الموضوع: حرارة المازدا 323

لو العداد عندك سليم وكلة تمام يبقى كده بتشتغل بدرى لانها عندى بتشتغل بعد ما تعدى النص
والحرارة الطبيعية فيها عند الشرطة البيضة التانية من تحت وبتفضل ثابتة عندها مهما عملت فيها
المهم انك تتاكد ان المية مش بتنقص

المشاركة الأصلية كتبت بواسطة thedeveloper87

جزاك الله خيرا يا أخ محمد.
بس طبعا علشان احنا في الصيف والمازدا مافيهاش قربة زي مانت عارف ، فبالتالي الفايظ بيرمي في الشارع ، أنا بحط مياه بمقدار نص لتر كل أسبوع أو أسبوع ونص فهل ده طبيعي؟
معلش كنت عايز أسأل حضرتك سؤال تاني. لو تفتكر سؤال مشكلة ريحة العادم اللي بشمها من قدام ، حضرتك غيرت الشكمان بكام؟ ومنين؟ وياريت لو تعرف واحد كويس بتاع قطع غيار مازدا دلني عليه. معذرة على كل الأسئلة دي. أصل أنا لسة شاريها من شهرين ونص وماليش في العربيات تماما.
وجزاك الله خيرا

وجزاك يا اخى
معقولة نص لتر كل اسبوع بس حاول تطمئن على دورة التبريد وغطاء الردياتير انه محكم
الطبيعى بتاع العربية دى انه طوؤلما فيها مية مش ناقصة والشكمان مش مسدود نادراً لما تسخن نهائى

من ناحية الشكمان كلفنى 240 بالتركيب كامل بدون المشترك كانت حالتة كويسة
جاهز مش عمولة....بس الراجل اللي بتعامل معاه كان بيعملى شكمان عمولة احسن من الجاهز بس للاسف الخامات الصاج مش زى زمان فقالى الجاهز افضل حاليا
وفعلاً فرق معايا جداً بالنسبة للحرارة وريح الموتور اوى فى السحب والسرعة

بس الراجل ده فى المنيا انا مش عارف حضرتك منين
وبتعامل مع واحد ميكانيكى فى المنيا فاهم العربية وكويس جداً ولو حضرتك من القاهرة فالاعضاء اصحاب المازدا اجمعوا عى ان الاسطى نبيل احسن واحد بيشتغل فى المازدا وشهرة بلبل مازدا
هو متخصص فى المازدا ومكانة فى القلعة عند دار المحفوظات
وهجيب لحضرتك عنوانة بالتفصيل ورقم موبايلة

اما من ناحية قطع الغيار فى التوفيقية مليانه واعرف ناس تانية بتجيب قطع غير مازدا فى القاهرة هبقى اجيب لحضرتك عناونهم
العربية بفضل الله حافظ كل مسمار فيها

ولو فى اى استفسار بخصوص العربية دى انا تحت امرك

ms3111
امشى فى شارع الاتوستراد بعد متعدى المقولين العرب تفضل ماشى على طول حتلاقى كوبرى متطلعش الكوبرى وكمل من تحت شوية وتدخل يمين من عند الطرب طريق يدخلك على القلعة افضل ماشى مع الطريق واسئل اى حد عن بلبل مازدا حيقلك لانة معروف جامد فى المنطقة و العنوان ( 12 ميدان سيف اليزل بجوار دار المحفوظات) الموبيل بتاعة 0129278896

دى كانت مشاركة لاحد الاعضاء فى المنتدى بيوصف عنوان نبيل مازدا
واكيد الراجل ده هيكون عارف قطع غيارها منين بالظبط

لا انا لسة ماركبتش عداد rpm
وهقولك على مكان واحد جبت من عنده كربيراتير جديد والحمد لله