والله اللي حسد حضرتك ده راجل موهوب وبيحبك
عرض للطباعة
والله اللي حسد حضرتك ده راجل موهوب وبيحبك
ياه
دا أنا طلعت مش لوحدي
الراجل ده يا نادر ادالي الكلمتين دول يوم الخميس اللي قبل المقابلة الصبح
حتى لما الرخص اتسحبت قلت خير ( أصله حبيبي على رأي yse و أنا عارفه) ....
و الصورة دي دليل انه مفعوله سريع و اشتغل تاني يوم .....دا انا كنت فاكرها قعدت يومين كده على ما تشتغل
الحل كده فعلا اني أروح عند العقيد خالد و استسلم للأمر الواقع و أبقى جار شنوري المفترس
على فكرة انا ممكن اقول للواد ده على المنتدى لو حد زعلني
و انتو عارفين ..المنتدى كبير و قوي و مليان أعضاء زي الفل
أما أقوم ابص على النمرة اللي ورا بقى
ماحدش ضامن نور فعاليتها كام
ههههههههههههههه
استخبى اليومين دول بنمرك وجنوطك وعربيتك كلها .....
انت محسود محسود محسود يا ولدي ....
بجد والله حاجة بقت حاجة تقرف ..
والله انا من ساعت ما استلمت عربيتي وانا مرعوب من موضوع الحسد ...
حتى ما بروحش البلد عند والدي بالعربية خالص وباخد تاكسي ،
واجرتلها جراش عشان العيال والخرابيش والقعدة على الكبوت والسقف ..
وبعد ما كنت بمشي كل مشيي غرز وهري .. بقيت بمشي وعيني في المرايات كلها وبعمل حساب كل حاجة في الطريق سواء ورايا او قدامي ...
خلااااااااااااااااااااااا ااااااااااص جالي هسهس .. وفعلا والله اعصابي تعبت من القلق من الحسد ومن الناس ...
يا ريت تشوفلي اي وصفة بقه يا دكترة .. احسن انا خلاص قربت اقول يا ريتني ما جبت زيرو وبالذات المازدا3 البيضا ( مفيش ماكن امشي فيه او اقف فيه غير والاقي عيون الناس مبحلقة ورقبتهم بتلف معايا وانا ماشي ، وطول ما نا ماشي اقول في اذكار واستعيذ بالله واكبر )
والله انا فعلا تعبت جدا من الموضوع ده
:eee::eee::eee::eee::eee::eee::eee::eee::eee::eee: :eee:
ميرسي ميرسي :ma:
موجودة يا بنتي هروح فين هو انا ورايا غير نايل موتورز وجاية ان شاء الله والله كل محدد ميعاد يتغير لاسباب مختلفة بس هتصل بيكي ان شاء الله مجرد ما ادخل الحدود وميرسي يا جميل على سؤالك
قدامك يومين لو محصلش مكروه يبقه انا بريئة من ذنبك
ربنا يبارك لك في العربية ويديدلك خيرها ويكفيك شرها
لا حول ولا قوة إلا بالله
كويس انها جت فى النمر يا احمد باشا
ربنا يحمينا و يحميك من العين
:)
ولا يهمك وتأكد تماما ً ان الراجل ملوش ذنب .... الموضوع صدفة مش أكتر .... ياريت علاقتك بيه مش تتأثر.
وربنا يسترها معانا جميعا ً.
الحل كده فعلا اني أروح عند العقيد خالد و استسلم للأمر الواقع و أبقى جار شنوري المفترس
*تنور إسكندرية و ضواحيها و على المقيمين خارجها مراعاة إن يستخبوا*
على فكرة انا ممكن اقول للواد ده على المنتدى لو حد زعلني
و انتو عارفين ..المنتدى كبير و قوي و مليان أعضاء زي الفل
*ليه كده يا دكتور ده المنتدى كله إخواتك و حبايبك*
الحمد لله انك كويس يا دكتور ...
انا الحمد لله على كل شىء زيك كده ...
الفيكترا الجديده الى مكملتش شهر ...
اقسم بالله واحد شافها و عجبته اوى ...
و نظام بقى
دى جاااااااااااااااامده اخر حاجه دى لا تقولى اوكتافيا ولا جيتا ..
اقسم بالله
تانى يوم
دخلت فى كلب جاب اكصدام و رداتير و العربيه مرميه تحت فى الجراج !!!!!!
و يومها بالليل واحد اعتقد ان الاوكتافيا بتاع والدى سبوره ..
خد الجنب الشمال كله علامات x .....
و النهارده روحت الشغل لقيت السواق جاى ..
العربيه النص نقل
عربيه كارو ريحت عليها عملت 3 خطوط جامدين جدا فى الكبوت !!!!!!!!!1
ده طبعا غير وفاه جوز خالتى ....
و غير خساره ماديه كبيره جدا حصلت فى الشغل !!!!!!!!
و غير موبايلى الى بايظ و فى مشكله مع التوكيل .....
مش بقول غير الحمد لله على كل شىء ...
و قل اعوذ برب الفلق ...
باشا
الحسد مذكور في القرآن و السنة النبوية و عدم اقتناعك بيه ده غلط كبير
قال الله تعالى : (قُلْ أَعُوذُ بِرَبِّ الْفَلَقِ * مِنْ شَرِّ مَا خَلَقَ * وَمِنْ شَرِّ غَاسِقٍ إِذَا وَقَبَ * وَمِنْ شَرِّ النَّفَّاثَاتِ فِي الْعُقَدِ * وَمِنْ شَرِّ حَاسِدٍ إِذَا حَسَدَ)
قد ثبتت الأحاديث عن النبي صلى الله عليه وسلم في الإصابة بالعين ، فمن ذلك ما في الصحيحين عن عائشة رضي الله عنها قالت : " كان رسول الله صلى الله عليه وسلم يأمرني أن أسترقي من العين " ، وأخرج مسلم وأحمد والترمذي وصححه عن ابن عباس رضي الله عنهما عن النبي صلى الله عليه وسلم قال : " العين حق ولو كان شيء سابق القدر لسبقته العين ، وإذا استغسلتم فاغسلوا " صححه الألباني في السلسلة الصحيحة ( 1251 ) .
وأخرج الإمام أحمد والترمذي ( 2059 ) وصححه ، عن أسماء بنت عميس أنها قالت : يا رسول الله ، إن بني جعفر تصيبهم العين ، أفنسترقي لهم ؟ ، قال : نعم ، فلو كان شيء سابق القدر لسبقته العين . وصححه الألباني في صحيح الترمذي .
وروى أبو داود عن عائشة رضي الله عنها قالت : كان يؤمر العائن فيتوضأ ثم يغسل منه المعين . وصححه الألباني في صحيح أبي داود .
ولكن ذكر صاحب " نيل الأوطار " أن البزار أخرج بسند حسن عن جابر رضي الله عنه عن النبي صلى الله عليه وسلم قال : " أكثر من يموت من أمتي بعد قضاء الله وقدره بالأنفس – يعني : بالعين – " .
وفي حالة وقوعها تستعمل العلاجات الشرعية وهي :
1- القراءة : فقد قال النبي صلى الله عليه وسلم : " لا رقية إلا من عين أو حمة " الترمذي 2057 و أبو داود 3884 ، وقد كان جبريل يرقي النبي صلى الله عليه وسلم فيقول : " باسم الله أرقيك ، من كل شيء يؤذيك ، من شر كل نفس أو عين حاسد ، الله يشفيك ، باسم الله أرقيك " .
2- الاستغسال : كما أمر به النبي صلى الله عليه وسلم عامر بن ربيعة في الحديث السابق ثم يصب على المصاب .
اخيرا ....... يا دوك احمد سامي
خد اللوحة و روح لحداد يلحمها لك لحام حديد
و بعدها يصنفر بقايا اللحام
و بعديها اطلع على بتاع دوكو نضيف
يحرق لك الدهان كله و يدهنها نضيف من الاول
هترجع زي الجديدة
يا ساااااااتر إيه ده!!!!!!!!!!!!!!!!!!!!!!!
ربنا يستر عليك، دا انت لازم تبعد عنه بأى طريقة و ميكنش فى حوار بينك و بينه تانى، يعنى إفتعل معاه خناقة والا أي حاجة المهم تبعد على أد ما تقدر.
الحمد لله على سلامتك يا دكتور, وكويس انها جت فى النمر
يس الصراحة النمر جامدة جدا :B4_237::B4_237:
ربنا يبارك لك فى العربية و نمرها:ask::ask:
ربنا يأجرك في مصيبتك ويخلف لك خيراً منها يا دوك
بس على فكرة أنا حاسس ان الموضوع فيه شبهة جنائية :)
على فكرة انا كمان اتحسدت
واحد فى المنتدى ( هو عارف نفسه ) كتب لى فى الملف الشخصى ( يعنى ايه عميد المنتدى )
وبعدها اتشال اللقب فعلا
الحمد لله انها جت علي قد كده يا دكتور ربنا يسترها معاك ان شاء الله
كده كفاية قوي
فردة كوتش ونمر يحصل فيها كده !!!!
اقتباس:
المشاركة الأصلية كتبت بواسطة
جمال;3871927749
حضرتك غني عن التعريف وبلا حاجة للالقاب من اساسه:36_1_1[1]:
أنا بقى فى واحده عندها محل قدام البيت وفى مره فى اول جوازى جبت تورتايه وهديه للمدام وطالع بيهم البيت بس قبلها رمئتنى بعينها المدوره
وحياتكم على أول درجه سلم كنت واقع على وشى والتورته بقت ملهاش ملامح
ده لو منشار حدادي مكنش قطع النمرة بالشكل ده
لا حول ولا قوة الا بالله
بس برضه يا دكتور النمرة جامدة قوي :M_yes[1]:
لا دا على كده يبقى عندنا خفيفة
قدر الله و ماشاء فعل يا خالد
أنا لزقتها بدبل فيس مع المسمارين كده لحد ما اروح أعملها
ربنا يستر طريقك يا أحمد
تتخانق مع مين ده فظيع ...تلاجة
أنا بخاف لو شفته أطلع أجري بالعربية يقول" شوفت بتجري ازاي!!" .......أجيب مكنة :b4_556:
الحمد والله احنا برضه افترضنا كده
و ماقيناش طريقة نعمل بيها الحكاية دي
النمرة ماتفكتش
و مفيش خرابيش فيها من قدام مكان نشر أو حد
ولا متنية مكان تني حتى لو اتفكت
أنا كنت باحاول ألاقي فرضية منطقية
لأنني كل ما باواجه حقيقة ان ده شعاع بصري متطور
و الله والله بخاف
مين العضو ده يا سيادة العميد
بس دي عين خايبة ....
لأن حضرتك هاتفضل العميد ...الكبير كبير
زي ما قاللك نادر
فردتين وحيااااااااتك هو جايب منهم واحدة
فاضله فانوس و يبقى هاتريك
و ياخد هداف الموسم
ربنا يستر
المهم انت ....أخبار ملامحك إيه
و احمد ربنا انها جت في التورته
انت كنت في أول الجواز
أبو صلاح ....
انت هاتبقى انت و الواد عليا
باحاول أقنع نفسي بكده
بس تفتكر هو كده ؟؟؟
:fdsa: فكرني فكرني
ياساتر يارب
لا حول ولا قوة الا بالله
معلش فداك يادكتور
الحمد لله انها جت على أد كدا
اول ماتشوفه ابقى اقرأ المعوذتين فى سرك
وشغل قرأن على طول فى العربيه ( بدل عمرو دياب ماشى :d ) واول ماتركب قول دعاء الركوب
كدا يبقى انت عملت اللى عليك والباقى على الله
ومعلش انت عارف بقى سحر السيراتو
وكمان نمره مميزه
الراجل معذور بقى ده لو مكنتش عينه وحشه كان هيحسدك برضه :d
الحمد لله يادكتور احمد انها جت ف النمر بس ربنا يستر عليك بقى لو منك لازم تشوف مكان تانى فعلا او متقفش تسلم على اى حد ههههههههههههههههههههه
ينهار اسسسسسسسسسسسسسسسسس...........!!! !!!!!!!!1
إيه ده؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
دى لا يمكن تيجى بالمنظر ده حتى لو قاصد!!!!!!!!!!!!!!!
أنا باحلم وللا إيه؟
ربنا يسترها عليك يا دكتور احمد
قدر الله ماشاء فعل
كل لن يصيبنا الا ما كتب الله لنا
انصحك انك لو اتكلمت معاه تاني كل ما يقول حاجه تستعيذ وتقوله ماشاء الله وتكررهاله علشان يقولها هو كمان
وياريت نصيحة بجد من اخ
بلاش اغاني في العربيه وخليها عالطول فيه ذكر لله
وان شاء الله يكون خير
وياريت لو تطلع صدقات كمان يبقى افضل
وربنا يباركلك فيها يا احمد ويبعد عنك شر العيون
انت تروح لاديداس يا دوك و تقولهم عايز تى شيرت عليه كــف او خرزة زرقاء .
و تروح توريه لصاحبك على طول .
بس تبقي مصيبة لو حسد التى شيرت :)
قدر الله وماشاء فعل
دكتور احمد حاول تتأكـد انها مش بفعل فاعل الناس الحقودين بقوا
كتير جدا فى الشارع مش عارف ليه دة احساسى .
وان شاء الله النمر يرجع شكلها ذى الاول .
بس انا عندى سؤال هو النمر لو اتلحمت ما يبقاش فيها مشكلة
مع المرور ؟
لالالالالالالالالالا
دة اكيييييد بفعل فااعل
الا بقي عين الراجل دة صاااروخ
انا على طووووول عايش مع القصه ده :O_stupid[1]: عن نفسى الدعاء وربنا بيلطف من عنده اكيد
ربنا يعفو عنا ...من شر حاسد اذا حسد ...:_Alshmokh23[1]: جميعا
هانعمل إيه ...نستخبى علشان واحد
ادي الله و أدي حكمته
الحمد لله
شوفت يا دكتوري ...
و الله انا مقتنع ان دايما لازم يكون في سبب منطقي
بس أنا فعلا مش عارف ازاي
حتى الصورة بتاعة نادر نبيل في المقابلة موضحة ان الشرخ بدأ من النص مش حتى من الطرف
أديداس مين يا درش ..........
دا أنا هاجيبله تي شيرت من التوحيد و النور
لأ ...من الوكالة
انا لو طلعت بفعل فاعل هاستريح
بس الفاعل ده تفتكر فعلها ازاي
باقولك الشرخ بدأ من النص ومش من بره ....
والله انا ماشي زي جميع أخواننا المواطنين زيكم كده
ههههههههههههههههه
اصل بعيد عنك يا كمال لما الغلاسة بتشتغل لازم تقل أدبك و تفور دمك
و أنا باخدها من قاصرها و أريح الظابط و اسيبه يعمل اللي هو عايزه :brn:
و بعدين ربنا بيفرجها :Ka_che1[1]:
أرض أرض عابر للقارات و حياتك
بس كنت طووووووووووول عمري باكدب نفسي
انما المرة دي
لأ
حسبنا الله ونعم الوكيل .. ربنا يصبرك وحاول تبعد عن الشخص ده .
بص يا دكتور انت تروح لأى حداد يلحمهالك من ورا
ولو عايزه يعملهالك صح يركبلك خوصه ودى عباره عن شريط صاج بطول اللوحه وعرضه حوالى 3 سم ويتلحم كل ناحية فيها بقطعه من قطعتي اللوحه بالطول وهيبقى ورا مش باين ( بلاش تخليه يحطلك خوصه تخينه علشان متبقاش مكعبرة ورا اللوح- شريط صاج كفايه اوى)
وممكن انت تعملها بنفسك تجيب اى حتت صفيح وتقصها على شكل شريط وتلزقه بطرفين اللوحه بالطول من الخلف بلزق حديد ( بيكون عبارة عن انبوبتين بتخلط جزء منهم الاتنين على بعض وتلزق بالخليط )
كل ده طبعا علشان متضطرش انك تحرق اللوحه وترشها لأن فى الحاله دى هتفقد حاجه مهمه فى اللوحه وهيا خاصية الانعكاس وخصوصا ان ؤدام مبيكونش فيه عواكس فى العربيه
الحمد لله يا دكتور احمد انها جت علي قد كده بس بجد انا لميت كل اللي في البيت يتفرجوا علي الصورة لان الموضوع ده عندي وسواس قهري قلتلهم تعالوا شوفوا علشان تصدقوا بنفسكم