انهى احسن كيا برايد هاتشباك ولا اونو من حيث القوه وسهوله الصيانه ووسع الشنطه والسفر فى بعض الاحيان ؟
عرض للطباعة
انهى احسن كيا برايد هاتشباك ولا اونو من حيث القوه وسهوله الصيانه ووسع الشنطه والسفر فى بعض الاحيان ؟
بص انا معايا اونو و صاحبي اللي معايا في الشغل معاه برايد
الأونو انعم و اوسع و شنطتها اكبر و قطع غيارها ارخص و كمان أعلي عن الأرض
البرايد سحبها احسن و عفشتها اقوي من الأونو و برضة قطع غيارها كويسة
بس بيني و بينك انا مش بحب البرايد لسبب مهم و هي انها مهما عملت فيها شكلها عفش، معرفش انا دايما بحس كدة مسألة ازواق
و كمان للعلم الأونو حتلاقي كتير حالتة كويسة علي عكس البرايد
كمان البرايد فيها ميزة و تحديدا بعد موديلات 96 حتلاقي فيها أر بي أم و أمبير حرارة
الأونو مفيهاش امبير حرارة لييد بس ، و مفيهاش ار بي ام
بس كنت قريت ان ار بى ام وامبير الحراره ممكن يركب للاونو عادى
صح دا ولا غلط ؟
مش عارفين والله بس بص
انا برده معايا اونو94 بسم الله ماشاء الله عربيه جميله جدا وقطع غيار متوافره جدا البريد كذالك بس خد بالك الاون ايطالى البريد كورى كمان الاونو بيتهيقلى اقل فى عدد البور هورس بتاعها ياعنى
45 حصان البريد بيتهيقلى اعلى منها شوف حضرتك واختار وشف الاتنين كويسين لان واحده زملتى كانت جيبه واحده وماشاء الله شغاله معاها وفيها تكيف وار بى ام وحراره اونو فعلا مش فيها كده
شكرا على الردود بس عاوز اعرف هل لو ركبت تكييف للاونو هياثر على العربيه ولا ايه
وهل فعلا ممكن اغيرلها الماتور ل 1300
الأونو كمان انشف و اقوي عن البرايد
و بعدين الأونو كانت بتنزل 1400 و 1500 و 1800 ديزل كمان يعني هتجيب ال 1300 مع تكيف ساندن مثلا و ده غير ان كمالياتها كتير و سهل تجيبها و اصلا مش هتندم عليها
و للمعلومية المقصات و المساعدين و عفشتها مش ضعيفة خالص
هو فية ميزة بس في البرايد ان لسة بينزل منها جديد لحد النهاردة بس الاونو احسن منها في كل حاجة
شكرا على الردود وان شاء الله نويت على الاونو خلاص بس ربنا يسهل
الفرق مش كبير فى القوة لكن الاونو افضل
بجد ياجماعة انا محتار جدا بتوع الكيا يقول البرايد احسن وبتوع الفيات يقولوا الاونو
طيب اجيب ايهههههههههههههههه
متحترش انا مجرب ال2 بص البرايد سحبها حلو بتشم البنزين سبات وعفشه مش حلوه خالص قطع غيار مش معمره اوي
الاونو اوسع انعم اريح فلسواقه قطع غيار الماني وايطالي معمره اكتر وارخص عفشه وسبات احسن بنزين واحد تأريبن العيب الوحيد الموتور خفيف شويه مش محتاج ارص عليه. الموضوع فلأول والاخر حالت العربيه اهم جاجه وربنا يوفقك
بصراحة انا مستغرب جدا من كلامكم ان الأونو أكبر من البرايد !
مع ان البرايد حجمها من برا أكبر ، انا جربت الأونو قبل كدة واتفرجت عليها قبل ما اشتري الأستارليت وكنت بحس ان راسي هتخبط في السقف واخويا اطول مني شوية كان بيخبط في السقف فعلا مع اني مش طويل أصلا 175 سم ، فا غريبة قوي كلامكم ان البرايد أصغر !
والدي بيقولي اتفرج علي البرايد اول ما نزلت زمان زيرو كان بيفتح الكرسي اللي قدام علي الأخر ويقعد وراة واسعة ، أظن الأونو مش كدة
عموما العربيتين مش فارقين كتير من بعض المهم اللى ترتاحلها نفسيا واللي حالتها تكون أحسن لأن دي أهم حاجة في المستعمل
الاونو اوسع وممكن تغير العدادات وتشتري واحد فيه عداد حراره و رب م من برسعيد او الحرفيين (اشتريته من بورسعيد من سنتين ب 100 جنيه) :verygood:كمان قطع الغيار ببلاش وعفشتها جيدة:verygood: