ما هو رأيك فى النيسان صنى المجمعة محليا؟

**M.Osman** · 28-02-2009 06:17 PM

المشاركة الأصلية كتبت بواسطة HOSAMSAMSOON

موضوع التقفيل المصرى على فكرة مش مشكلة لو الفنى او المراجع بتاع الجودة عندة شوية والله شوية ضمير
موضوع التقفيل مش صعب ولا بدعة ولا هوة وهم بعيد المنال لا
انا شايف ان المصرى لو عايز يعمل اى حاجة و باعلى جودة فهوة قادر على كدة و بيكون متميذ
والدليل على كدة كتير زى
طريق العين السخنة الجديد
طريق المحور بعد التجديد
شركات كتير بتصدر للخارج وعلى اصعب مواصفة
مهوة دة مصرى بردة
لا الموضوع اهتمام ومتابعة من كل الطقم من اكبر واحد و حتى اصغر عامل
انا تقييمى للعربية متوسط وليس جيد فى التقفيل

كلام محترم جدا و زي الفل .... شكراً

**khaleel** · 28-02-2009 10:56 PM

العربيه ممتازه بالنسبه انها طلعت بالشكل ده ومتقفله في مصر

**myr999** · 07-03-2009 02:57 AM

يا جماعة انظرو للموضوع من زاوية ثانية قلل من مبلغ الصنى 10000 وهات شاهين (الكلام دة على الورق طبعا ) من اول الشكل الخارجى (ثابت من 15 سنة او اكثر ) علبة كبريت لا يوجد اى معرفة بالايروديناميك لسوء خامات الكشافات ثم تقفيل الصالون و ردائة التنجيد وتابلوة يذكرك بسيارات مو 1900 وبدون( تكييف +باور +زجاج كهرباء +فتيس اوتو +اير باج )ياترى هذة الاشياء لا تساوى ال10000 جنية ثم الاهم الموتور اليابانى اما الموتور التركى الذى لا يستطيع ان يصل الى 140 كم ولو حصلت تحس انى العربية حتتفكك من بعضها مع اطيب امنياتى وارق تحياتى

**myr999** · 07-03-2009 03:13 AM

وبالمناسبة كنت قراءت فى المنتدى بالنسبة لمشكلة التكييف انك لازم تجييب بكرة البارد/الساخن الى اقصى درجة فى البارد لوفية تكة صغيرة فى اتجاة الساخن حتلاقية يعمل بارد شوية ساخن شوية تحياتى

**harphosh** · 12-03-2009 01:17 PM

مع وافر اعتذارى لمالكى الصنى
الرأى شخصى ولولا اختلاف الأذواق لبارت السلع
1- صالون صغير جداً للكراسى الأمامية والخلفية
2- صوت موتور مش يابانى خالص زى زمان .
3- استهلاك عالى للوقود .
4- تقفيل داخلى سيئ وخامات أسوأ .
5- صاج خارجى ضعيف ( سمة لكافة السيارات تقريباً )
6- عدم اتزان بالنسبة لليابانى على سرعات فوق 120 كم /س
7- عفشة ناشفة بطريقة بايخة .
8- شكل خارجى جميل .
9- قطع غيار متوافرة ورخيصة نسبياً وخاصة العفشة .
الكلام عن تجربة لنيسان سوبر صالون 2008 مع وافر احترامى للجميع

**Ibrahim88** · 14-03-2009 02:43 PM

انا ركبت الصنى دي مع واحد صاحبى و هو معاه لانسر و انا كمان معايا لانسر،و كان رأيه ان الصني اتقل في الجري،بس مش زي الاوبل لانها معايا برضه،و صاجها احسن من الانسر بس سحب اللنسر اقوي و تشطيبها الداخلي احسن واوسع، في المجمل بيعجبه اللانسر اكتر