الموضوع: ما هو رأيك فى النيسان صنى المجمعة محليا؟

العربية هادية و ثابتة و ادائها كويس لكن التقفيل المصرى طبع عليها، تلاقى الخامات الداخلية سيئة و التقفيل فيه فراغات لكن من برة شكلها كويس، الخلاصة العربية سعرها اغلى من قيمتها الحقيقية بعد ما لعبوا فيها فى مصر وفى بدائل يابانية 100% زى اللانسر احسن منها و بنفس السعر.

أنا ركبتها و ركبت اللانسر ال 1600 الخليجي. اللانسر ملهاااش حل بصراحة

السيارة رائعة ولكن التقفيل المصرى

تلاقى الخامات الداخلية سيئة و التقفيل فيه فراغات

السياره جيده وسعرها ممتاز وتوزيها فى مصر 600 سياره شهريا واسعار قطع غيارها ارخص من اى سياره يبانيه اخرى وسعرها اقل منهم ولا يوجد بها مشاكل جوهرية فلماذ لا تعتبر جيدة وخصوصا انها معلومه الجوده من تاريخا السابق لان كل مكوناتها الرئيسيه يبانيه

انا مع الاستاذ عمرو العربية ناعمة و ظريفة بس طبعا زي ما كلنا عارفين التقفيل المصري
انا سوقت واحدة 2007 الخامات ضعيفة جدا و بعدين كنت بجرب مع كرولا 2005 1300 و المشكلة انو كان قايل معايا
و بعدين التابلوه وحش جدا مقارنة بعربيات كتير في نفس الفئة مع ان التيدا ارقى من الصني جدا
بس اسمع ان العربية عملية جدا
و بعدين انا ليا راي فب موضوع التقفيل في مصر عشان نتكلم ب موضوعية
في مثل بيقول ادي العيش لخبازه احنا عمالين نخدع نفسنا اننا بنجمع كويس و لحد دلوقتي الكلام ده غلط
و مفيش حد راضي عن التقفيل المصري حتى اصحاب العربيات نفسهم
و انا مش حتكلم عن الصني لا عن المرسيدس و ال bnw اعرف ناس ركبوا المصري و الالماني طبعا الالماني يكسب
شكرا
طارق عسكر

انا شايف اننا متاحملين على التقفيل المصرى خلينا واقعيين انا معايا اكسنت موديل 2000 و العربية انا شايف ان تقفيلها معقول و مممكن يتقال علية كويس يعنى تقفيل الهيونداي كويس و الدايو كمان كويس بس الملحوظة اللى فعلا شائعه جدا عن الصنى هيا العفشة الناشفة فا ياريت لو حد جرب النقطة دية يكلمنا عنها شوية