الموضوع: مشكله مع i2 و عايز حل

السلام عليكم...
انا معايا موبيل N81 2 GB المهم ,,,
كان كل ما افتح نت الزراير تسخن اووووووووووى
و فى يوم
زراير الموبيل كلها فصلت و مفيش ولا واحد شغال ..
سيبته يوم ...
اشتغل لوحده ...
بس فيه زرار بيعلق ..
المهم ..
روحت I2 (الموبايل فى الضمان) ..
خدوه و قالو استلم كمان 8 ايام ...
ال 8 خلصو و اتصل اسال يقولو يومين كمان ....
فى الاخر ..
قالو تعالى استلم ..
روحت استلمت ...
بس كان فاصل شحن ...
و الى هناك قالى عملنا اصلاحات فى الدوائر الداخليه ....
روحت شغلت الموبيل ...
زى ما كان بالظبط و نفس الزرار بيعلق ...
رجعت تانى ...
خدوه ..
بقاله 13 يوم ...
كلمتهم قالو ...
الموبيل غير قابل للاصلاح ...
هنبعتلك واحد جديد ...
كده تمام اوى ...
بس اكتشفت ..
انهم هيبعتو موبيل من غير علبه ...
انا مش طمعان فى العلبه ...
بس فى مشكله
الموبيل هيبقى ب SERIAL NUMBER , العلبه الى عندى ب SREIAL NUMBER تانى !!!!!!!!
دى طبعا مشكله لما اجى ابيعه ...
لان الى هييجى يشترى هيقولى دى مش علبه الموبيل !!!!!!!!!!
و كمان لو موبايلى اتسرق ...
و الى سرقه اتمسك و معاه الموبيل ..
عشان اثبت ان ده موبايلى ..
هجيب العلبه و هيكون عليها نفس السريال بتاع الموبيل ...
بس لو حصل الى التوكيل عايزه !!
يبقى مش هعرف اثبت ان ده موبايلى !!!!!!!!!!!!
كلمتهم تانى اقنعم بالكلام ده ...
مفيش فايده ...
كلمت NOKIA CARE CENTER ....
برده مفيش فايده ...
بيقولى و انت بتبيعه ابقى ورى الى هيشترى الايصال و هو هيصدق ان العلبه دى بتاع الموبيل !!!!!!!
انا محتار و مش عارف اعمل ايه ..
و فى نفس الوقت مستعجل على الموبيل جداااااااااااا

المشاركة الأصلية كتبت بواسطة mramzy

بالمناسبه هما بيديك ضمان جديد برقم جديد على الجهاز الجديد واللى بيحصل انه باختصار بيغير البورده ويركبهم على نفس الكفر ونفسى الغطا ونفس المفاتيح والبطاريه يعنى لو كان فيه تجريح مثلا فى الكافر من بره هتلاقه برضه حصلت معا يا فى e61i وغيرت الشاشة فى التامين ودفعون 30 % من قيمه الموبيل ورجع بنفس خدوشه وكل حاجه وادونى ضمان جديد بالرقم الجديد - لوانت رحت الصيانه الرئيس اللى ورا نادى الزمالك ده شغال 24 ساعه لكن الفروع بتاخد وتبعتله وعلشان كده بياخدوا وقت
ولا تقلق واى سؤال

شكرا لردك ...
بس من كلامهم فى التلفون فهمت انهم هيغيرو الموبيل كله مش البورده بس ...
لان الموظف قالى ..
حضرتك استنى 4 ايام كمان على ما نقدر نوفرلك موبايل زيه !!!!
و سالته بقوله هييجى معاه علبه قالى لا نديلك موبيل كامل جديد بس من غير اى حاجه معاه ..
السؤال بقى الى بيطرح نفسه :
لو بعت الموبيل ده يعمل كااااااام ؟؟

المشاركة الأصلية كتبت بواسطة mahora

حصل معايا نفس موقف تغيير التليفون ده بس مع رايا..... و ادونى وصل فيه السيريال القديم و السيريال الجديد و كل التفاصيل وده تحتفظ بيه مع العلبة و يبقى كده تمام

شكرا لردك ...
هم غيرولك الموبيل بالكامل ولا البورد بس زى ما الاستاذ رمزى بيقول ؟؟
ولا بتبقى حسب العطل بتاع الموبيل