فيلم 1000 مبروك.. اللي لسه عايز يدخله ما يقراش الموضوع عشان ما ابقاش حرقت له الفيلم

**Ahmed Selim** · 16-08-2009 02:24 PM

المشاركة الأصلية كتبت بواسطة olaosman

إستمتعت جدا بتعليقات الناس هنا و تحليلاتهم

مشهد النهاية فعلا تعبان أوي، و كان عندي سؤال: هو مش المفروض بيموت الساعة 12؟ طيب همه ليه لسه واصلين الفرح الساعة 12؟ فيه عريس و عيلته يوصلوا الفرح الساعة 12؟؟

فيه يا علا.........واحد قريبى من أسبوعين دخل الفرح هو عروسته الساعة 11:30 مساءً :)

فى حد خد باله من غلطة فى الفيلم ؟؟؟؟ و على فكرة ليها علاقة بالعربيات......

**osama** · 16-08-2009 02:55 PM

الفــــــــــــــــــــلم جـــــــــــامد جــــــــــداً جــــــــــــــــــــــــ ـداً جــــــــــــــــــــــــ ـــــــــــــداً

**Ahmed Selim** · 16-08-2009 03:06 PM

المشاركة الأصلية كتبت بواسطة marsguy

لما الموتسيكل دخل في باب الميجان المفروض إنه يبوظه

بس الباب ما حصلوش أي حاجه خالص

تصدق أنا ما أخدتش بالى من دى !!!!!!!!!

لأ اللى بتكلم عليها العربية اللانسر اللى كانت بتخبط الراجل اللى بيعدى الشارع......فى أحد المشاهد كان أحمد حلمى بينزل يوقف الراجل اللى سايق و كان سقف العربية مخبوط جامد من فوق الأزاز الأمامى........تقريباً بعد المشهد اللى أحمد حلمى وقف السواق و كسر الأزاز.

**horas3000** · 16-08-2009 05:38 PM

شكرا علي الموضوع المميز و النقد البناء
انا شخصيا من كلام الناس عن الفيلم مكنتش معلق امال كبيرة لكن احمد حلمي فاق كل توقعاتي. انا شايف ان الفيلم راقي و مليان دروس و عبر و ضحك نظيف و اكتر حاجة عجبتني و اثرت في الجملة اللي قالها في الاخر

خير لك أن تكون غائباً حاضراً.. على أن تكون حاضراً غائباً

**SheNo0o** · 17-08-2009 01:20 PM

بجد بجد بجد تحليل للفيلم اكتر من رائع وبجد انت تنفعي محلله وناقده لانك شفتي الفيلم بعين ناقد ومحلل مش بعين مشاهد
الي لما يشوف الفيلم مرة يحس انه على راي الشباب ممل او ..... ومش هتصدقي انا عجبني الفيلم بس حسيت زي كل الناس
بس مفهمتش هواه حلم ولا ايه بالظبط مفيش حاجه اثبتت هواه حلم ولا علم ولا في حاجه خياليه فالموضوع وده الي انا ركزت فيه بعد ماشفته مرتين
حسيت ان القصه مبالغ فيها لان احنا مكنش عندنا افلام بتلمس الخيال بالشكل ده ان ده مش يحصل فالواقع

بس الفيلم عجبني جدا بس مليته وحسيت اني مش هقدر اشوفه 50 مرة زي اسف على الازعاج ومازلت بشوفه

فيلم جميل حبيته اكتر من كلامك عنه مع اني شفته قبل مقرا موضوعك بس هحبه اكتر واقدر اشوفه ميت مرة علشان افتكر كل كلمه قلتيها

مجهود رائع اخت علا وتحليل جميل وشكرا لكم على حسن استماعكم :d

**abo_hosni** · 21-08-2009 11:23 AM

المشاركة الأصلية كتبت بواسطة ahmed a.maksoud

تصدق أنا ما أخدتش بالى من دى !!!!!!!!!

لأ اللى بتكلم عليها العربية اللانسر اللى كانت بتخبط الراجل اللى بيعدى الشارع......فى أحد المشاهد كان أحمد حلمى بينزل يوقف الراجل اللى سايق و كان سقف العربية مخبوط جامد من فوق الأزاز الأمامى........تقريباً بعد المشهد اللى أحمد حلمى وقف السواق و كسر الأزاز.

و كمان العربية الميجان في أول الفيلم يظهر بالباب أثر خبطة الموتوسيكل (مردود على البارد و عاكس مع حلمي مرة و هو بيقفله) يعني مشهد خبط الموتوسيكل لباب الميجان اتصور في الأول خالص بعدين كملوا باقي الفيلم بالعربية و هي مخبوطة