الموضوع: استفسارعن فائدة عقد ايجار الشقة

السلام عليكم

انا عارض شقتى للايجار فى الاسكندرية المهم الامن بتاع العمارة قال متاجرها مصيف اسبوع لغاية متتاجر مدة طويلة
انا وافقت على مضض المهم الزبون قرب يوصل و انا بقول للامن لازم يتعمل عقد ايجار بالاسبوع دة
و الامن مرضيش و ازاى يعنى (الامن هو اللى مرضيش و الزبون كان لسة ماجاش)
مش غريبة اوى الحركة دى
و بقولة هاخد صورة بطاقتك كمان للامان مرضيش و يقول انا مالى ؟؟ هو هياخد منى 20 جنية نسبتة فى اليوم عشان يبقى مسأول عن الشقة لاننى من القاهرة
اية تفسيركم لسلوك الامن دة؟ و هل المفروض ااتمن حد على حاجتى من غير اثبات؟

المشاركة الأصلية كتبت بواسطة terrible_darsh

انت ممكن تسيبها لبتاع الامن ده , و تعمل زى قائمة بتاعت الزواج .

تكتب فيها كل شيء موجود فى الشقة و انك لما تستلمها منه يبقي كل حاجة موجودة فى لشقة مقابل انك تديله مبلغ بكده .

صدقنى هيخلى باله من الشقة اكتر منك :)

و ساعة لما ييجى يستلم الشقة من الناس هيشوف الشقة اذا كانت ناقصة ملعقة واحدة حتى .

انا مش عارف العقد ده بيتعمل ازاى بصراحة بس قريبي بياجر شقتين فى اسكندرية و هو قاعد هنا فبيعمل الحكاية دى .

مهو هو دة اللى حاولت اعملة معاة و ااخد صورة بطاقتة ضمان و كان هياخد 20 جنية على كل يوم ايجار
بس معجبهوش و بصفة اية تاخد صورة من بطاقتى و الكلام اللى ملهوش لازمة دة و يقول الناس كلها بتسيب المفتاح عادى من غير اى اجراء (طبعا انا مش مصدقة)

و على موضوع بيع الشقة السمسار اللى جاء بيقول ان الامن مش هيجبلى زبون الا لما انزل مصر و يكون الامن معاة المفتاح و يتفق على السعر اللى يعجبة مع الزبون فى غيابى و غالبا سعر عالى بعد ميكون فصسلى سعر الشقة و يقولى هى اخرها كدة و شاف اخرى اية
و الفرق طبعا هيضربة فى جيبة بس مش عارف الزبون هيسكت على الحركة دى ازاى؟؟