السيارة شكلها جميل من الخارج وواسعة من الداخل ... وتنافس فى شكلها المينى كوبر والكيا بكانتو
بس خفت جامد من بعض الناس ان مش هتلاقي قطع غيار ولازم الصيانة فى التوكيل بس ومحدش يعرف يشتغل فيها غيرهم وحاجات كده لحد ما اهدتيت فى البحث فى النت على المنتدى العظيم ده ورغم انى لسه شارى السيارة النهاردة مستعملة طبعا الا انى شعرت بالاطمئنان بعض الشئ ان صدق الكلام اللى فى المنتدى ده حول قطع الغيار واماكن توزيعها وكذلك مراكز الصيانة ... ولا انا اشتريت الترام ........... وكل سنة وانتم بخير وطيبين ياريت حد يرد عليا من فاضلكم
أشرف باشا
أهلاَ بيك بين السيريونيين و نورتنا و يا ريت نشوفك في تجمعاتنا
بالنسبة لقطع الغيار متقلقش لو مكنتش موجودة كانت العربية إختفت من الشارع .. إنما هي ممكن يكون في وجودها بعض الصعوبة إنما إحنا كل شوية بنكتشف مكان بيجيب قطع الغيار غير إن التوكيل بيتوسع في خدماته فا إن شاء الله تتبسط بالعربية .
و أهلاَ بيك مرة تانية .