مش قولتلكم كفايه اهو د/ احمد شكله اتصاب لا حول ولا قوه الا بالله
عرض للطباعة
بصراحة بعد الموضوع دا ... الراجل شكله هو اللى هياخد عين قريب :)))
ونعم بالله يا دوكتور
ربنا يبعد عنك وعنا الحسد يارب العالمين
ويكفينا شر الحاسدين
وعلى ارئى العضو الفاضل أحمد نوبيرا
الحمد لله أناهاماجتش فى حاجة كبيييييرة
وربنا يبعد بيها العين عنك وعن أهل بيتك واللى تحبهم يارب
الحمد لله علي كل شيء يا دوك
في ناس كدة عينها بسم الله ما شاء الله
انا كان عندي مدرس رياضة في ثانوي كانت عينة ما شاء الله
عندي صورة في الصالة ليا متصور فيها في المانيا كنت في زيارة لبابا فدة خلص الدرس و نازل بيقولي ايه الصور الجامدة دي و اوربا وشغل
اول ما نزل انا رحت ممد علي الكنبة الصورة وقعت علي دماغي
و مرة تانية برضة عندي في اوضتي تابلوة كبير عليه المعوذتين مدهب و خد بالك علية المعوذتين
بيقولي لوالدتي التابلوة دة حلو اوي
والله مكملش الكلمة و التابلوة دة كان في الارض مقسوم نصين
و دي كانت اخر مرة يخش بيتي تاني
أول ما تشوفه اقرا الاتى
قل اعوذ برب الفلق ....الى اخر السورة
أعوذ بكلمات الله التامه
من شر كل دابه وهامه
ومن شر كل عين لامه
تخيل هههههههههههههههه
ما يعرفش يقر تاني
الحمد لله .....والله الكلمتين دول من أفضل ما قرات في الموضوع
ربنا يخليك
يا نهار ازرق كحلي ..............
ده تضربه طلقة
ما تسيبوش ماشي في الشارع
ده ممكن يهدد الأمن القومي
طبعا .........
انا يومها فعلا معاملتش كده
الحمد لله
مرة كنت بشترى حاجة من السوبرماركت و كنت عند الخزينة بدفع الحساب ، و تخطانى واحد ماكنش شارى حاجة و شاور بايده و سأل الموظف ( الكاشير ) على عبوة مزيل رائحة عرق زجاجية deodorant ( بالبلية الدواره ) ، و قال له " بكام دى ؟ " فاجابه الموظف و بعد ما مشى فى ساعتها راحت الزجاجة منفجرة و اتكسرت ميت حتة و هيه على الرف ، مع العلم ان المادة الى فيها عبارة عن جل و مش تحت ضغط .
واحد تانى بس ده صاحبى كان طالع على السلم خلف والدته ، راح قلها " تصدقى يا ماما ان انا اول مرة الاحظ ان رجلك حلوه ! " و عليها . . راحت واقعة و رجليها اتكسرت و اتجبست .
مرة تانيه كنت لسه شارى عربية جديدة مبقلهاش اقل من اسبوع ، و خالتى كانت راكبة جانبى و سالتنى بكام العربية ده ، فقلتلها ، فسكتت ، و مافيش لحظات بعد ما نزلت الا و الزجاج الأمامى ينقسم نصفين !
يا نهار بمبدور.. ايه ده يا دكتور انا لما شوفتها قلت في حد كسرهالك اتنين .. مش ممكن .. ده بص على النمر وهو مركز اوي يا احمد بيه ... ده يا ريس تجيبه في ميدان عام الاول تعرف الناس حقيقتة و تعدمة ... يا نهار اسود ... ده خطر على البلد .. انا مش نازل المنصورة ( بتاتا ) وخد بالك من بتاتا دي .. ممكن نتقابل في اسكندرية لما تاخد شقة سيادة العقيد .. اقولك .. نتقابل في اجا وناكل بليلة عن الفخراني واودعك عند كوبري اجا .. انا انا كنت ناوي ازورك يوم انا وعلي زيما قولتلك .. انما كده .. على جثتي .. يا نهار طين دي الحاجه اللي بتعجبة بيقسمها اتنين يا حج... حسبي الله ونعم الوكيل ... خير تعمل شرق الدلتا