-
لانوس ولا نوبيرا ؟؟؟؟؟؟؟
يا كبار الدايو
خلاص ان شاء الله قررت اني في اقرب فرصة هغير واشتري دايو
المبلغ المتاح ان شاء الله هيكون 45000
بس انا شوية بميل للنوبيرا
ايه أخبار اسعار قطع الغيار بالنسبة للعربيتين ؟
تنصحوني بايه
وازاي أكشف على العربية بنفسي يعني ابص على ايه كمستخدم عادي علشان آخد انطباع على مستوى جودة العربية
ولو جيبتها من السوق اروح اكشف عليها فين ؟
-
خليك فى النوبيرا ماتور قوى سحب افضل ثبات احسن صالون اوسع
الافضل تاخد سمكرى وميكانيكى يبصلك عليها قطع الغيار النوبيرا اغلى من الانوس مش مش كتير وقطع الغيار منتشرة
-
اعتقد ال 45 قليلين على نوبيرا بحالة كويسة
-
45 الف قليل على نوبيرا مانيوال مثلا 2004
-
نوبيرا مانيوال 2004 كويسه هتبقى اغلى من 45000
ممكن تجيب لحد 2002 بحاله كويسه مانيوال
النوبيرا عربيه جميله فى كل حاجه
ولأن الكمال لله ففيها شويه عيوب "ودى اللى الناس بتقوله انا شخصيا ما لحظتهاش لحد دلوقتى"
(الركنه) عشان الحجم كبير ودا هتتعود عليه بسرعه وهتقدر تركن فى اى زقاق
(البنزين) عشان 1600 بس مش فارقه قوى والله ماتحرقش انت بس على الغيارات وهدى اعصابك فى دوس البنزين هى كدا كدا هتطير لوحدها من غير بنزين اول ما توصل 60كيلو سرعه
(العفشه) بس برضه محلوله خالى بالك وماتكلش بيها مطبات او تقعد تدقدق بيها فى شوارع تعبانه لما تلاقى الارض مش متظبطها سايسها
اما غير كدا انت معاك موتور جبار وسع مريح جدا شنطه كبيره بعبط عربيه تقيله وثاااااااااااااااااابته على الارض جدااااااااااااااااااااااا ا ممكن تحس بالسرعه بعد الـ 160 او 170حسب الطريق قبل كدا ولا هتحس انك ماشى ولو فى ملفات حتى
وربنا يقدملك اللى فيه الخير
اه صحيح ابعد عن المعارض والتجار كلهم حراميه ونصابين بلا استثناء يفضل لو جبت واحد من على النت شخص عادى بيبيع مش تاجر وممكن تبص بصه فى السوق وراىالشخصى انك مش هتطلع بحاجه منه لان التجار مولعين السوق
-
بحبح المبلغ لحد 50 ألف علشان تلاقى نوبيرا موديل فوق ال2002 وبحاله كويسه ربنا يوفقك، بس لو مشاوريك أكتر جوه البلد ومش ساكن فى حته ذى 6 أكتوبر أو العبور ومعكش عيله كبيره هات لانوس أفضل وربنا يوفقك
-
يعني مبلغ 50000 يجيب نوبيرا كويسة ؟
ولو وقفت لحد 45000 تجيب لانوس موديل كام ؟
-
ممكن نوبيرا 1 بحالة كويسة بالمبلغ ده
-
كان ليا صديق عارض نوبيرا 2005 على 50 ألف من فترة قريبة بس أعتقد باعها
Content Relevant URLs by
vBSEO 3.6.0 PL2