شكر وتقدير واجب للمهندس حاتم مركز السبع

**maged george** · 12-08-2009 09:33 PM

الف شكر يا باشمهندس حاتم على ذوقك وأخلاقك في التعامل معي ومع الناس وعلى صبرك لسماع تفاصيل المشاكل الموجودة بالسيارة وعلى ضميرك الحي في العمل على حل كل المشاكل اللي في السيارة وديه شهادة حق وشكر واجب مني ولك كل تقدير واحترام.

**M.Osman** · 12-08-2009 10:18 PM

ربنا يوفق و يكتر من امثاله

**حاتم فوزى** · 13-08-2009 07:55 PM

متشكر ليك يابشمهندس ماجد أنا بجد معملتش أكتر من شغلى وده حقك إننا نسمع لشكوتك ونحلهالك بكل سهولة وإحترام
وبجد فرحان إنى شوفتك فى المنتدى من تانى.منور المنتدى كله ياهندسة.وياريت لو تطمنى على حالة السيارة أول بأول ومعاك تليفونى فى أى وقت يشرفنى إتصالك

شكرا ليك أخى Mohammed Osman وجزاك الله خيرا

**MTAK** · 14-08-2009 03:27 AM

و الله يا جماعه كل شوية
بتخلونى افكر جديا اجرب مركز صيانة السبع فى الصيانة اللى جاية (55 الف ان شاء الله)
مكدبش عليكم
يونايتد مابقاش من وجهة نظرى زى اول ما فتح و مش عايز اقارن علشام ما روحتش غيره حتى لا تكون مقارنه ظالمه
و برضه تبقى فرصه اقابل مهندس حاتم

**MOMOBARAK** · 15-08-2009 05:08 PM

انا كنت هناك ولسه راجع بصراحه معرفش اوصفه خالص .قالولى انه وراء كارفور وبجوار نادى دجله ومشيت ومشيت ومشيت وسط مبانى واراضى لسه حتتبنى وشوارع مكسره ويمين وشمال واخيرا وقـفت عربيه نيسان فى وسط الشارع قالتلى استمر ومشيت واخيرا سألت شاب عن نادى دجله قالى على اليمن واخيرا لقيته بجانب النادى . فنصيحه تروح قبل الميعاد بساعه علشان تعمل حساب التوهان والشوارع المكسره.بالنسبه للخدمه جيده والاستقبال محترم.

**Said Elmasry** · 15-08-2009 07:42 PM

المشاركة الأصلية كتبت بواسطة momobarak

انا كنت هناك ولسه راجع بصراحه معرفش اوصفه خالص .قالولى انه وراء كارفور وبجوار نادى دجله ومشيت ومشيت ومشيت وسط مبانى واراضى لسه حتتبنى وشوارع مكسره ويمين وشمال واخيرا وقـفت عربيه نيسان فى وسط الشارع قالتلى استمر ومشيت واخيرا سألت شاب عن نادى دجله قالى على اليمن واخيرا لقيته بجانب النادى . فنصيحه تروح قبل الميعاد بساعه علشان تعمل حساب التوهان والشوارع المكسره.بالنسبه للخدمه جيده والاستقبال محترم.

انا لسه راجع من هناك
عملت صيانة الألف للنيسان ليفينا
ناس محترمين جدا بس المركز بيطوره لسه وان شاء الله على الصيانة الجاية هايبقى تحفة ان شاء الله
اما عن الطريق ففعلا زبالة قوى
مش عارف ازاى ده مدخل نادى وادى دجلة !!!!!!!!!!!!!!!!

**Osama_I** · 19-08-2009 06:42 PM

السلام عليكم و رحمة الله و بركاته
انا انشاء الله حجزت بكره فى مركز السبع و دى أول مرة أروح هناك و كان ليه شوية استفسارات و مش عارف ليها حل فى مركز السبع و لا لأ ....
أولاً : كتيب الضمان ضايع و الصيانات اللى فاتت كنت بعملها فى يونيتد و قالولى مش مشكلة طول ما معاك الفواتير بتاعة الصيانة فهل إذا كنت حغير للسبع لازم اخد الفواتير معايا.
ثانياً : لون المرايات قشر لوحده فهل ده عيب فى العربية و لا ليه حل.
ثالثاً : صوت الدبة اللى فى الناحية الشمال .؟
رابعاً : زراير الزجاج الخلفى لا تعمل و بلغت التوكيل عليهم و قالى ده من قلة الاستعمال. هل ده صحيح...؟
خامساً : عندى خرابيش مسامير فى الدهان هل علشان تتعالج لآزم ارش العربية كاملة ...؟؟؟
ياريت لو فى حد يعرف يطمنى ....
و شاكر مقدماً

**MTAK** · 20-08-2009 09:51 AM

طبعا عاجزين عن شكر م/حاتم فوزى
و لى استفسار صغير
ارجو ان تشرح كيف اذهب الى السبع
انا باجى من السويس و ادخل الدائرى من عند التجمع الخامس
انزل من انهى نزله و امشى ازاى
--
حاجه تانيه
انا سمعت ان فى السبع الزيت المستعمل هو شل
و انا باحط موبيل1
يا ترى فى مشكله
--
انا باروح صيانه كل 10000 "صعبه حكاية الـ 5000 دى"
و بروح مع تغيير الزيت و بدأت عند 5000
يعنى باغير 15000 و 25000 و هكذا
وفى يونايتد قالولى مافيش مشكله تيجى فى الكسور و نعملك صيانة اللى قبلها
يعنى مثلا اخر مرة روحت على 45000 و عملوا صيانة 40000
و قالوا ان صيانات ال 5000 دى ربط عفشه و حاجات بسيطه
يا ترى ايه النظام معى
--
اخر سؤال "معلش استحملنى"
انا اكتر حاجه باحبها فى يونيتد انى باروح من غير حجز من 2007 الى الان
لانى ماليش مواعيد معينه فى شغلى و سفرى
يا ترى فى السبع لازم حجز و بيبقى من قبلها بكم من الفترة الزمنيه

الف شكر يا باشمهندس

الموضوع: شكر وتقدير واجب للمهندس حاتم مركز السبع

LinkBack

أدوات الموضوع

عرض

شكر وتقدير واجب للمهندس حاتم مركز السبع - انشر الموضوع فى :

-

-

-

المواضيع المتشابهه

شكر وتقدير للمهندس طارق بيك زويل

شكر واجب للمهندس اسامة (مركز صيانة الاسكندرية)

شكر وتقدير واجب للمهندس حاتم فوزى

شكر خاص للمهندس حاتم السبع

الى الباشمهندس حاتم مركز السبع

الكلمات الدلالية لهذا الموضوع

المفضلات

المفضلات

ضوابط المشاركة