فيلم 1000 مبروك.. اللي لسه عايز يدخله ما يقراش الموضوع عشان ما ابقاش حرقت له الفيلم

**Terrible_DaRsH** · 12-08-2009 04:22 PM

واضح انك بتحبى احمد حلمى اوى يا علا .

بس لو انت عايزة قصة و فيلم كويس فعلا و كوميدى برده فانصك بفيلم طير انت .

**PoweRPassioN** · 12-08-2009 04:39 PM

بس بالزمه ماحستش بالملل الرهيب ف نص الفيلم وكل شويه المشاهد تتكرر !!!!!!!!!!
وعروسته المجهوله طووووووووول الفيلم لم تظهر ف مشهد واحد
النهايه الكئيبه كمااااااااااااان
هي ناقصه

**Terrible_DaRsH** · 12-08-2009 04:43 PM

المشاركة الأصلية كتبت بواسطة s m a r t m a n

بس بالزمه ماحستش بالملل الرهيب ف نص الفيلم وكل شويه المشاهد تتكرر !!!!!!!!!!
وعروسته المجهوله طووووووووول الفيلم لم تظهر ف مشهد واحد
النهايه الكئيبه كمااااااااااااان
هي ناقصه

هو الكلام ليا ؟

**MoToRiZeR** · 12-08-2009 04:49 PM

بالعكس المخرج كان إيقاعه حلو جداَ و الفكرة كان ممكن يعملها واحد تاني و يطلعها بمنتهي الملل .
الفكرة قائمة عالتكرار و لذلك فيه ناس حست بملل بس انا محستش كدة عن نفسي
المشكلة إن فيه ناس بتبقي داخلة فيلم حلمي و هي متوقعة تفطس من الضحك و مستنية بقي فين الضحك فين الضحك !
و الفيلم ده فيه ضحك كتير بس أول ما بيقلب الناس مبتبقاش عايزة تصدق إن الفيلم بياخد إتجاه تاني و عايزة تكمل ضحك .

بالنسبة للعروسة انا مش شايف الموضوع فيه مشكلة لأن ظهورها من عدمه مش هيأثر في حاجة في أحداث و سياق دراما الفيلم!
بس هي عامة ظهرت في مشهد اما قال مش هروح الفرح .. و جت هي و أبوها يتخانقوا معاه .

**Terrible_DaRsH** · 12-08-2009 04:57 PM

المشاركة الأصلية كتبت بواسطة motorizer

بس أول ما بيقلب الناس مبتبقاش عايزة تصدق إن الفيلم بياخد إتجاه تاني و عايزة تكمل ضحك .
.

طب و هما داخلين الفيلم ليه اصلا :)

داخلين و دافعين فلوس علشان يضحكوا .

مش كل الناس بتدور على قصة مثيرة او لها هدف فى اخرها , كله داخل يضحك بغض النظر عن اى شيء .

و لو ناقشت حد فى الموضوع ده هيقولك هو انا مخرج ! انا داخل اشوف افيهات جديدة و اضحك و خلاص .

**OlaOsman** · 12-08-2009 05:06 PM

بمناسبة الضوحك

كان فيه واحد واحدة قاعدين في الكرسيين اللي ورايا في السينما.. طول الفيلم بيضحك بشكل مستفز.. حتى المشهد المؤثر اللي في الآخر اللي كان بين احمد حلمي و أمه لما شافته حالق شعره و كنا خلاص هانعيط، أبص ألاقي البني آدم اللي ورايا ده شغال ههههههههه.. ههههههههه.. و في آخر مشهد كمان لما احمد حلمي بيموت.. برضه شغال ضحك. حتى انا فعلا بعد آخر مشهد ده بصيت ورايا اللي هو عايزة أشوف الشئ اللي بيضحك ده عبارة عن ايه بالظبط

**Ahmed Anwer** · 12-08-2009 05:07 PM

أفشل حاجة في الفيلم مشهد النهاية ،،

مش منطقي اطلاقا

يعني واقفين الناحية التانية

و عنده وقت يروح يركب العربية ويلفها عشان يحميهم

و معندوش وقت يشاورلهم و لا يحذرهم و لا يعمل اي حاجة تانية منطقية اكتر !!!

**M.Osman** · 12-08-2009 05:56 PM

الحقيقة..
أحمد حلمي هو اكتر واحد بحترمه من الممثلين الحاليين ..
الفيلم حلو .. لكن نهايته كئيبة
انا و انا مستنى ادخل الناس كلها كانت طالعة متنحة كدا و انا طالع عرفت هما كانوا متنحين ليه..

فشل حاجة في الفيلم مشهد النهاية ،،

اه فعلاً مكنش منطقي خاااالص.. (بس المخرج عايز كدا!!)

**AhMeD EzZ** · 12-08-2009 06:10 PM

المشاركة الأصلية كتبت بواسطة OlaOsman

بمناسبة الضوحك

كان فيه واحد واحدة قاعدين في الكرسيين اللي ورايا في السينما.. طول الفيلم بيضحك بشكل مستفز.. حتى المشهد المؤثر اللي في الآخر اللي كان بين احمد حلمي و أمه لما شافته حالق شعره و كنا خلاص هانعيط، أبص ألاقي البني آدم اللي ورايا ده شغال ههههههههه.. ههههههههه.. و في آخر مشهد كمان لما احمد حلمي بيموت.. برضه شغال ضحك. حتى انا فعلا بعد آخر مشهد ده بصيت ورايا اللي هو عايزة أشوف الشئ اللي بيضحك ده عبارة عن ايه بالظبط

ايه يا استاذة علا
انتي كنتي معايا في السينما ولا ايه
نقس الحكاية و انا في السينما
طول الفيلم

**Bob2009** · 12-08-2009 06:27 PM

تحليل ممتاز
بس يمكن انا خرجت منه بشىء تانى ان هو شخص انانى مش بيحب غير نفسه ومش بيخاف غير على نفسه حتى لما كان بيغير فى الواقع كان لمصلحته هو مش لغيره وفى الاخر قرر انه يعمل حاجه لغيره وكانت النتيجه النهايه الى فى اخر الفيلم

بس فيه حاجه عاوز اعرفها هل ينفع عرض فيلم زى ده لعامه الشعب يعنى الفيلم ده عاوز الى يفهم هو عاوز ايه او الرساله بتعته ايه يكون شخص مثقف وعنده عقل كبير على شان يعرف التحليل ده
والحقيقه ان المعروف عن احمد حلمى انه ممثل كوميدى ودراما على شان كده ناس كتير بتحب تدخل افلامه
انما فيلم لواحد كل يوم بيحلم انه ميت وكل يوم بشكل دى كانت غلطه منه الحقيقه لكونه ممثل